Арсенал бара напаѓач: Осимен е опција за „топџиите“ - Канал 5

Фудбал

Арсенал бара напаѓач: Осимен е опција за „топџиите“

Арсенал не планираше да биде премногу активен во зимскиот преоден рок, но бидејќи Габриел Жесус ја заврши сезоната, плановите се променија. Лондонскиот клуб бара нов напаѓач.

Арсенал бара напаѓач: Осимен е опција за „топџиите“

Неодамна медиумите во Англија пишуваа како Душан Влаховиќ би можел да го облече дресот на Арсенал, но тие гласини некако згаснаа. Последната вест е дека опција за „топџиите“ е и Виктор Осимен.

Нигерискиот напаѓач моментално е играч на Галатасарај на позајмица од Наполи. Осимен заврши во Турција откако пропаднаа преговорите со Ал-Ахли, Пари Сен Жермен и Челси во летниот преоден рок.

Галатасарај нема опција за откуп и Осимен по крајот на сезоната ќе се врати во Неапол, но јасно е дека италијанскиот клуб нема намера да го задржи. Неговиот актуелен договор истекува во летото 2026 година и нема да биде продолжен.

Осимен има ослободителна клаузула од 75 милиони евра во договорот која ќе биде активна од ова лето, додека секој клуб би можел веднаш да го ангажира за сума од 90 милиони евра. Фудбалерот напомена дека планира да остане во Галатасарај до крајот на сезоната, па прашање е дали повикот на Арсенал може да ги промени неговите планови.

Неговата плата моментално е 10 милиони евра, додека турскиот клуб плаќа шест, а Наполи останатите. На 18 натпревари оваа сезона, тој постигна 14 гола и шест асистенции./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Победата на Левица, Евреите во Берлин ја сметаат за закана

Израелскиот амбасадор во Германија, Рон Просор, предупреди на непосредна егзистенцијална закана за еврејската заедница во Берлин откако крајнолевичарската партија Левица победи на регионалните избори во германскиот главен град.

Победата на Левица, Евреите во Берлин ја сметаат за закана

Тој кажа дека Левица, наследничка на комунистичката партија што владееше со поранешна источна Германија, покажала „апсолутно неконтролиран антисемитизам“.

„ За еврејската заедница во Берлин, теоретската закана станува конкретна и непосредна егзистенцијална опасност“, рече Просор.

Со победата на Левица, нејзината водечка кандидатка, 45-годишната Елиф Ералп, би можела да стане првата градоначалничка на Берлин од редовите на оваа партија и прва со турско потекло.

Тагови: Берлин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со министерката за надворешни работи на Канада, Анита Ананд

На маргините на Генералното собрание на Обединетите нации, министерот за надворешни работи и надворешна трговија, Тимчо Муцунски, денеска во Њујорк оствари средба министерката за надворешни работи на Канада, Анита Ананд.

Средба на министерот Муцунски со министерката за надворешни работи на Канада, Анита Ананд

Во годината кога се одбележуваат 30 години дипломатски односи, соговорниците ја потврдија цврстата основа на македонско-канадското партнерство и заедничкиот интерес за негово натамошно продлабочување.

Беше истакнато и значењето на бројната македонска заедница во Канада, која претставува важен мост и дополнителна вредност во односите меѓу двете земји.

На средбата стана збор и за унапредување на политичката и економската соработка, со посебен фокус на можностите за зголемување и диверзификација на трговската размена.

Двајцата министри ја потврдија блиската соработка и меѓусебната поддршка во рамките на мултилатералните организации, особено во Обединетите нации и НАТО, како и заедничката посветеност на стабилноста и меѓународната безбедност, соопштуваат од МНРиНТ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Унгарец во повеќе торби сокрил девизи, Царината спречи обид за нелегален внес на 200.000 евра на Табановце

Спречен обид за нелегално внесување на непријавени девизи во висина од 200 илјади евра, откако унгарски државјанин на влез во државава, на граничниот премин Табановце, спротивно на закон не ги пријавил кај царинските службеници.

Унгарец во повеќе торби сокрил девизи, Царината спречи обид за нелегален внес на 200.000 евра на Табановце

Поради постоење сомнеж, возилото било селектирано за контрола и извршен е детален преглед при што помеѓу менувачот во ташна била пронајдена црна платнена торбичка со девизни средства во вкупен износ од 65.000 евра. При понатамошниот преглед во ранец кој се наоѓал на задното седиште била пронајдена мала црна торбичка која била покриена со компјутер во која имало 37.650 евра. Во куфер кој исто така се наоѓал на задното седиште, помеѓу гардеробата била пронајдена уште една црна торбичка со 97.350 евра.

Од вкупно пронајдените непријавени парични средства во износ од 200.000 евра на патникот му се вратени 10.000 евра согласно Законот за девизно работење, додека останатите 190.000 евра се задржани со Потврда за задржани средства.

Против сторителот е поднесена соодветна прекршочна пријава, соопшти Царинската управа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер