Македонија напредуваше 32 позиции на ФИФА ранг листата

Македонската фудбалска репрезентација направи скок од 32 места на ранг листата што Светската фудбалска асоцијација (ФИФА) ја објави денеска.
Македонија сега се наоѓа на 103.место и е на чекор до враќање во најдобрата „стотка“. Подобрениот пласман во однос на августовското рангирање, се должи на победата над Израел и ремито со Албанија во седмата и осмата рунда од Мундијалските квалификации.

Од противниците во квалификациската група на „црвено-жолтите“ најдобро котира Шпанија (11. место), потоа следува Италија која е на 17.место, Албанија е 66-та, Израел е на 82. место, а најслаб е Лихтенштајн кој се најде на 187-та позиција.

Промена има и на врвот. Нов лидер е Германија, втор е Бразил, а трета е Португалија. Во ТОП 10 светски фудбалски сили уште се: Аргентина, Белгија, Полска, Швајцарија, Франција, Чиле и Колумбија.

Следното рангирање ФИФА ќе го изврши на 16 октомври./МИА

Претставени маскотите за Олимписките игри во Токио 2020

Организаторите на Летните олимписките игри во Токио 2020 ги претставија официјалните маскоти.

По анкетата спроведена во основните училишта во Јапонија, учениците одлучија тие да се викаат Мираитова и Сомеити.

Станува збор за ликови со футуристички изглед, кои според организаторот се комбинација на традицијата и иновацијата.

Маскотите ги изработи јапонскиот уметник Рио Танигучи.

Олимписките игри во Токио ќе се одржат од 24 јули до 9 август 2020 година./МИА

Хамилтон победи во Германија, Фетел не ја заврши трката

Возачот на Мерцедес, Луис Хамилтон, победи на трката за Големата награда на Германија, откако најдобро се снајде во променливите услови на патеката.

Актуелниот шампион на патеката „Хокенхајм“ стартуваше дури од 14-та позиција, но сепак успеа да стигне до 66-та победа во кариерата.

Второто место го освои неговиот клупски колега Валери Ботас, а трет заврши Кими Раиконен од Ферари.

Главниот конкурент Себастијан Фетел од Ферари, кој важеше за фаворит и тргна од пол-позицијата, сепак по 52 круга водство излета од патеката и ја заврши трката.

Хамилтон со оваа победа е прв во генералниот пласман и има 188 бодови, а Фетел е втората позиција со 171 бод./МИА

Иниеста дебитираше со пораз на Висел Кобе

Андрес Иниеста дебитираше во јапонскиот шампионат, но неговиот клуб Висел Кобе на домашен терен претрпе убедлив пораз од 0:3 од Шонан.

Иниеста влезе во игра во 59-та минута при резултат 0:2, но не успеа да внесе промена во лошата игра на неговите соиграчи и до крајот на натпреварот примија уште еден гол.

Дебито на шпанскиот фудбалер беше поздравено од присутните гледачи во Кобе со стоечки овации. /МИА

притисни ентер