Арсовска: Со ревизија откриени 250 незаконски договори во МКЦ - Канал 5

Македонија

Арсовска: Со ревизија откриени 250 незаконски договори во МКЦ

Градоначалничката Данела Арсовска обвини за низа законски нерегуларноси во МКЦ за што ќе бара и институционална одговорност. 

Арсовска: Со ревизија откриени 250 незаконски договори во МКЦ

Тврди дека од културниот центар се испумпувале пари, а како потврда за тоа, покажа дел од како што вели, 250 незаконски склучени договори за работа.

Шанкери од бифето земале и по 750 евра плата, а се подигнале, како што кажа, и над 100.000 евра од благајната на МКЦ без соодветно образложение.

Од доскорешниот директор Ванчо Богоев, за кого таа тврди дека не бил разрешен, туку му завршил договорт, Арсовска побара во рок од 48 часа да се извини за според нејзе лажните наводи дека му бил вршен притисок. Во спротивно, додаде, истото ќе треба да го докажува на суд.

Исплаќани се илјадници евра на овие лица, за кои што морам да потенцирам дека се ангажирани без почитување на ниту една постапка или закон за нивно ангажирање. Меѓу овие лица, најголемиот дел се непознати за јавноста како истакнати членови или функционери на ВМРО-ДПМНЕ. Има и над 90 договори за времено ангажирање на шанкери на кои им биле исплаќани од 350 до 750 евра месечно.

Канал 5 дојде до дел од договорите кои се од јавен карактер, а на кои може да се види, дека одредено лице, за работа на шанк земало 750 евра. Друг случај покажува дека на една македонска пејачка и била дадена плата од 500 евра за да работи на промоција на кино, на социјалните мрежи и веб страната. (договори)

Додека Арсовска ја одржуваше прес-конференцијата, пред Град Скопје се одржа и протест од група млади уметници, кои се дел од дивжењето „Сите за МКЦ“. Се пожалија дека буџетот бил намален за 92%, а не се согласуваат ниту со одлуката директор да биде лице кое не било вработено во МКЦ, со што се прекршувал статутот на институцијата.

-Кога се назначува директор без конкурс треба да е еден од вработените, сегашниот директор кој е назначен преку агенција за вработување, го прекршува статутот на МКЦ, против тоа се бунат од програмскиот колегиум. Програмскиот буџет на МКЦ е скратен ги има документите ги гледавме од Град Скопје, 2 милиони е оваа година буџетот, што не било претходни години. Против тоа се залагаме, што е против статутот сменет директорот и што толку скратен буџетот.- Мартин Џорлев – „Сите за МКЦ“.

Арсовска од друга страна вели дека буџетот лани бил околу 10, а оваа година ќе изнесува приближно 9 милиони денари. Дотациите ќе останат како и лани - 34 милиони денари. Во однос на изборот за директор, посочи дека не е против да се избира на јавен конкурс.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп го нарече Ормускиот теснец американска територија

Американскиот претседател Доналд Трамп го нарече Ормускиот теснец американска територија, додека САД продолжуваат со воената блокада на иранските пристаништа и поморскиот сообраќај.

Трамп го нарече Ормускиот теснец американска територија

Обраќајќи се пред собир во Јужна Каролина во рамки на кампањата за сенаторката Дарлин Греам, која се кандидира за местото на нејзиниот покоен брат Линдзи Греам, Трамп изјави дека теснецот во моментов го гледа како американска територија и додаде дека сè уште не знаат дали победиле. Во текот на говорот, тој се пошегува и околу нападите врз Иран, велејќи дека е петок навечер и дека имаат многу време.

Американската централна команда соопшти на социјалните мрежи дека воените сили досега пренасочиле 68 комерцијални бродови со цел почитување на блокадата. Администрацијата на Трамп врши финансиски притисок врз Иран преку ограничување на пристапот до водниот пат кој граничи со Иран и Оман и низ кој вообичаено минува околу една петтина од светската нафта што се пренесува по морски пат.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претреси на повеќе локации на подрачјето на СВР Битола, пронајдени дрога, оружје и муниција

Лишени од слобода пет лица.

Претреси на повеќе локации на подрачјето на СВР Битола, пронајдени дрога, оружје и муниција

На 21.08.2026 во 15:35 часот, полициски службеници од СВР Битола го лишија од слобода А.Д.(20) од с.Долно Оризари, битолско.. При претрес во неговиот дом, извршен со наредба од Основен суд Битола била пронајдена марихуана.

На 21.08.2026 во 15:35 часот во с.Брезница, општина Македонски Брод, полициски службеницни од ОВР Македонски Брод го лишија од слобода Б.М.(46) од с.Брезница. При претрес во неговиот дом, извршен со наредба од Основен суд Кичево биле пронајдени куршуми.

На 21.08.2026 во 10:35 часот во с.Евла, ресенско, полициски службеници од ОВР Ресен го лишија од слобода П.Т.(55) од Ресен. При претреси во неговиот дом во Ресен и во с.Евла, извршени со судска наредба, биле пронајдени 28 куршуми, испукани чаури и ловечка пушка .

На 21.08.2026 во с.Светомитрани, крушевско, со судска наредба, полициски службеници од ОВР Крушево извршија претрес во домот на К.Т.(38) од с.Светомитрани, при што биле пронајдени и одземени ловечка пушка, ловечки патрони, пиштол и две рамки за пиштол.

На 21.08.2026 во Крушево, полициски службеници од ОВР Крушево, со судска наредба извршија претрес во домот на ВН.(48) од Крушево, при што била пронајдена и одземена ловечка пушка.

По целосно расчистување и документирање на случаите, против лицат ќе бидат поднесени соодветни кривични пријави.

Тагови: СВР Битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Пет награди за македонските филмови на Сараево филм фестивал

Македонската кинематографија забележа значаен успех на 32. издание на Сараевскиот филмски фестивал, на кој два македонски филма освоија вкупно пет награди.

Пет награди за македонските филмови на Сараево филм фестивал

Филмот „17“ во режија на Косара Митиќ освои четири признанија – Митиќ ја доби специјалната награда за промоција на родовата рамноправност, наградата за најдобра актерка ѝ припадна на Ева Костиќ за одличната изведба на улогата на Сара – нејзина прва улога на филм, а филмот ги доби и наградата на „Синеуропа“ и наградата од публиката.

Успех оствари и филмот „Скејтбордингот не е за девојчиња“ на режисерката Дина Дума, кој ја освои специјалната награда „Младински перспективи“.

Од Агенцијата за филм истакнаа дека петте признанија уште еднаш ги потврдуваат квалитетот, авторската сила и меѓународниот потенцијал на современата македонска кинематографија, како и значењето на континуираната поддршка за развојот и меѓународната видливост на македонскиот филм.

Тагови: Сараево филм фестивал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер