Живот

Апликациите за вработување на врвните еврократи се исти како и вашите

Сметате дека за да добиете важно работно место во ЕУ ви требаат шарм, креативност и способност за самопромоција? Всушност, не. Можеби само треба да покажете малку понизност.

Политико - Брисел

Сметате дека за да добиете важно работно место во ЕУ ви требаат шарм, креативност и способност за самопромоција? Всушност, не. Можеби само треба да покажете малку понизност.

Кога станува збор за апликациите за нови работни позиции, се чини дека тие се осакатени од истите стари клишеа и ништо не кажуваат, што ги прават да се исти како и сите други.

До „Политико“ протекоа резимеата и мотивациските писма на оние кои конкурираа за нов главен банкарски супервизор на ЕУ - многу важна позиција со која доаѓа (годишна) плата од околу 300.000 евра и за која во потесен избор беа само двајца кандидати: и двете заменички раководителки на централни банки.

Ги прочитавме за да не мора вие да го правите тоа, а верувајте ни и навистина не сакате да ги читате.

Веднаш ќе ги препознаете познатите формулации без разлика дали аплицирале за работа во супермаркет, во канцеларија или, да се осмелиме да кажеме, во новинска редакција.

Градител на доверба

Апликантите треба да го заменат Италијанецот Андреа Енрија на местото претседател на Надзорниот одбор на Европската централна банка, тело кое ги контролира најголемите кредитори во блокот.

Во нив има неколку фрази во стилот „препознаена сум како градител на доверба“ и „уверена сум дека можам да дадам значаен придонес“.

Здодевно.

Клаудија Бух, потпретседателка на германската Бундесбанк, се одлучила за нејасни клишеа од интервјуата за работа на нејзин терен. Таа наведува дека е личност со „огромно искуство“, а добивањето на работата „би и претсавувало чест“.

Од друга страна, Маргарита Делгадо, вицегувернерката на Банката на Шпанија, наведува, мора да се каже со ентузијазам, дека може „да насочи кон соработка и проактивно да изгради консензус“. И не само тоа, таа ќе „направи вистински пристап за да обезбеди соработка во „обединет тим““.

Таа, исто така, има „страст кон финансискиот сектор“ и „непоколеблива посветеност на одржување на интегритетот и довербата“.

Уште сте со нас?

Стабилност и прогрес

Не е лесно да се објасни што сте работеле на претходните работни позиции и зошто тоа е важно за новото работно место. Ја разбираме нивната мака.

Но, тие едвај и да имаат наведено конкретен пример за тоа што работеле и покрај фактот што и двете жени се неверојатно квалификувани за работата и се експерти за банкарство и економија.

Каде е референцата за воведените дополнителни капитални трошоци? Или објаснување за тоа како се променило нивното размислување откако банките за малку ќе го разнесеа финансискиот систем во 2008 година?

Делгадо е најблиску до тоа во нејзината референца околу финансиската криза во Шпанија.

- За време на интензивната економска криза што ја погоди Шпанија во 2012 година, ја покажав мојата способност да се соочам со состојбите и ефикасно да се справувам со итните прашања кои се закануваа на стабилноста и прогресот, вели таа, но ниту приближно не наведува какви било вистински примери.

Сепак, по колапсот на американските банки што предизвика паника и превирања во глобалниот банкарски систем во март оваа година, и двете жени ветуваат дека ќе ги одржуваат здрави банките во еврозоната, наспроти економската позадина која вклучува зголемување на каматните стапки, висока инфлација и ризик од пропаст.

И, на крајот, навистина е важно како ќе настапите на интервјуто, штом мотивациското писмо ќе ви ја отвори вратата до него.

Цврста дама

Бух и Делгадо минатата недела требаше лично да ја импресионираат главна комисија составена од водечките пратеници во Комитетот за економија на Европскиот парламент.

И тешкиот разговор на Делгадо со пратениците на ЕУ и ја обезбеди работата, откако тие едногласно ја поддржаа нејзината кандидатура по состанокот.

- Имам чувство дека навистина може да „за′ржи“ по банките доколку е потребно, изгледа како многу цврста дама, изјави неименуван официјален претставни.

А можеби само и треба нов пишувач на говори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Почна хаосот во Париз: Маскирани демонстранти кршат и ограбуваат (ВИДЕО)

На крајот од денешниот протест, јавниот ред и мир повторно беа нарушени.

Во Париз, полицијата за немири користи палки за да ги растера групите маскирани млади луѓе кои ги кршеа прозорците на автосалоните на авенијата Кур де Венсен, јавува Би-Би-Си. Воздухот беше исполнет со густи облаци солзавец, а полицијата исто така интензивно користеше водни топови.

Претходно, протестот беше целосно мирен, а повеќе од 100.000 луѓе маршираа по рута што минуваше далеку од центарот на градот.

🇫🇷💥 FLASH | La police charge des manifestants à coups de matraque, à Paris. La situation reste très tendue sur place. https://t.co/9rB2OIAvSM
— Cerfia (@CerfiaFR) October 24, 2026

Полиција: 410.000 луѓе протестираа денеска во Франција

Вкупно 410.000 луѓе учествуваа во протестите низ Франција во саботата, вклучувајќи 110.000 во Париз, изјави за АФП француското Министерство за внатрешни работи. Излезноста беше малку помала од минатата недела, кога 550.000 луѓе излегоа на улиците.

Од друга страна, според податоците на синдикатот што ги организираше пријавените собири, 800.000 луѓе учествуваа во протестите во саботата низ целата земја, од кои 250.000 беа во главниот град. Судири избувнаа во неколку градови, вклучувајќи ги Париз, Лион, Рен, Нант, Бордо, Ница и Марсеј.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре променливо облачно и врнежливо време со температура до 20 степени

Времето утре ќе биде променливо облачно со повремени локални врнежи од дожд, информираат од УХМР.

МАКСИМАЛНА ТЕМПЕРАТУРА (во оС)

10 Попова Шапка, 14 Крушево, 16 Лазарополе, 18 Крива Паланка, Тетово, Охрид, Претор, Берово, Маврови Анови, 19 Скопје-Зајчев Рид, Прилеп, Виница, 20 Битола, Велес, Штип, 21 Скопје-Петровец, Кавадарци, Струмица, 22 Демир Капија, 23 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денеска беше променливо облачно со сончеви периоди. Претпладне по одделни котлини имаше појава на магла. Дуваше слаб до умерен ветер од јужен правец.

Попладнево ќе се задржи променливо облачно, а до крајот на денот облачноста ќе се зголеми и во текот на ноќта ќе преовладува облачно време. Ќе дува слаб ветер од јужен правец.

ВРЕМЕТО УТРЕ

Променливо облачно со повремени локални врнежи од дожд. Претпладне по одделни котлини ќе има услови за појава на магла. Ќе дува слаб до умерен ветер од југоисточен правец. Минималната температура ќе биде во интервал од 6 до 13, а максималната ќе достигне од 16 до 20 степени.

Во Скопје, променливо облачно, претпладне ќе има услови за појава на слаба магла. Попладне во делови од котлината ќе има повремен дожд. Ќе дува слаб ветер од југоисточен правец. Минималната температура ќе се спушти до 10, а максималната ќе достигне до 17 степени.

ВРЕМЕТО ВО НАРЕДНИТЕ ДЕНОВИ

Во текот на новата работна седмица ќе преовладува променливо облачно и претежно стабилно време. Ќе дува слаб до умерен, а во понеделник и во вторник наместа долж Повардарието повремено засилен северен ветер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Рама намерно го отстрани Курти од фотографијата од Самитот во Црна Гора (ФОТО)

Албанскиот премиер Еди Рама објави фотографија од самитот во Црна Гора каде намерно не се гледа премиерот на Косово, Албин Курти!

Рама на својот официјален Фејсбук профил објави две фотографии од Самитот на лидерите од Берлинскиот процес што се одржа во Милочер кај Будва, пренесе Телеграф. Официјалната фотографија од самитот, кој го отворија црногорскиот премиер Милојко Спајиќ и германскиот канцелар Фридрих Мерц, ги прикажува лидерите од регионот како стојат еден до друг. Курти може да се види и како стои во првиот ред недалеку од Рама, но албанскиот премиер објави уште една фотографија, зголемена, но Курти веќе го нема.

Фотографијата е отсечена токму таму каде што се наоѓал.

Албанските медиуми, меѓу кои и Бота Сот, наведуваат дека тоа не е случајно и дека се знае дека односите меѓу Рама и Курти се лоши со години, а таквиот гест на албанскиот премиер, како што велат, е едноставно продолжение на нивните несогласувања. Голема бура, сепак, се крена и во коментарите под фотографиите, каде едни го критикуваа Рама за спорната фотографија, а други го оправдаа неговиот потег.

Тагови: Еди Рама Албин Курти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.