Aрхеолошкото одделение на велешкиот Народен музеј годинава со четири поголеми проекти - Канал 5

Aрхеолошкото одделение на велешкиот Народен музеј годинава со четири поголеми проекти

Во текот на оваа година археолошкото одделение на Народниот музеј во Велес со финансиска поддршка од Министерството за култура ќе реализира четири проекти.

Aрхеолошкото одделение на велешкиот Народен музеј годинава со четири поголеми проекти

Станува збор за поставување на нова музејска поставка во приземјето на музејот со репрезентативни и археолошки предмети откриени при последните ископувања во велешко, потоа археолошко истржување на локалитетот Кале/Градиште кај селото Згрополци, конзерваторски истражувања и изработка на конзерваторски проект на предмети од керамика од античката збирка на музејот и конзервација на монети од нумезматичката збирка на музејот.

-Оваа година планирано е да се постави нова музејска поставка во која ќе бидат вклучени предмети кои се одликуваат со својата репрезентативност, но и предмети што се откриени при последните истражувања на археолошките локалитети од Велес и околината коишто хронолошки го опфаќаат периодот од праисторијата до Средниот век, појаснува д-р Анита Василкова Мидоска, археолог, кустос советник во Народниот музеј во Велес.

За вториот проект кој опфаќа археолошко истражување на локалитетот Кале/Градиште, Василкова-Мидоска појаснува дека ќе се доистражи просторот на некрополата со цел да се открие сакралниот и секуларниот аспект од животот на населбата. Ова истражување претставува продолжување на истражувањата од 2019 година.

- Од аспект на сакралниот дел, со овие истражувања би се детерминирала ситуацијата на терен од аспект на религиозниот живот, од аспект на хронолошката рамка на користење на просторот на некрополата и од аспект на дефинирање на границите на распростирање. Од друга страна, во сферата на секуларниот сегмент, би се открил релативно мал дел од секојдневниот живот на античкиот човек кој во одредена мера го расветлува доменот на секојдневието.Со реализацијата на овој проект покрај сознанијата за недвижното културно наследство ќе се овозможи збогатување на фондот на движни археолошки предмети на античката збирка на Музејот. Овие предмети говорат за едно интензивно и богато живеење на населението на античка Gurbita. Пронајдените предмети говорат за интензивна комуникација на оваа населба со големите центри на античкиот свет односно импорти посведочени и на просторот на Солун, Дион и Пела. Од аспект на гробните форми оваа некропола содржи неколку типови на гробови кои рефлектираат релации со неколку локалитети од просторот на денешна северна Грција, појаснува Василкова Мидоска.

Третиот проект содржи предмети од (Теќе – с. Отовица, Градиште/Циглана – Неготино, непознати локалитети) и претставува продолжение или надополнување на активностите поврзани со ревизијата, документацијата и евиденцијата на античката збирка на Музејот. Во претходниот период од страна на археолошкото одделение континуирано се вршат конзерваторски активности на предмети што се дел од конзерваторските проекти изработени од страна на Музејот за периодот 2017-2022 година.

-Во 2022 година се вршеа интензивни евиденции на музејскиот материјал од античкиот период. Овие евиденции претставуваат и појдовна точка за изработка на ревизиони списоци и она што е најважно изработка на соодветни елаборати за валоризација на поединични збирки кои ќе произлезат од оваа активност. Притоа, со детален преглед на музејското депо и евиденција на секој поединечен примерок констатирано е дека Музејот поседува материјал со исклучителна вредност кој припаѓа на античкиот период и кој опфаќа една широка хронолошка рамка од хеленистичкиот до римскиот период. Во предложениот проект ќе бидат вклучени археолошки предмети од керамика од два евидентирани локалитети Градиште/Циглана - Неготин и лок. Теќе кај с. Отовица и предемети чијашто провениенција не е позната, но според својот облик и зачуваност заслужуваат да бидат подложени на конзерваторски третман,вели Василкова Мидоска.

По конзерваторско - реставраторскиот третман, предметите чии материјални и естетски вредности ќе ги задоволат критериумите за музејски експонати, се очекува да станат составен дел на археолошката поставка во музејот, додека останатите ќе се депонираат во депо и ќе се презентираат пред пошироката јавност на повремени изложби и за стручно-научни или популарни публикации.

Василкова-Мидоска на овој проект ќе работи заедно со Билјана Јанкуловска Пеева, виш кустос конзерватор од Националната установа Стоби.

Четвртиот проект, како што информира Василкова Мидоска, е конзервација на монети од нумезматичката збирка на Музејот во Велес, а на овој проект таа ќе работи со Бранко Величковски, кустос советник конзерватор од Музејот на Македонија.

Овој проект претставува продолжение на започнатите активности поврзани со конзервацијата на монетите од нумизматичката збирка на Музејот во Велес. Во текот на 2022 година во рамки на Годишната програма за финансирање на проекти од национален интерес финансиран од страна на Министерството за култура изведени се конзерваторски истражувања и изработен е конзерваторски проект.

-Целта на предложениот проект се базира на неколку основи кои вклучуваат заштита, соодветна идентификација, евиденција и промоција на овој вид на културно наследство. Во таа насока со овој проект ќе се овозможи конзервација на целокупната збирка, а со надополнување на нови примероци од монети таа само ќе се збогатува, појаснува Василкова Мидоска.

Со цел да се обнови интегритетот на монетите ќе се применат интервенции за намалување, успорување и спречување на нивното пропаѓање.

-Интервентните активности ќе се одвиваат во неколку фази кои се однесуваат на селекција на монетите односно изработка на т.н. приоритетна листа согласно нивната зачуваност односно оштетеност, чистење на површините односно физичка и хемиска обработка на селектираните предмети, консолидирање на површината со соодветни препарати и третмани за сочувување на предметите и запирање на нивниот деградирачки процес, посочува Василкова Мидоска.

По завршување на активностите, монетите ќе бидат ревидирани и евидентирани во музејската евиденција согласно новите сознанија и податоци, а дел од нив ќе бидат вклучени и во елаборатите на поединечните збирки од нумизматичката збирка на Народниот музеј во Велес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Запален автомобилот на Александра Пријовиќ и Филип Живојиновиќ

Џип во сопственост на  мегапопуларната пејачка Александра Пријовиќ и нејзиниот сопруг, продуцентот и менаџер Филип Живојиновиќ бил запален во текот на ноќта на Бежанијска коса, пред нивниот семеен дом.

Запален автомобилот на Александра Пријовиќ и Филип Живојиновиќ

Драма во текот на ноќта во елитната населба во белград, Бежанијска коса, каде интервенирала полицијата и екипа на итната помош

Џип во сопственост на мегапопуларната пејачка Александра Пријовиќ и нејзиниот сопруг, продуцентот и менаџер Филип Живојиновиќ бил запален во текот на ноќта на Бежанијска коса, пред нивниот семеен дом.

Автомобилот бил паркиран во непосредна близина на куќата на Александра и Филип, а пламените јазици го зафатиле возилото што се наоѓало до џипот.

Полициските службеници набргу започнале со истрага и прибирање траги што би можеле да помогнат во расветлувањето на сите околности на овој инцидент.

Сега влезот во семејниот дом на Прија и Филип е обезбеден од припадници на полицијата, а ролетните на прозорците од куќата се спуштени. Засега сè уште нема официјални информации за тоа како се случил инцидентот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Разговори за иднината во 12:05“ -Нелегално стекнатиот имот со политичката корупција мора да почне да се конфискува!

Новиот Кривичен законик е резултат на притисокот на Европската Комисија, која и во годинешниот Извештај за напредокот на Македонија забележи за крајно негативните последици од скандалозните измени на кривичното законодавство од 2023. 

Разговори за иднината во 12:05“ -Нелегално стекнатиот имот со политичката корупција мора да почне да се конфискува!

Во врска со најавата за донесување нов Кривичниот законик Организаторите на „Разговори за иднината во 12:05“ го соопштуваат следниот став:

Новиот Кривичен законик е резултат на притисокот на Европската Комисија, која и во годинешниот Извештај за напредокот на Македонија забележи за крајно негативните последици од скандалозните измени на кривичното законодавство од 2023. Факт е дека најавата за нов Кривичен законик е чекор напред во борбата против политичката корупција, но апсолутно не дава одговор како да се спроведе правдата и исполнат очекувањата на граѓаните.

Борбата против политичката корупција не смее да се сведе на гола реторика и обиди за перење совест за претходните гревови!

Тоа што едни наводно изразуваат каење и ги оценуваат измените на Кривичниот законик во 2023 како грешка, а другите сега популистички најавуваат нова казнена регулатива која наводно ќе важела само за сегашните нивни функционери, а не и за претходните, не ја менува горчливата правосудна реалност. Мнозинството граѓани со право се сомневаат дека меѓу актуелната власт и опозиција постои договор за меѓусебна амнестија. Да не заборавиме дека измените на Кривичниот законик во септември 2023 се усвоија во итна постапка, водена со ЕУ знаме, немаше ниту еден амандман од тогашната опозиција која направи кворум на гласањето, указот беше веднаш потпишан од тогашниот претседател на државата, а иницијативата за испитување на уставноста на овие измени и барањето за времена мерка со која ќе се стопираше примената на овие одредби беше конечно запрена од Уставниот Суд на 25 февруари 2026. Со скандалозните измени на Кривичниот законик се намалија затворските казни за злоупотреба на службената положба што отвори можност за брзо застарување на кривичните дела сторени со политичка корупција, се избришаа одредби кои предвидуваа казни за злоупотреба на јавни набавки и оштетувања на државниот Буџет. Проценката кажува дека околу 800 поранешни и сегашни носители на функции ги злоупотребуваат овие скандалозни измени на Кривичниот законик за ослободување од кривична одговорност.

Нема никаква дилема дека со скандалозните измени на Кривичниот законик од 2023 дел од политичарите - пазарџии и објавија војна на правдата во Македонија. Заради иднината на државата сметаме дека е дојдено крајно време од декларативни заложби да се премине на дела. Тоа и го должиме на актуелната младина и на генерациите кои доаѓаат. Корумпираните политичари без разлика на етничка, верска и партиска припадност мора да одговараат и покрај скандалозните измени на Кривичниот законик во 2023. Затоа, предлагаме:

После членот 112 од актуелниот Кривичен законик со кој се дефинира „незастарливост на кривични дела геноцид и воени злосторства“, да се додаде нов член 112-а со кој ќе се дефинира незастарливост на кривичниот прогон и конфискацијата на противправно стекнат имот и за кривичните дела сторени од сите избрани и именувани лица како и од јавни и државни службеници во централната и локалната власт кои располагаат со буџетски средства и државен капитал а кои со незаконито однесување и политичка корупција стекнале противправна имотна корист. Со ваква законска интервенција ќе се испрати јасна порака дека никогаш повеќе нема да има ниту јавна ниту скриена амнестија за политичари;

Во актуелниот Кривичен законик, во главата триесетта каде се дефинирани „кривични дела против службената должност“, во членот 359-а кој го дефинира кривичното дело „противправно стекнување и прикривање имот“ да се зголемат минималните казни затвор и тоа од шест месеци на три години и од една на пет години, а максималните казни затвор да се зголемат од пет на десет години и од осум на петнаесет години;

Конечно усвојување на посебен Закон за потекло на имот со кој ќе се создадат неопходните правни механизми за испитување на потеклото на движен и недвижен имот на сите сегашни и претходни избрани и именувани лица и нивните потесни семејства.

ОРГАНИЗАТОРИ НА „РАЗГОВОРИ ЗА ИДНИНАТА ВО 12:05“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ЈП Комунална хигиена-Скопје: Во текот на викендот опожарени четири контејнери за одлагање комунален отпад

Во текот на изминатиов викенд, непознати сторители опожариле четири садови наменети за одлагање на комуналниот отпад.

ЈП Комунална хигиена-Скопје: Во текот на викендот опожарени четири контејнери за одлагање комунален отпад

Опожарени се два пластични контејнера со зафатнина од 1,1 м3, лоцирани во населбата Ново Лисиче во скопската општина Аеродром, како и два метални контејнера со зафатнина од 1,1 м3, лоцирани на булеварот Македонско-косовска бригада во општината Чаир.

Со цел да не се наруши динамиката на одлагање, собирање и транспорт на комуналниот отпад, ЈП Комунална хигиена-Скопје во најкус можен рок опожарените садови ги замени со нови.

ЈП Комунална хигиена-Скопје апелира да престане уништувањето на садовите за одлагање отпад, со цел екипите на Претпријатието да можат навремено да ги извршуваат своите работни обврски на терен, согласно Оперативната програма за работа. Сите случаи на опожарување на контејнерите се пријавени до надлежните органи и се очекува да бидат преземени соодветни мерки за да се пронајдат и санкционираат сторителите.

Во текот на изминатата седмица, екипите на ЈП Комунална хигиена-Скопје отстранија вкупно 760 кубни метри мешан комунален, кабаст и градежен отпад одложени на јавни и собраќајни површини во сите скопски општини. Најголемо количество отпад од диви депонии – вкупно 190 кубни метри, е расчистено во општината Центар.

Воедно, во ООУ „Кирил Пејчиновиќ“ во општината Кисела Вода, беа реализирани еко-предавања за правилно постапување со отпадот и придобивките од неговата примарна селекција. Со едукативните активности беа опфатени вкупно 100 ученици од четвртите одделенија во училиштето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер