Македонија

Грција протера тројца руски дипломати кои „ работеле“ против договорот со Македонија

Разгори ли Договорот за името дипломатска криза меѓу Грција и Русија?

Атина протера двајца руски дипломати и забрани влез за уште двајца, Москва возврати со иста мерка, како вовед во најстудената фаза во односите меѓу двете земји. Грчките медиуми објавија дека ваквиот епилог е резултат на обидите на Русија за незаконски дејствија против нациоанланата безедност во земјата, вклучително и да се поткопа Преспанскиот договор.

Русија презеде напори да интервенира во чувствителното национално прашање, како што е договорот со ПЈРМ и со тоа, негативно влијае на улогата на Грција на Балканот,

се вели во текстот на грчки Катимерини. Грчкиот портпарол Ѕанакопулос не открива детали, но признава дека имало мешање во внатрешните работи на Грција.

-Грција сака добри односи со сите земји, но не може да прифати однесување кое се коси со меѓународното право и не покажува почит кон грчката држава. Нашите проценки се дека имало такво однесување и ние ќе ги преземеме сите неопходни мерки во таа насока, изјави Димитрис Ѕанакопулос, портпарол на грчката влада

Во истата насока и со реципрочни мерки експресно одговори и Москва. Интерфакс, повикувајќи се на изјавата на рускиот пратеник од горниот дом Андреј Климов, објави дека и Русија протерува двајца грчки диупломати. Повикувајќи се на дипломатски извори, Катимерини објави дека покрај за спорот за името, Русија ги презела и следните активности.

*мешање во внатрешните работи на Грција

*обид да се се стекнат и објават информации и да се поткупат грчки оперативци

*нудење финансиска награди за општините и митрополитите со цел да се обезбеди влијание на Света Гора

Москва, според руските медиуми, се сомнева во вистинските причини за протерувањето на дипломатите и смета дека се работи за истата глобална координирана акција, која почна во март како одговор на труењето на рускиот шпуон Сергеј Скрипал во Британија. Грција тогаш не се солидаризира со 20-те земји членки на Унијата, кои протераа руски дипломати. Македонија беше дел од кампањата и протера еруски дипломат од Скопје.

Свет

ОН: Разорните климатски промени доаѓаат побргу од очекуваното

Разорните климатски промени се случуваат побрзо од очекуваното, а светот се движи кон границата на затоплување од 1,5 степени Целзиусови што ќе ја достигне за нешто повеќе од десет години, објавија ОН.

Температурите забележани во последните години предизвикаа бројни разорни бури и поплави, топлотни бранови што ги уништуваат земјоделските култури и катастрофални суши во различни делови на светот.

Но, на следните генерации најтоплиот период од 2020-тите ќе им биде релативно кул, дури и ако емисиите на фосилни горива што ја затоплуваат планетата брзо опаѓаат, се вели во извештајот на советодавниот панел на ОН за климата. „Резиме за креаторите на политики“ од 36 страници е синтеза на шест главни извештаи од 2018 година до денес, составени од Меѓувладиниот панел за климатски промени (IPCC).

Извештајот е брутален потсетник дека, иако човештвото има алатки за да спречи климатска катастрофа, сè уште не ги користи тие алатки.

На почетокот на 2030-тите, светот би можел да ја достигне зацртаната цел за ограничување на зголемувањето на температурата на 1,5 степени Целзиусови во споредба со прединдустрискиот период, што ќе влијае во блиска иднина. Но, шефот на ИПЦЦ изјави за АФП дека верува дека не е доцна да се сменат работите и го нарече извештајот „порака на надеж“.

„Имаме знаење, технологија, алатки, финансирање, во основа сè што е потребно за да се надминат климатските проблеми за кои сме свесни толку долго“, рече Хоесунг Ли во видео интервјуто. „Но, во моментов ни недостига клучна работа - силна политичка волја еднаш засекогаш да ги решиме овие прашања.“

Генералниот секретар на ОН, Антонио Гутереш, реагирајќи на извештајот, рече дека богатите земји кои се стремат кон јаглеродна неутралност до 2050 година или подоцна треба да ги забрзаат своите цели и да ги остварат најдоцна до 2040 година за да ја „деактивираат климатската темпирана бомба“.

„Човештвото е на тенок мраз и тој мраз брзо се топи“, рече шефот на Обединетите нации во видео пораката откако панелот на IPCC го објави својот најнов извештај. Гутереш го спореди со „водич за опстанок на човештвото“.

IPCC јасно посочи дека придобивките за општеството и светската економија од ограничувањето на глобалното затоплување под два степени Целзиусови ги надминуваат економските трошоци. Деветдневните преговори, кои се одржаа во Интерлакен, Швајцарија, беа обележани со несогласувања околу фосилните горива, убедливо најмоќниот двигател на глобалното затоплување.

Свет

Уапсен е поранешен австралиски војник и обвинет за убиство на цивили во Авганистан

Австралиските власти денеска соопштија дека уапсиле поранешен војник за наводни убиства на авганистански цивили.

Поранешниот војник е обвинет за гореспоменатите злосторства додека бил во Авганистан како дел од воена операција во која учествувале австралиски воени сили.

Австралиската федерална полиција очекува 41-годишниот маж да биде обвинет пред австралискиот суд за едно од точките за воено злосторство убиство, кое ќе носи доживотна казна затвор. Ова е првпат активен или поранешен припадник на австралиските одбранбени сили да се соочи со вакви обвиненија.

Четиригодишната истрага открила дека австралиските специјални сили наводно убиле 39 невооружени затвореници и цивили во Авганистан, а високи командоси наводно ги принудувале помладите војници да убиваат беспомошни затвореници за да ги подготват за борба.

По препораките на извештајот, случаите на 19 сегашни и поранешни припадници на австралиската војска се упатени на специјален истражител за да се утврди дали има доволно докази за кривично гонење. Повеќе од 39.000 австралиски војници служеле во Авганистан, а 41 загинале.

Австралија беше дел од меѓународните сили предводени од НАТО кои ги обучуваа авганистанските безбедносни сили и се бореа против талибанците две децении, откако силите поддржани од Запад ги соборија исламистичките милитанти во 2001 година.

Кошарка

Шекил ги загрижи фановите, објави фотографија од болнички кревет

Еден од најдобрите центри во историјата на кошарката, легендарниот Шекил О'Нил ја загрижи јавноста со последната фотографија од болница која ја објави на Твитер.

Шек објави фотографија на која лежи на болнички кревет со порака дека слуша подкаст што го водат Ерни Џонсон и Кендис Паркер.

Американските медиуми не знаат што се случило со познатиот кошаркар и засега само шпекулираат. О'Нил на Твитер објави дека треба да внимавате на пилешко на скара, па некои медиуми пишуваат дека бил отруен, а други тврдат дека го оперирал колкот. Засега сето тоа е непотврдено.

притисни ентер