Забава

Аријана Гранде за време на цело шоу држи ананас во рацете, сите се чудат (ВИДЕО)

Аријана Гранде држеше ананас во раката за време на нејзиното појавување во The Graham Norton Show, што привлече внимание и насмеа многу гледачи.

Таа се појави во шоуто само неколку часа откако нејзиниот филм Wicked доби 10 номинации за Оскар и откако беше номинирана во категоријата за најдобра споредна женска улога. Поради оваа причина, познатиот актер Вил Ферел реши да се пошегува и со оглед на тоа што овогодинешното доделување на наградите се одржува на 2 март, да ѝ подари нешто што „дотогаш ќе ја задоволи“.

Водителот Греам Нортон ѝ честиташе за успехот, а додека сите во студиото аплаудираа, Ферел стана и извади ананас од чинијата со овошје. „Ова изгледа како номинација“, се пошегува тој додека ѝ го подава ананасот. Аријана Гранде му се заблагодари и гордо им го покажа плодот на публиката.

„Го ценам тоа, благодарам“, рече таа низ смеа. Во текот на целата емисија не го испушташе од раце, па дури и го однесе дома со себе. Нејзиниот стилист подоцна објави фотографија на Инстаграм на која се гледа како Аријана држи ананас на совозачкото седиште, па дури и ставила појас врз него.

Многумина се пошегуваа во коментарите под видеото објавено на YouTube. „Има што да стави на полица, ако не добие Оскар“, напиша некој. „Ова е толку глупаво што е всушност смешно“, „Не ми се верува дека само ја гледав Гранде како држи ананас во раката час и половина и сериозно зборува за номинациите за Оскар“, „Таа е толку симпатична. Заслужи Оскар. “, рекоа некои во коментарите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Никарагва одлучи да го раскине договорот од 1987 година

Министерството за надворешни работи на Никарагва објави дека земјата се повлекува од Централноамериканскиот парламент.

Како што соопшти Министерството вчера, „остварувајќи го своето суверено право“, Никарагва одлучи да го раскине договорот од 1987 година со кој беше формиран парламентот за шест централноамерикански држави, одлуката стапува на сила веднаш, пренесува Ројтерс.

Владата на Никарагва не одговори на барањето за коментар.

Овој потег уследи еден ден откако Организацијата на американските држави (ОАД) усвои резолуција со која се повикуваат властите во Никарагва да ги ослободат политичките затвореници и да ги вратат граѓанските слободи.

Никарагва ја напушти ОАД во 2023 година, тврдејќи дека оваа дипломатска организација станала инструмент на интервенционизмот на САД.

Земјата, исто така, во 2025 година објави дека ќе се повлече од Советот за човекови права на ОН, по извештајот на Обединетите нации во кој меѓународната заедница се повикува да реагира на кршењето на човековите права во земјата.

Политичка криза во Никарагва

Никарагва се наоѓа во состојба на политичка криза од април 2018 година, кога полициските сили ги задушија масовните протести, притоа загинаа повеќе од 350 луѓе, околу 2.000 беа повредени, а илјадници беа уапсени или избегаа од земјата.

Владата на Никарагва, предводена од претседателот Даниел Ортега и неговата сопруга Росарио Муриљо, минатиот јули објави дека земјата повеќе нема да одржува избори. Ортега е на власт во континуитет од 2007 година, откако претходно ја извршуваше функцијата претседател во 80-тите години на минатиот век.

Извор: Б92

Тагови: Никарагва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп именуваше пратеник за затворениците: „Тој врати 65 Американци од Белорусија“

Американскиот претседател Доналд Трамп денеска објави дека адвокатот и актуелен пратеник за Белорусија, Џон Коул, ќе биде негов специјален претседателски пратеник за прашања поврзани со затвореници.

Белорускиот претседател Александар Лукашенко минатиот месец помилува 15 затвореници по разговорите со Коул, кој повеќе од една година преговара со Минск.

„Во текот на изминатата година, Џон веќе обезбеди враќање на повеќе од 65 Американци и државјани на сојузнички земји од Белорусија и договори ослободување на повеќе од 800 политички затвореници од неколку источноевропски земји“, објави Трамп на својата социјална мрежа „Truth Social“.

Коул ќе го замени Адам Болер, за кого Трамп рече дека вратил 196 заложници.

Болер, кој во август помогна да се обезбеди ослободување на поранешен американски маринец од Русија, ќе продолжи да помага околу други прашања како виш советник, додаде Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Серафимовски: Како министерство сериозно сме засегнати за решавање на проблемите

Министерството за земјоделство, шумарство и водостопанство сериозно е засегнато за решавање на проблемите во делот на пласманот, производството и цената на оризот, порачал ресорниот министер Борче Серафимовски.

Тој денеска во Горни Подлог присуствувал на традиционалното зажетнување со срп на 35. издание на манифестацијата „Денови на кочанскиот ориз“.

Тагови: Борче Серафимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.