Балкан

Апокалиптични снимки од огромен пожар во познато грчко летувалиште- најмалку тројца повредени (ВИДЕО)

Ужасни слики доаѓаат од Грција, каде што моментално се активни повеќе од 100 пожари!

Пожарникарите се борат со пожари низ целата земја, а најдраматичните сцени се на Закинтос, Иос и околу Патра на Пелопонез.

Три лица се здобиле со тешки изгореници во пожар што избувнал во областа Патра, каде што пожарникарите вложуваат натчовечки напори да го локализираат пожарот што се шири со огромна брзина.

Снимките што кружат ја покажуваат Патра, која што е познато летувалиште, обвиткана во чад.

„Во Ахаја, пожар избувна во градот Флогереика во областа Еримантос, а фронтови се присутни во областите Теријано, Моираеика, Палаја Перистера, Агиос Стефанос и Хаикали. Евидентирани се 16 евакуации, три лица со изгореници се однесени во болница, а има и извештаи за штети на куќи. Кратко по 16 часот, пожар избувнал и во близина на градот Патра, во областа Главкос“, соопштија властите.

Како што наведоа, пожарот им се заканува на населбите и фабриките во Индустриската зона.

„Пожарот се прошири на многу фронтови“, изјави заменик-регионалниот гувернер на Ахаја, Фокион Заимис.

„Населените области се во опасност, како и фабриките во Индустриската зона (ВИПЕ). Ние сме во Индустриската зона на итен состанок. На терен има пожарникари, многу градежна механизација. Се обидуваме да не дозволиме да стигне до „чувствителни“ фабрики со запаливи материјали. Во овој момент, не можам да ви кажам ништо повеќе, се води голема борба. Пожарот се прошири на многу фронтови“, изјави Заимис за медиумите.

Како што изјави, евакуации на населбите се наредени од раните утрински часови.

„Постои можност некои луѓе да не ги напуштиле своите домови, а полицијата спасува луѓе од опасните зони. Амбулантни возила ги транспортираат оние со респираторни проблеми во болница. Ситуацијата е тешка“, рече тој.

Тагови: летувалиште пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор.

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.