ВМРО – ДПМНЕ во овие разговори одби директно да го поддржи референдумот на кој граѓаните треба да кажат дали се за или против, преку договорот со Грција, земјава да стане дел од Европската Унија и НАТО. Според синоќешните изјави кои ги дадоа лидерите на СДСМ и ВМРО ДПМНЕсе заклучува дека Власта попуштила, односно ги прифатила следниве барања на најголемата опозициска партија.
Техничка влада по “пржински” модел пред избори
Финансирање на политичките партии со кои се регулира донирање
Претседателско место и избор на ДИК по стариот модел односно со двотретинско мнозинство во парламентот..
За последново сепак не се знае точно што и како договориле лидерите на партиите.
Во овие преговори според инфомациите од СДСМ имале само едно конкретно барале. ВМРО-ДПМНЕ да го прифати референдумот и да повика граѓаните, по сопствено убедување да гласаат за или против договорот со Грција. Тука и запнале работите.
Во ВМРО имаат друг поглед на работите.
Партиите барем засега се затворени за повеќе детали за тоа што точно било разговарано синоќа во клубот на пратениците. Како и да е роковите газат и сосема е веројатно дека многу брзо лидерите уште еднаш ќе седнат на заедничка маса во обид да се договорот за референдумот, по што ќе стане јасно дали ќе останат доследни на ставот кој со години го повторуваа, а тоа е дека ќе поддржат референдум за договор за името. Дополнително, барем засега граѓаните имаа можност да го слушан предлогот за референдумско прашање кој го даде владата, но конкретен предлог од ВМРО-ДПМНЕ јавно не дадоа, односно останаа на ставот дека тоа не треба да биде двосмислено и покрај тоа што за поголем дел на граѓаните и интелектуалната јавност, прашањето “дели сте за влез на Македонија во ЕУ и НАТО преку прифаќање на договорот со Грција” е повеќе од јасен.