Археолозите го ископале најстариот театар во Лондон (ФОТО)

Археолозите на градилиштето во Вајтчепел го откриле најстариот театар во Лондон.

Театарот „Црвен лав“се смета за прв наменски театар од средниот век, но досега точната локација била спорна, пишува Би-Би-Си.

За време на минатогодишните истражувања на Стефен Вејво Источен Лондон, експертите пронашле дрвени згради и разни артефакти. Археологот Стивен Вајт го опиша местото како „извонредно“ откритие.

Историчарите веруваат дека Црвениот лав е изграден од Џон Брејн околу 1567 година, нешто пред да го изгради театарот Шордич со Џејмс Бурбаж во 1576 година.

За појавата на овој театар се знае многу малку. Сите наоди се засноваат на две тужби од 1567 и 1569 година во кои се споменува „црвен лав“ и „куќа“ што имале отворена сцена и седишта, пишува Би-Би-Си.

Во јануари 2019 година, археолозите започнале да откриваат правоаголна дрвена градба составена од 144 сочувани столбови што може да формираат „скеле“ или галерии за седење.

Самата градба е со големина од 12,3 m x 9,3 m, што се совпаѓа со димензиите споменати во тужбите, велат експертите.

Ископувањето го изврши Одделот за археологија на Универзитетскиот колеџ во Лондон.

„После скоро 500 години, можеби конечно пронајдовме остатоци од Црвениот лав, што ја одбележа зората на театарот. Археолошките остатоци од зградите и нивната локација се совпаѓаат со карактеристиките на театарот снимени во раните документи“, рече Вајт, главниот автор на студијата.

Некои други градби од 15-ти и 16-ти век биле пронајдени во северо-источниот дел на истото место, кои биле понатаму надградувани во следните 100 години. Експертите веруваат дека тоа би можело да биде дел од гостилницата „Црвен лав“.

Меѓу остатоците од зградите, откриени се две визби за пиво, чаши, шишиња и други садови од тој период.

Најмалку петмина уапсени пред белоруската амбасада во Москва

Најмалку пет лица се уапсени за време на вечерашниот протест пред белоруската амбасада во Москва.

По двочасовните мирни протести против резултатите од претседателските избори во Белорусија, руската полиција растури група од 200 демонстранти и уапси најмалку пет лица, јавува ТАСС.

По објавувањето на резултатите од претседателските избори во Белорусија, на кои сегашниот претседател Александар Лукашенко освои повеќе од 80 проценти од гласовите, избувнаа протести во целата земја.

За време на тридневните протести во Минск и другите белоруски градови, едно лице загина, а повеќе од 6.000 лица се уапсени.

Малолетната ќерка на Моника Белучи стана заштитен лик на Долче и Габана

Познатиот бренд Dolce & Gabbana има нова муза - тоа е 15-годишната Дева Касел, ќерка на италијанската актерка Моника Белучи и францускиот актер Винсент Касел, која се чини дека има светла иднина во светот на модата.

Тинејџерката, која очигледно ја наследи безвременската убавина од нејзината убава мајка, деновиве снимаше кампања за новиот парфем „D&G“ Shine на бреговите на италијанското езеро Комо во провинцијата Ломбардија.

Секако, присуството на Дева предизвика голем интерес кај папараците и медиумите, а нејзината благосостојба и безбедност внимателно ги следеа грижливите родители - иако се разведоа во 2013 година, Моника и Винсент учествуваат подеднакво во воспитувањето на 15-годишната Дева и нејзината петгодишна сестра Леони.

\

Дева дефинитивно се обидува да ја заштити својата приватност во секое време и е многу внимателна со објавите на социјалните мрежи, но за жал, и таа неодамна се најде под оган од злонамерните интернет тролови кои почнаа да шират озборувања за тоа како таа се подложува на козметичка хирургија, т.е. ја обвинија дека ги зголемила усните.

- Ве молам, јас сè уште немам 16 години ... Нормално е тинејџерите да поминат низ физички промени, особено на оваа возраст. Никогаш не размислував за каква било постапка и знам дека моите родители никогаш не би го дозволиле тоа. Човечкото тело се менува, затоа ве молам уште еднаш, размислете пред да започнете да ширите бесмислени, глупави и лажни вести за младите – им одговори Дева.

Шпанија забрзано гради болница поради зголемениот број заболени од корона

Бројот на нови случаи на коронавирус во Шпанија денеска се зголеми за скоро 1.700, а во овие бројки не е опфатен Мадрид, кој не даде информации заради технички проблеми.

Од укинувањето на строгите рестриктивни мерки пред шест недели, Шпанија се обидува да го спречи ширењето на коронавирусот.

Иако просечниот дневен број на заразени лица бил помалку од 150 во јуни, околу 1.500 нови случаи се регистрираат секој ден во првите 12 дена од август.

Како резултат, војската брзо гради нова полска болница во Сарагоса, главниот град на Арагон, регион кој сега е жариште на коронавирусот.

притисни ентер