Македонија

Могерини: Брисел ќе го даде заслуженото внимание на земјите од Западен Балкан

Пополаднево во Брисел почна и самитот Европска Унија – Западен Балкан, на кој учествува и Македонска делегација.. Премиерот Заев во рамките на самитот се сретна со екс генералниот секретар на НАТО, Џорџ Робертсон.

Додека Велика Британија е во тотален хаос околу излегувањето од Европската унија, премиерката Тереза Меј во Лондон ги собра лидерите од Западен Балкан за да разговараат за европските интеграции на земјите од регионот.. Иако Самитот ЕУ-Западен Балкан поминува во сенка на големиот потрес што го предизвикаа остваките на двајцата клучни министри за Брекзитот, Борис Џонсон и Дејвид Дејвис, шефицата на европската дипломатија Могерини порача дека ЕУ ќе им го даде заслуженото внимание и поддршка на тие што сакаат да бидат дел од Унијата.

Додека некои се борат како да излезат, некои работат напорно да влезат во Унијата. За нив сме денеска тука. Земјите од Западен Балкан работеа многу напорно на реформите, на нормализацијата на добрососедските односи. Некои билатерални договори беа историски, како тој за прашањето за името, што го потпишаа Атина и Скопје неодамна, на што сведочев. ЕУ ги препознава овие работи и ги придружува на нивниот пат кон интеграцијата.

Сите млади луѓе од Балканот не потсетуваат секогаш на атрактивноста на ЕУ, како ншето многу реално и витално. Од надвор некогаш се сфаќа ова подобро отколку од внатре – рече Могерини.

Зошто шесте земји од регионот сакаат да се дел од ЕУ, кога Велика Британија сака надвор, се интересираа и англиските новинари.. Ова прашање му го поставиле и на шефот на македонската дипломатија Димитров.

Кога бев прашан од британски новинар „Зошто сакате во ЕУ, кога ние си одиме“, одговорив „За вас внатре лесно е да заборавите колку е студено надвор“ - изјави Димитров.

На Конференцијата за иднината на Балканот, присуствуваше и еврокомесарот Хан, кој е уверен дека земајава со успешен референдум и завршени домашни задачи во јуни следната година ќе започне преговори за членство во ЕУ, кое најрано би се случило за 7 години.

-Овој фазмозен индикативен датум 2025 година дава на целиот процес повеќе кредибилитет. Пред тоа, многу често имаше многу често замаглени изјави за перспективата дека „можеби некогаш ќе има членство“. Но, овој датум, ја прави приказната многу поконкретна.

Треба да имате на ум, дека 2025 година значи дека преговорите треба да завршат до 2023 година. Ова е речиси утре. – изјави Хан.

Заклучоците од Самитот ќе и соопштат попладнево Тераза Меј и Ангела Меркел, а потоа лидери ќе одат на прием кај принцот Чарлс. Во Лондон е и ЦИпрас, но нема потврда за средба со Заев.

Македонија

Честитка по повод празникот Воскресение Христово - Велигден од претседателот на ВМРО-ДПМНЕ

Поучени од христијанските начела, да си ја сакаме државата, да го сакаме ближниот, да направиме се утре да биде подобро од денес.

Честитка по повод празникот Воскресение Христово - Велигден од претседателот на ВМРО-ДПМНЕ Христијан Мицкоски

Дозволете ми од мое лично име и од име на ВМРО-ДПМНЕ да го честитам големиот христијански празник, Христово Воскресение - Велигден, на сите верници.

Христовото Воскресение му покажа на човекот колку Бог го сака, и дека беше спремен да биде распнат за спасението на човештвото. Љубовта на Бога кон човека е неизмерна.

Воскресението е потврда дека надежта секогаш ќе победи, човековата волја, љубов и верба можат да допринесат за поубав свет.

Поучени од христијанските начела, да си ја сакаме државата, да го сакаме ближниот, да направиме се утре да биде подобро од денес. Промените кои доаѓаат да ги запечатиме со силна победа, за догодина да славиме Велигден со многу поголеми насмевки на задоволство како нација.

Христос Воскресе! За многу години Велигден!

Со почит,

Христијан Мицкоски

претседател на ВМРО-ДПМНЕ

Центар за комуникации на ВМРО-ДПМНЕ

Свет

Русија распиша потерница и за командантот на копнените сили на Украина, Пављук

Министерството за внатрешни работи на Русија синоќа распиша потерница за командантот на копнените сили на Украина, Александар Пављук.

Министерството вчера распиша потерница и по претседателот на Украина, Володимир Зеленски и поранешниот претседател, Петро Порошенко.

По Пављук е распишана потерница поради „кривично дело“, но не е прецизирано за кое кривично дело, јавија руските медиуми.

На 11 февруари, Пављук беше назначен за командант на копнената армија, а пред тоа беше прв заменик - министер за одбрана на Украина.

Македонија

Претежно сончево и потопло

Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи.

Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.

Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.

Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.