Apple се врати на врвот на компании со најголема вредност - Канал 5

Технологија

Apple се врати на врвот на компании со најголема вредност

По четири години, Apple уште еднаш се најде на врвот на листата на највредни светски брендови, надминувајќи го Amazon, според истражувањето на консултантската компанија Brand Finance.

Apple се врати на врвот на компании со најголема вредност

Вредноста на брендот „Епл“ скокнала за 87 проценти, на 263,4 милијарди долари, со првото место на „ Brand Finance Global Brand 500 2021 “

Apple е првата американска компанија чијашто пазарна вредност надминала 2.000 милијарди долари во август минатата година, потсетува агенцијата DPA.

Амазон го зазеде второто место на рангирањето на Brand Finance со вредност на брендот од 254,2 милијарди долари, а третото место му припадна на Гугл со проценета вредност на брендот од 191,2 милијарди долари.

Мајкрософт го задржа четвртото место, со 20% зголемување на вредноста на брендот, на 140,4 милијарди долари.

Самсунг го задржа петтото место, Волмарт се проби на шестото, а Фејсбук е на седмото, како и на минатогодишното рангирање.

Технолошките компании убедливо доминираат во рангирањето, со учество во вкупната вредност на брендовите од 14 проценти. Заедно, нивните брендови вредат 998,9 милијарди долари.

Компаниите водени од технолошки иновации значително ја зголемија вредноста на нивните брендови откако работењето од дома стана нова норма во годината обележана со мерки против пандемијата и зависноста на луѓето од дигиталните комуникации, невидени во историјата.

Apple ги престигна Amazon и Google благодарение на успешната стратегија за развој на нови извори на приход. „Ајфон“ на тој начин учествува со половина од нивните приходи во 2020 година, во споредба со две третини во 2015 година.

Како дел од таа стратегија, брендот се проширил на дигитални и претплатнички услуги, вклучувајќи ги App Store, iCloud, Apple Podcasts, Apple Music, Apple TV и Apple Arcade.

Компанијата одлучила да продолжи со планираното проширување кон сегментот електрични возила Титан.

Вредноста на брендот Амазон, во меѓувреме, пораснал за солидни 15 проценти, исто така благодарение на пандемијата и невидениот раст на побарувачката поттикната од потрошувачите кои се свртија кон купувањето преку Интернет, по затворањето на физичките продавници.

Амазон се стекна со 11 авиони за да ги прошири своите воздушни логистички способности. Компанијата исто така го најави својот влез во здравствениот сектор со лансирање на Amazon Pharmacyja и фитнес трагачот Хало.

Вредноста на брендот Гугл исто така се зголеми, иако минатата година, за прв пат од нејзиното основање, забележале пад на приходите како резултат на падот на побарувачката за рекламирање во време на пандемијата и општ пад на трошоците за маркетинг на компаниите.

Вредноста на американскиот производител на електрични автомобили Тесла скокнала најмногу меѓу 500-те компании на скалата, за 158 проценти, на 32 милијарди долари.

Вредноста на брендот на кинескиот интернет гигант за малопродажба Алибаба е двојно зголемена, на 39,2 милијарди долари.

Во автомобилската индустрија, највредна марка е јапонската Тојота, чија вредност пораснала за два проценти на 59,5 милијарди долари. Следува германскиот Мерцедес-Бенц со вредност на брендот од 58,2 милијарди долари, што е за 10 проценти помалку од минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Принцови, принцези, актери, пејачи... Познати личности на финалето на Вимблдон

Финалето на Вимблдон во недела попладне привлече голем број холивудски ѕвезди и британски познати личности од А-листата.

Принцови, принцези, актери, пејачи... Познати личности на финалето на Вимблдон

Сите очи беа насочени кон Централниот терен, каде што Италијанецот Јаник Синер и Германецот Александар Зверев се соочија во напнат судир.

Кралското семејство во преден план

Меѓу многуте познати лица, особено се издвои принцезата од Велс, која блескаше во елегантен зелен фустан.

Таа пристигна на Вимблдон придружувана од своето семејство. Кејт беше придружувана од принцот Вилијам, принцезата Шарлот и принцот Џорџ, додека најмладиот син, принцот Луис, беше отсутен. Принцезата не ја симна насмевката од лицето, навидум невознемирена од моменталниот топлотен бран, додека принцот Џорџ се разладуваше во Кралската ложа со преносен вентилатор.

Принцезата, исто така, го носеше својот „брош Вимблдон“ во препознатливите бои на турнирот.

Мноштво познати лица

На кралското семејство во престижната ложа му се придружија и мноштво други ѕвезди. Актерката Никол Кидман (59) изгледаше шик облечена во бело одело, придружувана од Дама Ана Винтур. Сиена Милер (44) исто така беше видена во Кралската ложа во убав мини-фустан, додека актерите Бен Стилер и Рами Малек се прегрнаа топло по пристигнувањето. Поп-сензацијата Џенифер Лопез (56) ги пленеше погледите во тесна беж-фустан, која го дополни со елегантна шапка и високи потпетици.

Меѓу гламурозните гости беа водителката Тес Дејли (57) со нејзината ќерка Фиби (21), актерките Дејзи Едгар-Џонс (28), Лили Колинс (37) и Мариса Абела, легендарната Твиги (76) и Ники Хилтон (42). Актерот Том Хидлстон (45) избра стилски морнарски костум, Ендру Гарфилд бел костум од Ралф Лорен, а ѕвездата на „Adolescence“ Стивен Греам пристигна со сопругата Хана Волтерс.

Извор: Индекс.хр

Фото: Инстаграм

Тагови: Вимблдон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„BYD“ подготвува нов „ѕвер“ - ќе чини околу 40.000 евра

„BYD“ подготвува нов луксузен седан „Da Han“, кој ќе им се нуди на клиентите како целосно електричен модел или „plug-in“ хибрид.

„BYD“ подготвува нов „ѕвер“ - ќе чини околу 40.000 евра

Станува збор за автомобил кој користи иста платформа како и теренецот „Da Tang (Great Tang)“, и носи импресивни перформанси и многу брзо полнење на батеријата.

Електричната верзија добива батерија „Blade“ од втора генерација, која, според производителот, овозможува полнење од 10 до 97 проценти за само девет минути. Моделот ќе има управување на задните тркала, како и активна суспензија.

Со должина што е 6,6 сантиметри подолга од стандардниот „Mercedes-Benz S-Class“, „Da Han“ е меѓу најголемите луксузни седани на пазарот.

Основната електрична верзија користи еден електричен мотор сместен на задната оска кој развива 496 КС (370 kW), додека помоќната варијанта со погон на сите тркала има вкупна моќност од дури 764 КС (570 kW).

„BYD“ сè уште не го објави капацитетот на батеријата на електричната верзија, но наведува дека моделот со погон на задните тркала може да помине до 1.008 километри според кинескиот циклус на мерење „CLTC“.

Верзијата со погон на сите тркала има деклариран опсег од 880 километри. Треба да се напомене дека стандардот „CLTC“ дава пооптимистички резултати во споредба со европскиот „WLTP“ циклус.

„Plug-in“ хибридот користи 1,5-литарски турбо бензински мотор со 154 КС во комбинација со електричен мотор со 268 КС. Благодарение на „LFP“ батеријата со капацитет од 54 kWh, овој модел може да помине до 470 километри само на електрична енергија според кинеските мерења.

Според првичните информации, „BYD Da Han“ треба да има почетна цена од околу 41.000 евра.

Извор: Б92

Тагови: BYD

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Белата куќа повеќе нема да биде безбедна за Трамп“

Иранскиот пратеник Алаедин Боруџерди, член на Комитетот за национална безбедност на парламентот, изјави дека Белата куќа „веќе нема да биде безбедна“ за американскиот претседател Доналд Трамп.

„Белата куќа повеќе нема да биде безбедна за Трамп“

Боруџерди нагласи дека одмаздата за атентатот врз поранешниот врховен лидер Али Хамнеи станала „обврска“ за неговите следбеници и „сите слободни луѓе низ целиот свет“.

Тој додаде дека Трамп, израелскиот премиер Бенјамин Нетанјаху и „нивните агенти“ треба да очекуваат „слободните луѓе на светот да ја донесат раката на божествената одмазда“, додавајќи дека „ниту едно место во светот, дури ни Белата куќа, нема да биде безбедно“ за нив.

Тој исто така рече дека одмаздата станала „глобално движење“ наместо „ограничен одговор“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер