Во вторникот, на околу 110 километри северно од Сакраменто, во близина на градот Оровил, избувна голем пожар поради што беше прогласена вонредна состојба, а беа воспоставени и центри за евакуација.

Пожарот бил локализиран долж јужниот дел на градот, а пожарникарите се обидувале да изградат линии за задржување на северната страна на градот.

Поради екстремните горештини низ земјава избувнаа поголем број мали пожари.

Властите напоменаа дека огнометот кој се прави за Денот на независноста, што се одбележува денеска, на многу места ќе биде забранет.

Во Јужна Калифорнија, официјални лица од националниот парк „Џошуа Три“ ја затворија областа Ковингтон Флетс поради високата опасност од пожари.

Минатиот јуни изгореа 4,14 квадратни километри дрвја џошуа.

Тепачката се случила минатата седмица, откако туристичкиот водич побарал од групата да позира заедно до споменикот на Еверест. Во тој миг избувнале судири меѓу двајца мажи и две жени од Кина за тоа - кој каде ќе застане, па вербалната расправија прераснала во тепачка, пренесува „Њујорк пост“.

На видеото се гледа како мажите се тепаат на земјата, една од жените се обидува да си го извлече мажот, а другата се вклучува во тепачката и го удира другиот маж. На местото на настанот пристигнала граничната полиција која ја прекинала тепачката. Не се знае дали некој од учесниците е повреден. Сите засегнати се приведени во полиција.

Со над 40 филмски наслови, Скопје повторно ќе живее во филм во фестивалскиот период, се наведува во денешното соопштение на Младинскиот културен центар (МКЦ).

- Под годинешниот слоган „Како е? Викај ура“, летните скопски филмски вечери ќе ги пресретнуваме во паркот зад Младинскиот културен центар, киното „Фросина“ и летното кино на отворено во „Кинотека“. Отворањето ќе го одележи македонскo-данската соработка на данскиот бенд „Ефтеркланг“ и „Македониум бенд“. Оваа соработка ја обележа својата концертна премиера во април 2023 година пред споменикот „Македониум“ во Крушево и својата филмска премиера во Копенхаген на фестивалот „CPH-DOX“, на 23 март 2024 година, пишува во соопштението.

Филмот, како што се наведува, ја заокржува истражувачката потрага на овој дански состав на прекрасен, непосреден и шармантен начин, преку патувачка турнеја низ нашата држава. Во тој процес на регрутација на членови за новиот мета состав наречен „Ефтеркланг: Македониум бенд“, нивен водич и локална инспирација е уредникот на музичка програма во МКЦ, Владица Младеновски - Грга, нивен пријател и посредник во целата авантура. Младинскиот културен центар се јавува во улогата на продуцент, преку својата логистичка и организациска поддршка на целиот проект.

Се најавува и богата музичка програма. Билетите за фестивалот, како што е најавено, ќе чинат 250 денари.

Фестивалот е финансиски поддржан од Град Скопје, делегацијата на ЕУ преку програмата „EU film festivals“, Агенцијата за филм во партнерство со Публицис и Кинотеката на Република Северна Македонија.