Апелациски суд во САД дозволи депортација на 60.000 имигранти од Хондурас, Никарагва и Непал - Канал 5

Живот

Апелациски суд во САД дозволи депортација на 60.000 имигранти од Хондурас, Никарагва и Непал

Сојузен апелациски суд и дозволи на администрацијата на претседателот Доналд Трамп да ја укине привремената заштита од депортација и да ги поништи работните дозволи на повеќе од 60.000 имигранти од Централна Америка и Непал.

Апелациски суд во САД дозволи депортација на 60.000 имигранти од Хондурас, Никарагва и Непал

Одлуката на Апелацискиот суд за Деветтиот округ ѝ дозволува на владата да го поништи статусот на привремена заштита за имигрантите од Никарагва, Хондурас и Непал, додека пред судот се води постапка против оваа политика. Тројцата судии кои ја потпишаа наредбата не дадоа правно објаснување.

Наредбата веднаш ја укинува заштитата за Непалците, која истече на 5 август. Заштитата за државјаните на Хондурас и Никарагва ќе истече на 8 септември.

Портпаролката на Министерството за внатрешна безбедност, Триша Меклафлин, изјави дека одлуката ќе помогне во враќањето на интегритетот на имиграцискиот систем и ќе спречи користење на статусот на привремена заштита како системот за азил.

Ахилан Аруланантам од Центарот за имиграциско право и политика на универзитетот УКЛА (UCLA), една од организациите што ја поднесоа тужбата, го критикуваше судот за недостаток на образложение и рече дека одлуката „едноставно ја поддржува позицијата на моќ на владата“.

Окружниот судија Трина Л. Томпсон, во јули привремено ја блокираше администрацијата да ги повлече заштитите од депортација со остро формулирана пресуда, утврдувајќи дека одлуката на владата веројатно била мотивирана од „расна нетрпеливост“.

Тагови: мигранти САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Вечерва Бела ноќ во Скопје

Вечерва од 19:00 до 03:00 часот, плоштадите, мостовите, галериите, музеите и чаршијата ќе бидат места за нови доживувања и средби што се паметат.

Вечерва Бела ноќ во Скопје

- Има ноќи во кои градот се доживува поинаку. Ноќи во кои улиците стануваат сцена, уметноста ни доаѓа во пресрет, а музиката нè спојува. Скопје повторно ќе живее една таква ноќ, нашата Бела ноќ! Ве поканувам заедно да го исполниме Скопје со љубопитност, насмевки и енергија и да ја почувствуваме неговата креативна сила – истакна Градоначалникот на Град Скопје, Орце Ѓорѓиевски.

Само за „Бела ноќ“, работното време на угостителските објекти на подрачјето на Град Скопје се продолжува за два часа, за дружењето и убавата атмосфера да траат подолго.

За сите полесно да бидат дел од оваа ноќ, превозот со ЈСП ќе биде бесплатен од 18:00 часот на 3 октомври до 05:00 часот на 4 октомври.

Во рамките на „Бела ноќ“, бесплатен ќе биде и влезот во Зоолошката градина Скопје.

Уметноста ве очекува на плоштадот „Мајка Тереза“, на платото пред МОБ, во МКЦ, на Мостот на уметноста, на Боемска улица и во Старата скопска чаршија.

Дел од оваа ноќ ќе бидат и Музејот на Град Скопје, „Аудио Култура“, Домот на градежници, „Мала станица“, ДКЦ „Карпош“, Градската библиотека, Чифте амам, улицата „Македонија“ и Музејот на современа уметност.

Излезете со семејството, повикајте ги пријателите и одберете ја својата прва станица. Дозволете му на Скопје да ве изненади со нешто што досега не сте го виделе, слушнале или почувствувале.

Бела ноќ е покана за сите генерации, за сите што го сакаат овој град и за сите што допрва ќе го доживеат.

Да ги наполниме улиците со живот и да создадеме уште еден убав спомен за нашето Скопје!

Тагови: Бела ноќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на увид на градежни активности на мостот на улица „Љубљанска“ во Карпош

Претседателот на Владата на Македонија, Христијан Мицкоски ќе изврши увид на градежни активности на мостот во изградба на улица „Љубљанска“ во Општина Карпош.

Мицкоски на увид на градежни активности на мостот на улица „Љубљанска“ во Карпош

По завршување на увидот предвидено е премиерот да даде изјава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај во Скопје поради фудбалски натпревар на арената „Тодор Проески“

Вечерва  со почеток од 20:45 часот ќе се одржи фудбалски натпревар од Лига на нации помеѓу репрезентациите на Македонија и Шкотска на арената „Тодор Проески“ во Скопје.

Посебен режим на сообраќај во Скопје поради фудбалски натпревар на арената „Тодор Проески“

Од тие причини СВР Скопје – Единицата за безбедност на патниот сообраќај ќе преземе мерки за посебен режим на сообраќајот.

Апел до сите граѓани учесници во сообраќајот да се почитуваат наредбите кои ќе ги даваат униформираните полициски службеници.

Тагови: Посебен режим

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер