Хитлер умрел 1962. година во Аргентина - Канал 5

Живот

Хитлер умрел 1962. година во Аргентина

Адолф Хитлер и Ева Браун на 30. април 1945. година не извршиле самоубиство во берлинскиот “Фирербункер“, туку побегнале во Аргентина и мирно живееле се до шеесеттите години на минатиот век, тврдат британскиот воен историчар Џерард Вилијамс и публицистот Сајмон Данстен.

Хитлер умрел 1962. година во Аргентина
Во книгата „Сив волк: Бегството на Адолф“ ова тврдење го поткрепуваат со извесна документација од американските и британските служби ЦИА, ФБИ и МИ-5, но и со сведочење на луѓе кои наводно работеле за семејството Ајнхорн, кое во Аргентина ги примила Адолф Хитлер и Ева Браун.

Вилијамс и Данстен наведуваат дека Хитлер умрел во Аргентина во 1962. година и дека на неговиот погреб присуствувале многу “исчезнати“ нацисти, а датумот на смртта на Ева Браун се уште не е утврден. Според зборовите на авторот, децата на Хитлер се уште живеат во Аргентина.

Дел од историчарите од “класичната школа“ го оспоруваат ова тврдење и го нарекуваат шпекулација, но дел од научниците признаваат дека нема силни форензички докази дека Хитлер и Ева Браун се мртви, се е засновано на изјавите на неговите преживеани соработници. Факт е дека на основа на нивните јагленосани остатоци никогаш не е утврдено дали се убиени со огнено оружје или се отруени.

Имено рускиот војник Чукаров 4. мај 1945. година ги откопал двете јагленосани тела во дворот на “Фирербункерот“, кои биле толку оштетени што докторот можел да констатира дека им припаѓаат на маж стар до 60 години и на жена до 40 години. За тоа дека станува збор за брачниот пар Хитлер, сведочеле неговите соработници, собарот Ланге и Кети Хајзерман, асистентката на стоматологот на фирерот.

Меѓутоа, во седумдесеттите години во германските весници се појави необичен документ, потпишан од еден од најбараните нацисти во светот, Хајнрих Милер, шефот на озогласениот Гестапо.

Наводно, тоа била изјава од Милер на соработниците на американската разузнавачка служба, во која тој тврдел дека Хитлер 22. април бил заменет со двојник, кој 30 април бил запален и погребан на видна локација. Овој документ е оспорен од американската служба која тврди дека станува збор за фалсификат од КГБ.

Се појавија и сведочења на советски војници кои тврдеа дека во “Фирербункерот“ нашле уште две тела кои необично многу наликувале на Хитлер.

Британските истражувачи Вилијамс и Данстен тврдат дека Хитлер и Ева Браун 22 април побегнале од Берлин со авион кој го управувал Петер Баумгарт и долетале во Шпанија, од каде подоцна заминале за Аргентина.

Во Аргентина ги прифатило семејството Ајнхорн, во чија сопственост бил хотелот “Еден“ во провинцијата Кордоба, каде брачниот пар Хитлер се криеле првите години. По мислењето на Вилијамс бегството на фирерот го овозможиле САД и Велика Британија, кои за возврат добиле незамислива количина на пари и пристап до германските тајни технологии.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бекамови го вклучуваат Бруклин во објавата за Денот на татковците и покрај наводната караница

Бруклин Бекам можеби не е во најдобри односи со своето семејство, но неговите родители сè уште мислат на него.

Бекамови го вклучуваат Бруклин во објавата за Денот на татковците и покрај наводната караница

Дејвид и Викторија Бекам вклучија фотографии од нивниот најстар син, 27, во нивните објави на Инстаграм за Денот на татковците.

Семејни честитки на Инстаграм

„Да бидам татко е мојата најважна работа... Ве сакам сите и ви благодарам, мама @victoriabeckham, што ни го подари нашето прекрасно семејство. Среќен Ден на татковците на сите татковци низ целиот свет“, напиша Дејвид на Инстаграм.

Викторија, исто така, објави почит на својот профил. „Дејвид, ти навистина си најдобриот татко. Нашите прекрасни деца отсекогаш биле твое најголемо достигнување и многу те сакаме. Среќен Ден на татковците“, рече таа. Таа вклучи фотографија од Дејвид како позира на плажа со сите нивни четири деца, вклучувајќи ги Ромео, 23, Круз, 21 и Харпер, 14.

Раздор во позадина

Објавите доаѓаат неколку дена откако Бруклин навидум ги прозва своите родители во реклама на „ DoorDash“ снимена пред Светското првенство. Во рекламата, Бруклин седи на каучот во својот дом додека во позадина се слуша фудбалски натпревар.

„Веројатно се прашувате зошто го гледам Светското првенство во 2026 година од дома“, вели Бруклин со насмевка. „Долга приказна е.“ Потоа станува и фрла неколку билети за турнирот на масичката за кафе. Рекламата завршува со натписот: „Комплицирано е. Наскоро повеќе.“

Бруклин, најстариот син на поранешниот фудбалер Дејвид Бекам и модната дизајнерка Викторија Бекам, во јануари објави долга изјава за неговите семејни проблеми и зошто не сака да го поправи својот нарушен однос со своите родители, браќа и сестра.

Извор: Индекс.хр

Тагови: Бекамови караница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Чешка ќе ги забрани мобилните телефони во училиштата

Забраната ќе се однесува на употребата на телефони во училниците, како и за време на паузите, со одредени исклучоци, како што се здравствени причини или образовни цели.

Чешка ќе ги забрани мобилните телефони во училиштата

Чешката влада поднесе закон за забрана на мобилните телефони во училиштата од септември 2027 година, потврди премиерот Андреј Бабиш, приклучувајќи се кон растечкиот глобален притисок за ограничување на времето што децата на училишна возраст го поминуваат пред екраните.

Забраната ќе се однесува на употребата на телефони во училниците, како и за време на паузите, со одредени исклучоци, како што се здравствени причини или образовни цели.

„Училиштата нема да можат да им дозволат на учениците да земат пауза со своите телефони од други причини“, се наведува во нацрт-законот.

Овој потег следи по мерките на други влади насочени кон ограничување на употребата на социјалните медиуми или мобилните телефони кај децата. Полска овој месец го следеше примерот на земји како Холандија, Јужна Кореја и Италија со забрана на паметните телефони во училиштата поради загриженост за нивното влијание врз концентрацијата и однесувањето на учениците.

На социјалните медиуми, Австралија беше првата што воведе забрана за пристап на деца, а Велика Британија овој месец објави забрана за лица под 16 години. Бабиш нагласи дека владата размислува и за забрана на социјалните медиуми за деца, по примерот на Франција и други земји кои зазедоа построги ставови поради перципираните негативни ефекти врз децата.

Извор: Индекс.хр

Тагови: Чешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: „Ќе се согласат на сè...“

Американскиот претседател Доналд Трамп вели дека Иран ќе прифати строги инспекции додека САД и Иран водат разговори за нуклеарниот договор во Швајцарија, при што официјалните лица на двете земји даваат спротивставени изјави.

Трамп: „Ќе се согласат на сè...“

Американскиот претседател Доналд Трамп вели дека Иран ќе се согласи на обемни инспекции за оружје. Трамп ги даде забелешките во неодамнешна објава на неговиот профил на социјалните мрежи „Truth Social“.

Преговарачите од САД и Иран моментално се во Швајцарија каде преговараат за конечен мировен договор што треба да го реши проблемот со нуклеарната програма на Иран. Иранскиот режим вели дека сака да користи нуклеарна енергија само за цивилни цели, но задржува залихи од високо збогатен ураниум.

Меѓународната агенција за атомска енергија (МААЕ) постојано го повикува Иран да ја открие локацијата на своите залихи од збогатен ураниум откако САД и Израел го нападнаа Иран минатото лето.

Потпретседателот на САД, Џ.Д. Венс, денес изјави дека иранските претставници се согласиле да им дозволат на инспекторите на МААЕ да влезат во Иран.

Сепак, Министерството за надворешни работи на Иран негираше дека Техеран прифатил какви било нови обврски во врска со неговата нуклеарна програма за време на разговорите со САД овој викенд во Швајцарија.

Извор: Б92

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер