Македонија

Арсовски: Бучковски е одличен познавач на македонско-бугарските односи

Арсовски рече дека Бучковски е почитуван од бугарските општествени и политички чинители и е добро примен во тамошната јавност.

Владо Бучковски е одличен познавач на македонско-бугарските односи и треба да придонесе кон создавање на позитивна атмосфера за да се надмине проблемот со Бугарија, изјави денеска владиниот портпарол Душко Арсовски одговарајќи на новинарски прашања за одлуката на Владата да го именува за специјален претставник за Бугарија.

Арсовски рече дека Бучковски е почитуван од бугарските општествени и политички чинители и е добро примен во тамошната јавност.

– Има позитивни перцепции за неговите политики како поранешен премиер и е прифатен како некој што и порано придонесувал позитивно кон подобрување на односите со соседска Бугарија, истакна Арсовски на редовната прес-конференција во Владата.

Повтори дека нема потреба од нов договор или анекс на договорот и појасни дека патоказот би бил во насока на зајакнување на довербата за поголема ефикасност и функционалност на Договорот за добрососедство од 2017 година.

– Се разговара за сите дилеми и загрижености што Бугарија ги изнесува во јавност, за начинот и динамиката на спроведувањето на Договорот од 2017, како да се забрза изградбата на Коридорот 8. Се разговара за тоа како да запре говорот на омраза, на кој начин да се забрза работата на историската комисија. Се ова е во насока на воспоставување на доверба во процесот. Договорот е сериозен документ и нема потреба од нов договор и од анекс. Се што има потреба е да се дообјасни и да се детализира во некој придружен документ. Во таа насока е и патоказот за којшто реферирате. Тоа е една идеја што е во насока на зајакнување на довербата за ефикасност и функционалност на Договорот за добрососедство. Така што, Владата смета дека тој план треба да се однесува на динамиката на спроведување на билатералниот договор надвор од преговарачката рамка, појасни Арсовски.

Нагласи дека македонскиот јазик и идентитет остануваат неспорен факт и оти ќе станеме дел од Европската унија како Македонци кои зборуваат македонски јазик.

Македонија

На Денот на македонскиот јазик велиме: СДСМ го заштити и го унапреди македонскиот јаазик

На Денот на македонскиот јазик со гордост велиме: СДСМ го заштити и го унапреди македонскиот јазик

Со многу посветеност, труд и ентузијазам СДСМ ги исполни заложбите за заштита и унапредување на македонскиот јазик.

На Денот на македонскиот јазик сите со гордост велиме: СДСМ го заштити и го унапреди македонскиот јазик.

Сонот и аманетот на Блаже Конески се исполнети, владата предводена од СДСМ успеа да се избори за македонски јазик признат и потврден од сите.

Македонскиот јазик е на исто рамниште со сите јазици во Унијата. Македонскиот јазик во ЕУ, признат и потврден, еднаш, засекогаш.

Направивме историски исчекор, со сите 27 членки го потпишавме првиот документ со Европската унија на официјален македонски јазик, чист, без фусноти, без ѕвездички и додавки.

Службите на ЕУ вработуваат преведувачи за македонски јазик.

Со Законот за употребата на македонскиот јазик, СДСМ направи вистински потфат во унапредувањето на јазикот.

Од овој Закон произлегуваат многу важни иницијативи, меѓу кои и стипендирање ученици од четврта година средно образование и на додипломски, магистерски и докторски студии, со што се прави голем исчекор кон мотивирање на младите за проучување на македонскиот јазик.

Се отвораат нови работни места за лектори во институциите. Се преземаат конкретни и суштински чекори за македонскиот јазик, за негова заштита.

На предлог на СДСМ денешниот ден е прогласен за ден на македонскиот јазик, во чест на 5 мај 1945 година кога првата влада на Народна Република Македонија ја усвоила азбуката на македонскиот јазик како официјално писмо.

СДСМ чувајќи го македонскиот јазик, како наша посебност, како наша татковина, ја зајакнува државноста и темелот на македонскиот идентитет.

Скопје, 05.05.2024

СДСМ

Македонија

Честитка по повод празникот Воскресение Христово - Велигден од претседателот на ВМРО-ДПМНЕ

Поучени од христијанските начела, да си ја сакаме државата, да го сакаме ближниот, да направиме се утре да биде подобро од денес.

Честитка по повод празникот Воскресение Христово - Велигден од претседателот на ВМРО-ДПМНЕ Христијан Мицкоски

Дозволете ми од мое лично име и од име на ВМРО-ДПМНЕ да го честитам големиот христијански празник, Христово Воскресение - Велигден, на сите верници.

Христовото Воскресение му покажа на човекот колку Бог го сака, и дека беше спремен да биде распнат за спасението на човештвото. Љубовта на Бога кон човека е неизмерна.

Воскресението е потврда дека надежта секогаш ќе победи, човековата волја, љубов и верба можат да допринесат за поубав свет.

Поучени од христијанските начела, да си ја сакаме државата, да го сакаме ближниот, да направиме се утре да биде подобро од денес. Промените кои доаѓаат да ги запечатиме со силна победа, за догодина да славиме Велигден со многу поголеми насмевки на задоволство како нација.

Христос Воскресе! За многу години Велигден!

Со почит,

Христијан Мицкоски

претседател на ВМРО-ДПМНЕ

Центар за комуникации на ВМРО-ДПМНЕ

Свет

Русија распиша потерница и за командантот на копнените сили на Украина, Пављук

Министерството за внатрешни работи на Русија синоќа распиша потерница за командантот на копнените сили на Украина, Александар Пављук.

Министерството вчера распиша потерница и по претседателот на Украина, Володимир Зеленски и поранешниот претседател, Петро Порошенко.

По Пављук е распишана потерница поради „кривично дело“, но не е прецизирано за кое кривично дело, јавија руските медиуми.

На 11 февруари, Пављук беше назначен за командант на копнената армија, а пред тоа беше прв заменик - министер за одбрана на Украина.

притисни ентер