Министерот Бектеши и бугарската министерка за енергетика Теменушка Петкова посочија дека во наредниов период ќе се финализираат сите потребни договори за навремено спроведување на пазарното спојување, во предложената временска рамка во вториот квартал од следната година.
Свое обраќање на Виенскиот форум имаше и премиерот Заев. Според него форумот е добра прилика да се афирмираат врските меѓу економијата и бизнисот со политиката, со заедничките иницијативи со што се создаваат партнерства меѓу владите и општествата на земјите од Западен Балкан.
„Дозволете ми да ви дадам еден пример. Со Бугарија, потпишавме Договор за пријателство, добрососедство и соработка. Без странска медијација. Сега ги жнееме резултатите: Трговијата меѓу двете земји порасна за 12 отсто. Ова е добра пример и поттикнување за подобрување на билатералните односни за другите во регионот“ – изјави Зоран Заев, претседател на Владата на РМ.
Владата ќе биде посветена на реализација на проекти со кои ќе придонесе кон подобра регионална соработка, а особен фокус ќе стави на патната и железничката инфраструктура, истакна вицепремиерот Анѓушев.
На форумот освен владини претставници свое учество имаа и повеќе економски чинители од земјава.
Со ова и официјално завршија активностите во рамките на Самитот ЕУ-Западен Балкан. Со овој самит се одбележува завршетокот на претседавањето на Република Бугарија со ЕУ.