Македонија

Жесток дуел во вечерашната „Само вистина“

Петров во ,, Само вистина,, ќе се кандидирам за претседател Пендаров- проблемот со името да се надмине со договор во Собрание


Претседателот на Светскиот Македонски Конгрес Тодор Петров рече дека на протестите што ги организираат низ Република Македонија бараат безусловно запирање на преговорите и отстапување од негово решавање и од барањата за членство во НАТО и во ЕУ. Не мисли дека ваквите барања се екстремни на кои не им е местото во 21 век.

Поранешниот новинар Тодор Пендаров рече дека ваквите тези се патетични како и подигнатите споменици од претходната влада. Според Пендаров прашањето за името треба да се реши во законодавниот дом со договор а дека референдумот би бил успешен доколку би се организирал. Според Петров проблемот на Грција со нашето уставно име е всушност ,,измислен ,, проблем за да го прикријат огромниот број на присвоени имоти по протерувањето на Македонците во граѓанската војна во 1948 г. Пендаров вели дека имотите на протераните Македонци ги зеле нивните роднини.

И двајцата не веруваат во анкетите како објективен репер за одредена состојба , бидејќи би можело да се штелувани, како што призна Петров дека и тој штелувал анкети во минатото.

Петров смета дека проблемот со името може да се реши на тој начин што Република Македонија би побарала од генералниот секретар на Обединетите Нации да не заведе под името Република Македонија, што според Пендаров нема да се одвива воопшто лесно односно никако бидејќи и во ООН може да не оспори Република грција.

Пендаров и Петров се согласија во едно дека од самиот почеток Македонија ова прашање не го поставила на основата која ја заслужува и дека дипломатијата во цело ова време во однос на ова прашање не била соодветно водена.

Погледнете ја вечерашната „Само вистина“

Свет

Анкета: Поддршката за членството на Полска во ЕУ - најмала во последнава декада

Поддршката за членството на Полска во Европската Унија падна на најниско ниво во повеќе од една деценија, според анкетата објавена денеска.

Според најновата анкета на институтот ЦБОС, и покрај победата на про-ЕУ коалицијата, поддршката за членството на земјата во Унијата падна на 77 отсто, што е најниско ниво од 2013 година.

Поддршката лани беше 85 отсто, а најголема беше во 2022 година, кога изнесуваше 92 проценти.

Про-ЕУ коалицијата дојде на власт во Полска на изборите во октомври по осум години владеење на партијата Право и правда (ПиС), ветувајќи дека ќе ги поништи законите воведени од десницата.

ПиС често беше во судир со западните сојузници на Полска и институциите на ЕУ во Брисел поради нивната загриженост за владеењето на правото во оваа земја. /МИА

Свет

Претставник на ОН тврди дека ќе бидат потребни 14 години да се отстранат урнатините во Газа

Претставникот на Обединетите нации, Пјер Лодамар денеска изјави дека ќе бидат потребни 14 години да се расчисти огромното количество урнатини, вклучително и неексплодирани експлозивни направи, што ги остави Израел за време на војната во Појасот Газа.

Лодамар, висок офицер во Службата за мини на ОН (УНМАС), на брифинг во Женева рече дека војната оставила околу 37 милиони тони отпад во широко урбанизирана, густо населена област.

Тој истакна дека иако не е можно да се одреди точниот број на неексплодирани убојни средства се смета дека под одредени услови, би можеле да бидат потребни 14 години да се расчистат остатоците, вклучувајќи ги и урнатините од уништените згради.

„Знаеме дека вообичаено има стапка од 10 проценти за неуспех, односно неактивирање на муницијата. Станува збор за 14 години работа со 100 камиони“, рече Лодамар. /МИА

Свет

Руски новинар на „Форбс“ е приведен поради наводно ширење лажни информации за армијата

Новинарот на магазинот „Форбс Русија“, Сергеј Мингазов е приведен под сомнение дека ширел лажни информации за руската армија, објави денеска магазинот.

„Форбс Русија“ додава дека досега не успеале да стапат во контакт со Мингазов. Неговиот адвокат Константин Бубон на Фејсбук објави дека новинарот е во притвор во источниот руски град Хабаровск, каде што живее.

Адвокатот рече дека Мингазов бил приведен поради преобјавување публикации за наводни руски воени злосторства во украинскиот град Буча, каде што убиствата на украинските цивили во првите недели од војната беа пријавени од Ројтерс и други новински организации.

Профилот на Мингазов на платформата Телеграм содржи бројни објави за Буча, а засега не е јасно за која од нив новинарот е приведен. /МИА

притисни ентер