Ќе почнеме со решавање на проблемите уште од првиот ден. Првиот проект е бесплатен јавен превоз за сите скопјани и за сите населени места во Скопје. Секаде каде се пешачи со километри за да стигнат до автобуска станица, повеќе нема да пешачат и ќе имаат удобен и навремен превоз со 250 нови еколошки автобуси, граѓаните веќе нема да чекаат”, истакна Данела Арсовска, кандидатката за градоначалник на Град Скопје во Бутел.
Арсовска посочи дека скопјани и бутелчани заслужуваат да живеат во убав град и средени населени места, а Костовски ќе има вистински поддржувач во градот и заедно ќе се реализира се она што е предвидено и зацртано со програмата.
„Ќе овозможиме да има гасификација за секое домаќинство и ќе се субвенционира приклучокот за истиот, а за овој дел од Скопје ќе овозможиме внатрешна обиколница која ќе ги поврзува Гази Баба и Бутел со останатите населби, тоа е новиот булевар „Хрватска“ кој, исто така беше ветен, но не беше реализиран, а ние ќе го направиме, а истото ќе овозможи подобро и сигурно поврзување на општина Гази Баба со Бутел и Чаир”, рече Арсовска.
Арсовска предвидува изградба на натпатник од „Лазо Трповски“ до „Боца Иванова“, реконструкција на улицата „Александар Ударевски“, улица „Радишанска“, од „Боро Кралевски“ до последна 57-ца, улица „Бутелска“, како и кракот до булевар „Христијан Тодоровски-Карпош“.
Арсовска истакна дека во градот ќе има дигитален паметен систем за функционирање, како и зголемување на субвенциите за електрични велосипеди и тротинети, а ќе нема затворена врата во Град Скопје за ниту еден граѓанин на Бутел, се наведува во соопштенињето од тимот на Арсовска.