Арсовска достави докази во ојо во врска со легализирани дивоградби во Чаир спротивно на закон - Канал 5

Македонија

Арсовска достави докази во ојо во врска со легализирани дивоградби во Чаир спротивно на закон

Градоначалничката на Скопје, Данела Арсовска ги достави документите за предметот, кој вели е доказ за незаконските легализации на дивоградби во О. Чаир до обвинителството.

Арсовска достави докази во ојо во врска со легализирани дивоградби во Чаир спротивно на закон

Најави дека во понеделник во обвинителстовото ќе однесе документи за уште 150 вакви предмети. Таа вели очекувала Обвинителството да постапи и по допрен глас, откако и целата јавност реагирала. Арсовска пред медиумите презентираше документ за легализација на дивоградба на Висар Ганиу кој вели е спротивен на закон, а легализацијата, според нејзе била извршена врз основа на фалсификати, што потоа, вели, експресно го поништил во Катстар. Таа апелира до ОЈО да постапува веднаш.

-Катастар овој документ му го прифаќа и му го брише целиот предмет во кој тој упишал со фалсификати легализирани дивоградби. Ние имаме вакви 150 и сите еден по еден ќе ги изведуваме ако треба, меѓутоа ова е оној каде што е фатен со фалсификатите во раце, тој доказ не знам дали ќе успее ОЈО да го обезбеди, затоа што тој успеал за 24 часа да го поништи во катастар, веројатно е во некој шредер во О. Чаир. Очекувате сега обвинителството да влезе? Не очекувам искрено, а ако влезат ќе се прават дека не нашле ништо, затоа што предметот е избришан, меѓутоа да не се грижат, во понеделник ќе дојдеме со 150 предмети, не можат до понеделник да ги избришат, тука ги чекавме. - Данела Арсовска – Градоначалник на Скопје

Во однос на информацијата од МВР дека немало пријава од страна на градоначалничката дека има закани по живот, Арсовска кажа дека во многу наврати е пријавувано, а последен пат пред неколку дена кога физички, таа и нејзините соработници, биле нападнати во О. Чаир.. Вели дека не се чуствува безбедно, ниту пак дека државата прави нешто да ја заштити.

-Знаете каков беше одговорот? Вчера немало пријава. Тоа значи ако ме утепаат вчера, денес не дојдам да пријавам нема да постапуваат? Не само јас што имам пријавувано, еве и пред некој ден во О. Чаир кога ме нападнаа. Знаете вие, ги кажав многу убаво, јас немам намера веќе зошто никој не постапува да се доведувам себеси и своето семејство во дополнителна опасност.

Од обвинителството претходно ја повикаа Арсовска да ги достави сознанијата кои што ги има во ОЈО Скопје, односно да прецизира за кои точно парцели станува збор, врз основа на што потоа би можеле да постапуваат. Воедно, кажаа дека очекуваат и да им каже детали околу животните закани кои Арсовска кажа дека ги добива изминатиот период.

Од обвинителството дополнително за Канал 5 вчера посочија дека веќе привршува постапувањето по предметот за дивоградбите во Чаир кој го отворија пред две години по допрен глас, откако медиумите објавија истражувачки стории за шемите по кои се прави незаконска легализација.

YouTube video

Тагови: Данела Арсовска дивоградба Општина Чаир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Украинците ја гаѓаа Москва со стотици дронови, гори „рускиот Амазон“ (ВИДЕО)

Украинските сили извршија напад со беспилотни летала врз Московскиот регион во ноќта на 20 јули, а според извештаите од руските канали на Телеграм, погодени се складиште за нафта и логистички центар. 

Украинците ја гаѓаа Москва со стотици дронови, гори „рускиот Амазон“ (ВИДЕО)

Фотографиите и снимките објавени на социјалните мрежи покажуваат густ црн чад над Подолск, град на околу четириесет километри јужно од Кремљ, каде што по нападот избувна пожар во складиште за нафта, пишува Киев Индепендент.

Штета на повеќе локации

Истите извори, исто така, објавија за нов пожар во магацин на голем руски онлајн трговец на мало „Вајлдберис“, кој многумина го нарекуваат „руски Амазон“.

Според објавите на социјалните мрежи, погоден е еден од дистрибутивните центри на компанијата во градот Коледино, јужно од Подолск. Во градот Домодедово е забележан пожар во станбена зграда, исто така наводно по напад со беспилотни летала, додека во населбата Белје Столби се уништени магацини во рамките на логистичкиот парк „Јужније Ворота“. Точниот обем на штетата сè уште не е познат.

„Лансирани се повеќе од 400 дронови, соборивме 85 од нив“

Градоначалникот на Москва, Сергеј Собјанин, изјави дека над пошироката област на главниот град биле лансирани повеќе од 400 украински дронови. Тој тврди дека противвоздушната одбрана соборила 85 авиони што се приближувале кон градот. Снимките објавени од локалните жители покажуваат дронови со долг дострел што летаат над регионот.

„Киев Индепендент“ не можеше независно да ги потврди тврдењата, а украинската војска сè уште не го коментираше нападот. Новиот напад се случи само два дена по претходниот напад врз московскиот регион, кој исто така беше насочен кон „руската Амазонка“ и складиште за нафта.

Украинска стратегија за напад

Украинскиот претседател Володимир Зеленски не потврди директно дали складиштето на компанијата „Вајлдберис“ содржело опрема за руската армија. Сепак, во своето видео обраќање по операцијата, тој рече дека целните складишта биле поврзани со армијата. Киев ги смета нафтените објекти за легитимни воени цели бидејќи тие ја снабдуваат руската војска со гориво и ресурси.

Во последните месеци, Украина ги засили нападите со долг дострел врз воени, индустриски и енергетски цели на руска територија. Беспилотните летала постојано стигнуваат до Москва и други региони на стотици километри од границата. Како одговор, Русија ги зајакна воздушните одбрани во главниот град и постави нови системи „Панцир-СМД-Е“ на покривите на цивилните згради.

Последици од нападите врз руската нафтена индустрија

Украинските напади врз руската нафтена инфраструктура станаа почести и поуспешни. Целните напади врз магацини и рафинерии го нарушија производството, а во некои случаи, ги затворија постројките на неодредено време. Ројтерс објави на 24 јуни дека московската рафинерија за нафта веројатно нема да го продолжи производството до крајот на годината поради сериозни штети во неодамнешните напади.

Нападите врз нафтената инфраструктура, исто така, предизвикуваат проблеми за домашниот пазар на Русија. Поради тешкотиите со снабдувањето со гориво, беа воведени забрани за извоз, цените се зголемија, а продажбата беше ограничена низ целата земја. Жителите од различни руски региони продолжуваат да пријавуваат чекања со часови на бензинските пумпи.

Тагови: дронови москва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Нејмар по Мундијалот се почести со подарок од 20 милиони евра

Нејмар си купи суперјахта вредна 20 милиони евра по Светското првенство и крајот на неговата репрезентативна кариера. 

Нејмар по Мундијалот се почести со подарок од 20 милиони евра

Напаѓачот на Сантос одлучи да направи голема куповина откако Бразил беше елиминиран од Светското првенство во 2026 година. Јахтата беше наречена Енехота, по португалскиот изговор на неговите иницијали НЈ.

Според „Наутика“, Енехота првично не беше изградена како јахта, туку како темелно пренаменет товарен брод произведен во Бразил. Бродот е долг повеќе од 46 метри и има околу 800 квадратни метри корисна површина. Се напојува со четири мотори „Катерпилар“, од кои секој развива 1.450 коњски сили. Ќе служи како приватно место за одмор на Нејмар по бразилскиот брег.

Тој се збогуваше откако беше елиминиран од Светското првенство

Нејмар го потврди крајот на својата меѓународна кариера по поразот на Бразил од Норвешка во осминафиналето на Светското првенство. Во тој натпревар, тој го постигна својот 80-ти и последен гол за бразилската репрезентација. Тој е рекордер стрелец на Бразил и втор играч со најмногу настапи за бразилската репрезентација (130, Кафу 142).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќаен режим во Охрид од денеска до среда, по повод посетата на претседателката на Индија

Од денеска до 22 јули 2026 година кога индиската претседателка ќе престојува во Охрид, ќе се преземаат засилени безбедносни мерки и посебен режим на сообраќај.

Сообраќаен режим во Охрид од денеска до среда, по повод посетата на претседателката на Индија

По повод престојната посета на претседателката на Индија на Охрид, Секторот за внатрешни работи Охрид ги известува граѓаните на Охрид дека од денеска до 22 јули 2026 година кога индиската претседателка ќе престојува во Охрид, ќе се преземаат засилени безбедносни мерки и посебен режим на сообраќај.

Активностите се насочени кон физичко и сообраќајно обезбедување на сообраќајниците и други објекти за што се веќе остварени контакти со службите од локалната самоуправа како и со сите правни субјекти одговорни за одржување на патиштата и улиците во градот, со Фондот за комунални дејности, сообраќај и улици при општина Охрид, со Јавните претпријатија како и со други релевантни субјекти.

Полициската станица за безбедност во патниот сообраќај Охрид, од денеска интензивно презема мерки за сообраќајно обезбедување, контрола и регулирање на сообраќајот, пред сѐ по булеварот „Туристичка“, но и по другите патишта и сообраќајници каде не е дозволено запирање или паркирање на моторни возила. Воедно, сообраќајното обезбедување ги опфаќа и останатите магистрални, регионални и локални патишта од Охрид кон Св. Наум, како и заштитниот појас на патиштата заедно со улиците во населените места и паркиралиштата во централното градско подрачје и во стариот дел на градот.

СВР Охрид апелира до граѓаните да ги почитуваат наредбите што ги издаваат полициските службеници по сообраќајниците со цел безбедност на сите учесници во сообраќајот, имајќи ги предвид безбедносните мерки што се реализираат во врска со оваа значајна посета на индиската претседателка а своите моторни возила да ги користат во исклучителни случаеви или да користат алтернативни превозни средства, соопштуваат од СВР Охрид.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер