Филмски циклус посветен на современиот израелски филм

Во Кинотека на Македонија од денеска до 6 декември ќе се одржи филмскиот циклус посветен на современиот израелски филм.
Во рамки на циклусот ќе бидат прикажани шест филмови со превод на македонски јазик.

Филмската ревија денеска ќе биде отворена со филмот „Хармонија“ со две проекции од 19 и 21 часот. Филмот е во режија на Ори Сиван и тој ја задржува посебната суштина на библиската приказна и додава интимна и човечка перспектива.

Во недела ќе се прикажува документарниот филм „Посебна посета во Македонија“ во режија на Пјер Лави кој ја документира посетата на делегација на лица со посебни потреби од Ерусалим во Македонија во септември 2016. Истиот режисер ќе се претстави со уште еден документарен филм во недела, а тоа е филмот „Кармелин во Македонија“ кој ја документира концертната тура во Македонија на трупата „Кармелим“ од школата Лео Бак во Хаифа, во јули 2016 година.

Во понеделник публиката ќе има можност да го погледне филмот „Татко“ во режија на Мени Јаеш, додека филмот „Витлеем“ ќе биде прикажан во вторник. Филмскиот циклус ќе биде затворен во среда со документарниот филм „Најдобрите за мечување“ во режија на Лиат Мер. /МИА

Мицотакис: Случајот со руските дипломати да не се поврзува со протестите против Договорот од Преспа

Посакувам, некои да не користат едно прашање од надворешната политика за внатрешно политичка употреба.

Бидејќи гледам дека постои обид за поврзување на случајот со руските дипломати, со според нашето мислење, оправданите реакции што постојат кај мнозинството од грчкото општество за прашањата од Договорот од Преспа, рече претседателот на Нова демократија, Кирјакос Мицотакис на прес конференција на Крит, одговрајќи на прашање поврзано со последните случувања во грчко – руските односи.

Мицотакис рече дека опозициската партија немала никакво официјално известување од владата за конкретното прашање, но според она што е познато, „ако навистина постоела интервенција во внатрешните прашања на земјата, тогаш Грција треба да реагира ефективно и одлучно“, јави дописничката на МИА од Атина.

Лидерот на Нова демократија, сепак, не ги прифаќа тврдењата дека Грците кои протестираа против Договорот од Преспа биле мотивирани од трети фактори.

- Да не ги мешаме двете прашања. Очигледно, грчкото општество не реагира за Договорот, бидејќи е поттикнато од некој. Реагира за Договорот бидејќи е лош Договор, бидејќи Ципрас и Коѕијас им ги отстапија македонска националност и македонски јазик на соседната земја, која слави за тоа и според тоа, можам целосно да разберам зошто големото мнозинство на грчкото општество е против овој договор, рече Мицотакис.

Во однос на решението меѓу Македонија и Грција, лидерот на Нова демократија уште еднаш го повтори ставот на неговата партија дека не се согласуваат со Договорот и нема да гласаат за ратификација во парламентот.

Воедно, избегна да коментира „што би можело и што не би можело да се случи на референдумот“ кај нас.

- Само ќе кажам дека Заев, систематски го користи името Република Македонија за да ја одреди земјата што ја претставува и многу инвестира во прашањата за македонскиот јазик, македонскиот идентитет и македонската националност, потврдувајќи ја на овој начин нашата сериозна резервираност. За прв пат, грчката Влада на соседната земја ѝ отстапи јазик и националност, а во исто време ѝ даде зелено светло за интеграција во НАТО, рече Мицотакис на прес конференцијата, за време на неговата посета на грчкиот остров Крит. /МИА

САД: Се преврти брод, има жртви

Најмалку 11 луѓе денеска го изгубија животот кога брод со 31 лице се преврти и потона во езерото недалеку од градот Бренсон, во американската држава Мисури.

До превртувањето дошло поради силната бура, а на бродот имало и деца, изјавила официјалните лица, а пренела агенцијата „Ројтерс“.

Седум лица се згрижени во болница после несреќата на вештачкото езеро Тејбл рок.

Нуркачите и понатаму трагаат за можни жртви.

Приведени 12 странски државјанки во локал во Желино

При контрола во угостителски објект лоциран на регионалниот пат Тетово - Скопје, во село Желино ноќеска полицијата привела 12 странски државјанки.

Како што е наведено во полицискиот билтен, ноќеска во периодот од 23:00 до 02:30 часот полициски службеници од СВР Тетово извршиле контрола во Угостителски објект лоциран на регионалниот пат Тетово - Скопје, поточно во село Желино, сопственост на З.С. од село Желино.

Во објектот биле затекнати 12 лица-странски државјанки, од кои 11 лица од Албанија и едно од Косово кои биле приведени во Полициска станица Тетово за понатамошна постапка. /МИА

притисни ентер