ММДЧП: Да не се дозволи мешање на странски држави

Одбивањето на претседателот Иванов да му го додели мандатот на Зоран Заев, и покрај притисокот од западните земји, е сигнал дека македонските политичари конечно застанаа во одбрана на македонските национални интереси, благодарејќи на Македонците кои масовно го кренаа својот глас.
Ова се наведува во соопштението на Македонското меѓународно движење за човекови права во кое упатуваат честитки до Македонците од сите политички партии, затоа што, како што наведуваат, заедно застанаа во одбрана на Македонија и ја отфрлија Тиранската платформа, која е во насока на создавање Голема Албанија, на сметка на територијалниот интегритет на Македонија.

Уште од осамостојувањето на Република Македонија, ММДЧП, стои, во континуитет барале од владата, без оглед која партија е на власт, да не дозволи мешање на странски држави, да отфрли каква било политичка пристрасност и, пред се’, да застане во одбрана на националните интереси на Република Македонија, како што впрочем прави и секоја друга држава.
- Од тие причини, ММДЧП ги осуди антимакедонските активности од двете најголеми политички партии. За сите граѓански и домашни проблеми, Македонците се тие што самите ќе ги бараат позитивните и негативните аспекти во политиките на која било партија, а не владите од западните држави, па дури и Македонците кои што живеат надвор од државата. Како и да е, кога станува збор за националните интереси на Македонија и човековите права на Македонците, ММДЧП жестоко ги брани и се залага за нив, велат од оваа организација.

Според ММДЧ, Македонците покажаа дека повеќе нема да толерираат воени злосторства, кои, со странска помош, може да доведат до запечатување на судбината на државата, дека нема да толерираат помалку од 20 % од населението на државата, кои што се верни на две странски држави, да држат во заложништво 80 % од луѓето кои што живеат во државата, и дека нема да толерираат ниту еден политичар кој што се покорува на овие, како што наведуваат, анти-македонски барања.

- Како што може да се види од неодамнешните најави од страна на Европскиот парламент, Амбасадата на САД и од Европската Унија, за Македонија, или да бидеме попрецизни за „оваа земја“ како што би рекла Федерика Могерини од ЕУ, тие очигледно интервенираат во внатрешните работи на Македонија, што веќе и не го негираат. ЕУ се закануваат со одложување на прием на државата како членка на ЕУ, доколку не се дозволи владина коалиција која ќе ја прифати Тиранската платформа. Но, притоа забораваат да наведат дека зачленување во ЕУ може да се случи само доколку Македонија го смени своето име, со што, со поддршка од Западот, би се задоволил угнетувачот Грција. Да не го заборавиме и Европскиот парламент кој што застана зад Бугарија, која со расистичка резолуција потврди дека македонското малцинство во Албанија е „бугарско“, посочуваат од оваа македонска ислеленичка организација.
ММДЧП, наведуваат, останува верна на својата дведецениска политика и од Македонија бара неодложно и неотповикливо да се повлече од преговорите за менување на името, под покровителство на Обединетите Нации и да одбие какво било мешање во внатрешните работи на Македонија.
Меѓу барањата се и протерување од државата на амбасадорот Бејли и сите други странски дипломати кои што ги поддржуваат активностите на Амбасадата на САД, да се осудат сите албански воени злосторници кои што добија аместија за извршените злосторства во 2001 година и прогласување на Времената спогодба од 1995 година за неважечка и, согласно со тоа, да се врати оригиналното македонско знаме.

Очекуваат и да се поведе грижа за човековите права за угнетените Македонци во сите региони на распарчена Македонија (Грција, Бугарија, Албанија, Косово и Србија) и имплементација на истите права за Македонците како што е загарантирано и за Албанците во Охридскиот рамковен договор, активно и жестоко промовирање за вистината за Македонија, која е меѓународно признати.

- Ваквите декларации се идентични со активностите на било која држава која што се грижи за себе. Видовме како САД одговорија на нападите врз нивната демократија. Двојните стандарди за Македонија завршуваат сега, стои во соопштението од ММДЧП. 

Министерот Никола Димитров се сретна со Генералниот секретар на ОН, Антонио Гутереш

Министерот за надворешни работи, Никола Димитров, денес во Њујорк, оствари средба со Генералниот секретар на ООН, Антонио Гутереш.

Според соопштението на МНР ,на средбата се разговарало за последните случувања од разговорите за надминување на разликата околу името што се одвиваат под покровителство на ООН.

МИнистетот Димитров изјави : „Со визија и лидерство на двете страни имаме историска шанса да затвориме еден повеќедецениски, историски спор”.

Димитров, во седиштето на ООН во Њујорк имаше средба и со Розмари А. Дикарло, Потсекретар за политички прашања во ОН, на која беше реафирмирана посветеноста на Република Македонија кон европските и евро-атлантските интеграции.  

„Созревањето на Република Македонија и решителноста за градење европска демократија е вистинска шанса за демократски пробив во Европа.”, рече Димитров по средбата. 

Загинати и повредени во силна експлозија во склад за пиротехника (ВИДЕО)

Најмалку едно лице загина и уште 27 се повредени во силна експлозија во склад за пиротехника во Шпанија.

Експлозијата настанала во илегален склад за пиротехника на северзапад на земјата , во близина на градот Туи. Полицијата соопштува дека експлозијата била толку силна што се искршиле прозорците на сите објекти во радиус од три километри.

На терен се бројни спасувачки служби , кои бараат преживеани во урнатините. Градобначалникјот на Туи , Васкез Падин изјави дека складот се наоѓал во куќа , која е целосно разорена.

Судот му забрани на Трамп да блокира на Твитер

Американскиот претседател Доналд Трамп веќе нема да смее да ги блокира корисниците на Твитер.

Федералниот судија во Њујорк , Наоми Рејс Бучвалд донесе одлука Американскиот претседател Доналд Трамп да не смее веќе да ги блокира корисниците на социјалната мрежа Твитер.

Според одлуката на судијката со таквиот потег Трамп го загрозува нивното право на слобода на говор , пропишано во Првиот амандман од Уставот на САД. Одлуката е донесена како резултат на тужбата , која во јули минатата година против Трамп ја поднесе Институтот на Универзитетот Колумбија , кој се занимава со проучување на примената на Првиот амандман на Уставот на САД .

На Институтот во тужбата му се приклулија и неколку корисници на Твитер , кои биле блокирани од претседателот Трамп по коментарите што ги објавиле на неговите објави.

притисни ентер