Македонија

Петмина пратеници го напуштаат СДСМ?

Несогласувањата кои почнаа пред локалните избори кулминираат пред вториот круг од гласањето, а се поголем број приврзаници на Бранко Црвенковски се одлучуваат да излезат од неговата коалиција, пишува весникот “Вечер“.

Како што пишува весникот, пратеникот Драгиша Милетиќ, лидер на СНС, најави прегрупирање во пратеничките групи во Собранието. Во иднина ќе се формира нова пратеничка група, вели Милетиќ, која нема да биде под диктат на СДСМ. Милетиќ потенцира дека е во контакт со членови на СДСМ, но и пратеници кои го делат неговиот став. Во последниве неколку месеци сите неистомисленици кои имаа различен став од ставот на Црвенковски во неколку наврати беа исклучувани од СДСМ. Поранешни и актуелни високи функционери во партијата експресно беа избришани од Бихаќка", откако и се спротивставија на тогашната одлука на Бранко Црвенковски дека локалните избори треба да се бојкотираат. Стевчо Јакимовски во 5 до 12 одлучи да му каже нее на Црвенковски, и кандидатура за Карпош поднесе со печатот на СНС на Милетиќ. Милетиќ е задоволен од советничките места кои ги освои неговата партија.

“Сега за сега сме фокусирани на локалните избори. Без оглед на понатамошните одлуки на опозицијата, јас во секој случај ќе си останам пратеник во Собранието, нема шанса да се откажам. Кога ќе се вратиме во Парламентот, ќе се формира посебна пратеничка група, која ќе делува опозициски, но нема да делува заедно со СДСМ. Веќе разговарам со некои пратеници кои бараат да се формира таква посебна пратеничка група“, изјавил Милетиќ за Вечер.

И Титовите леви сили на Слободан Угриновски одлучија да го напуштат Сојузот за иднината предводен од Црвенковски. Јавно му дадоа поддршка на кандидатот на ВМРО-ДПМНЕ за општина Центар, Владимир Тодоровиќ.

“Општина Центар е неразделив дел од градот Скопје, затоа ќе мора да внимаваме кој човек ќе биде на чело на општината. Владимир Тодоровиќ е човек кој знае да прави дела и знае како да ја води општината“, изјави Слободан Угриновски, претседател на Титови леви сили.

Потегот на Угриновски укажува дека лидерот на СДСМ го губи политичкото влијание. Не само што не може да ја соедини целата опозиција во едно, туку на повидок е распаѓање и на коалицијата што ја предводи. Политикологот Владимир Божиновски цени дека по локалните избори постои незадоволство во опозицискиот Сојуз за иднината и кај СДСМ од една страна, и кај помалите коалициони партнери од друга страна.

НБА

Кари ја освои наградата „Џери Вест“

Кошаркарот на Голден Стејт Вориорс, Стивен Кари, е добитник на овосезонската награда „Џери Вест“, која му се доделува на најдобриот играч во решавачките моменти од натпреварите во НБА лигата.

Наградата која се доделува на клучниот играч во последните пет минути од натпреварите во кои резултатот е до пет поени разлика, беше воведена минатата сезона, а Кари го наследи дефанзивецот на Сакраменто Кингс, Де Арон Фокс.

Кари во изборот доби вкупно 298 поени (45 први, 18 втори и 19 трети места).

Второто место со 272 поени (34 први места) го зазеде Демар Дерозан од Чикаго Булс, додека третото место го освои Шеј Гилџес.-Александер од Оклахома Сити со 160 бодови (11 први места). /МИА

Регион

Во Атина уапсени двајца членови на меѓународната криминална група „Пинк Пантери“

Двајца странски државјани, членови на меѓународната криминална група „Пинк Пантери“, во средата биле уапсени во Атина, а се товарат за две кражби на златарници во центарот на градот, јави дописничката на МИА од Атина.

Неофицијално станува збор за српски државјани, а за кражбите го користеле методот „рифифи“, односно во златарниците и продавниците за накит влегувале по направени дупки од соседни напуштени или празни згради или простори.

Од грчката полиција соопштија дека уапсените биле активни најмалку од декември минатата година, користеле фалсификувани документи, а се движеле со возила со странски регистарски таблички или во сопственост на лица со чисто криминално досие, за да не бидат откриени.

Во однос на начинот на дејствување откако ги таргетирале продавниците, ги набљудувале, по што подготвувале соодветен план и се движеле пеш за да не бидат сомнителни.

Откако успевале да добијат пристап до напуштените или празни згради-лепенки до златарниците, отворале дупка на ѕидот што води до продавницата.

Еден од уапсените влегувал преку дупката со лазење за да не се активираат детекторите за движење и со украдениот накит се враќал во соседниот простор.

Од досегашната истрага на полицијата, расчистени се две случаи на кражби во златарници во центарот на Атина, а продолжува истрагата за утврдување на целосниот обем на нивната криминална активност.

По извршениот претрес на уапсените меѓу другото, биле пронајдени и одземени алатки за кражби, три часовници, накит, 190 евра, фалсификувана возачка дозвола, три мобилни телефони.

Свет

Шпанија ќе испрати мал број ракети „Патриот“ во Украина

 Шпанија ќе испрати мал број ракети „Патриот“ во Украина, објави денеска весникот „Ел Паис“, повикувајќи се на неименувани добро информирани извори.

Весникот наведува дека Шпанија ја отфрлила можноста за испорака на противвоздушни лансери на Украина, но ќе испрати проектили во Киев.

Шпанија има три системи „патриот“ кои ги купи од Германија во 2004 и 2014 година, потсетува весникот.

Украинскиот претседател Володимир Зеленски им кажа на членките на НАТО претходно овој месец дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да ги одврати руските воздушни напади, барајќи од нив да ја засилат воената помош за Киев.

Министрите на ЕУ пред неколку дена изјавија дека разгледуваат како да обезбедат повеќе оружје за противвоздушната одбрана на Украина.

притисни ентер