Арагчи се огласи по заканите од Трамп за интервенција: Иран не бара војна, но е целосно подготвен за неа - Канал 5

Свет

Арагчи се огласи по заканите од Трамп за интервенција: Иран не бара војна, но е целосно подготвен за неа

Шефот на иранската дипломатија, Абас Арагчи,денеска изјави дека земјата е подготвена за војна, по новите закани од Доналд Трамп за воена интервенција доколку режимот продолжи да ги задушува протестите во кои се стравува дека стотици луѓе веќе се уби

Арагчи се огласи по заканите од Трамп за интервенција: Иран не бара војна, но е целосно подготвен за неа

Соочени со големи протести во Техеран и другите градови во последните денови, властите денеска повикаа на контрадемонстрации за поддршка на Исламската Република, која се соочува со еден од најголемите тестови откако е прогласена во 1979 година.

Норвешката невладина организација „Иран човекови права“ (IHR) вчера соопшти дека ја потврдила смртта на најмалку 192 демонстранти од почетокот на протестите на 28 декември, но предупреди дека бројот на жртви може да биде многу поголем, осудувајќи го „масакрот“ и „големото злосторство против иранскиот народ“.

„Според некои непотврдени извори, извештаите укажуваат дека најмалку неколку стотици, а можеби и повеќе од 2.000 лица се убиени“, нагласи невладината организација, споменувајќи и повеќе од 2.600 апсења.

И покрај ограничувањата на интернетот од 8 јануари, сликите од улиците на Техеран и другите ирански градови, вклучувајќи го и Машхад, на истокот на земјата, кои можеби се „пробиени“ преку сателит, покажуваат големи демонстрации во последните вечери.

Во видео потврдено од АФП, десетици тела завиткани во црни кеси може да се видат пред мртовечница во главниот град, каде што Иранците се чини дека ги бараат своите исчезнати најблиски.

Западните новинари пренесуваат дека во Техеран е речиси целосно парализан секојдневниот живот.

Протестното движење, првично поврзано со трошоците за живот и хиперинфлацијата, сега отворено ја предизвикува сегашната влада. Земјата е ослабена од 12-дневната војна со Израел во јуни 2025 година, но и од ударите врз регионалните сојузници, како и од санкциите поврзани со нејзината нуклеарна програма, кои ОН ги воведе повторно во септември.

По повторените закани за воена интервенција на САД како одговор на репресијата, американскиот претседател вчера изјави дека лидерите на Иран сакаат да „преговараат“ и дека „се подготвува состанок“, но не ја исклучи воената опција.

„Можеби ќе мора да дејствуваме пред состанокот“, рече тој, додавајќи дека американската војска разгледува „многу силна акција“.

„Исламската Република Иран не бара војна, но е целосно подготвена за неа“, одговори денеска шефот на иранската дипломатија, Абас Аракчи, за време на конференцијата на странски амбасадори во Техеран, која беше емитувана на државната телевизија.

„И ние сме подготвени за преговори, но тие преговори мора да бидат фер, со еднакви права и засновани на меѓусебно почитување“, додаде тој.

Иранската влада вчеравечер прогласи тридневна национална жалост за „мачениците на отпорот“, осврнувајќи се особено на убиените припадници на безбедносните сили. Додека властите велат дека ги разбираат економските барања на демонстрантите, тие сè повеќе ги осудуваат „бунтовниците“ за кои велат дека биле испратени од странски сили, првенствено САД и Израел.

Претседателот Масуд Пезешкијан го повика населението денеска да учествува во „марш на отпорот“ низ целата земја за да го осуди насилството за кое тврди дека го вршат „урбани терористички криминалци“.

Државната телевизија емитуваше снимки од запалени згради, вклучувајќи и џамија, како и од погребни поворки за припадници на безбедносните сили.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Лагите на СДС се на нивна штета и нема да ја сокријат одговорноста на кадрите на СДС, ДУИ и Таравари во Гостивар

СДС и Венко Филипче со лаги не можат да ја сокријат одговорноста на нивните кадри во Гостивар.

ВМРО-ДПМНЕ: Лагите на СДС се на нивна штета и нема да ја сокријат одговорноста на кадрите на СДС, ДУИ и Таравари во Гостивар

Конструкциите, лагите и манипулациите на Венко Филипче и СДС за состојбите во Гостивар не можат да ја сокријат вината и неспособноста на нивните кадри во Гостивар.

СДС и Филипче покажаа елементарно непознавање на тоа како функционира системот и кој за што е надлежен, барајќи одговорност на погрешна адреса.

Фактите се јасни. Контролата на квалитетот на водата е во надлежност на локалните институции. Во Гостивар локалната власт ја предводат кадри поддржани од СДС, ДУИ и Арбен Таравари. Градоначалникот Валбон Лимани е нивен избор и нивна политичка одговорност.

Наместо да одговорат кој потфрлил таму каде што тие ја имаат локалната власт, СДС секојдневно пласира невистини и ја насочува јавноста кон погрешна адреса.

Додека надлежните институции и службите работат деноноќно за целосно надминување на состојбата со водоснабдувањето во Гостивар, СДС и Венко Филипче продолжуваат со старата пракса, политиканство, манипулации и обид за собирање евтини политички поени врз грбот на граѓаните.

Затоа, ако навистина бараат одговорност, нека почнат од сопствените редови. Наместо прес-конференции со обвинувања, нека им објаснат на граѓаните што направиле и зошто дошло до оваа состојба.

Институциите остануваат целосно посветени на решавање на проблемот. Веќе е обезбедена технички исправна вода за лична и домашна хигиена, а согласно проценките на надлежните служби, во најбрз можен рок се очекува да биде обезбедена и безбедна вода за пиење во Гостивар.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ и Арина Сабаленка микс двојка на Грен слемот во Њујорк

Најтрофејниот светски тенисер, Новак Ѓоковиќ и најдобрата свестка тенисерка во моментов, Арина Сабаленка ќе ги здружат силите на последниот грен-слем турнир во сезоната УС Опен во Њујорк.

Новак Ѓоковиќ и Арина Сабаленка микс двојка на Грен слемот во Њујорк

Српскиот тенисер и најдобрата тенисерка во светот заедно ќе настапат во конкуренција на мешани двојки на УС Опен, потврдија организаторите на турнирот во Њујорк.

Се очекува нивниот настап да привлече големо внимание кај публиката, со оглед на тоа што од едната страна на теренот ќе биде еден од најдобрите тенисери на сите времиња, а од другата – тенисерка која веќе ги има освоено најголемите трофеи во женскиот тенис.

Челникот на Тениската асоцијација на САД, Крег Тајли, истакна дека новиот формат на мешани двојки претставува можност спортот уште повеќе да им се доближи на навивачите. – Секогаш кога можете да ги споите жените и мажите во ист тим, го прикажувате тенисот во неговото најдобро светло. Токму тоа го овозможува првенството во мешани двојки. Горди сме што повторно ги собираме најдобрите светски играчи во формат што ќе понуди возбудлива забава за нашите навивачи – изјави Тајли.

Натпреварите во мешани двојки на УС Опен ќе се играат од 24 до 26 август, пред почетокот на главниот дел од турнирот.

Во главната ждрепка ќе учествуваат 16-те најдобри двојки, а натпреварите во почетните кола ќе се играат до освојување на два сета. Сетовите ќе се освојуваат со четири добиени гема, додека при резултат 3:3, победникот ќе се одлучува со тај-брејк.

Тагови: Арина Сабаленка Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп домаќин на Нетанјаху и Зеленски,ќе се разговара за војните во Иран и во Украина

Американскиот претседател Доналд Трамп е домаќин на израелскиот премиер Нетанјаху и украинскиот претседател  Зеленски.

Трамп домаќин на Нетанјаху и Зеленски,ќе се разговара за војните во Иран и во Украина

Ќе се разговара за војните во Иран и во Украина кои се во критична фаза.

Средбата со Нетанјаху ќе биде прва по почетокот на војната со Иран, која предизвика тензии меѓу двајцата лидери. Се очекува разговорите да бидат фокусирани на Иран, безбедносната состојба на Блискиот Исток, Појасот Газа и можностите за обновување на дипломатските напори.

Трамп и Нетанјаху ќе разговараат и за спроведувањето на договорот меѓу Израел и Либан, како и за нормализација на односите меѓу Израел и арапските држави.

Украинскиот претседател Зеленски ќе се обиде да обезбеди продолжување на американската поддршка за Украина, во услови на интензивирани руски воздушни напади и застој на мировните иницијативи.

Иако администрацијата на Трамп ги намали директните испораки на оружје за Киев, САД и натаму остануваат еден од најважните партнери на Украина, обезбедувајќи разузнавачка поддршка, како и пристап до сателитскиот систем Старлинк.

Средбите се следат со големо внимание бидејќи би можеле да дадат насоки за идната американска политика кон двете најголеми актуелни меѓународни кризи – војната во Украина и конфликтот на Блискиот Исток.

Тагови: Бенјамин Нетанјаху Володимир Зеленски Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер