Здравје

Антробот - микроробот направен од обична човечка клетка

Научници од Универзитетот Тафтс и Институтот „Вис“ при Универзитетот Харвард во САД создале мали роботи од човечки клетки коишто можат, на пр., самостојно да се движат по лабораториски сад.

Целта е еден ден ова откритие да може да помогне во лекувањето рани и оштетено човечко ткиво, објави „Си-ен-ен“.

Малите роботи не може да се видат со голо човчко око, но имаат сѐ повеќе човечки својства, па науката ги нарече овие нови вештачки суштества - „антроботи“ ('anthrobots' - скратено од ’антропоморфни роботи‘). Истражувањето се надоврзува на претходната работа на некои од овие научници, кои ги направиле првите „живи роботи“ наречени „ксеноботи“, добиени од матични клетки и ембриони на африканска жаба. Истражувањето е објавено во списанието „Адвансд сајенс“ (Advanced Science).

- Некои луѓе мислеа дека својствата на ксеноботите премногу се потпираат на фактот дека тие се ембрионални и со потекло од водоземците. Мислам дека ова нема никаква врска со тоа што (роботот) во основа е ембрион... Или со тоа што е жаба. Мислам дека ова е многу поопшто својство на живите суштества. Не ги сфаќаме сите компетенции што ги имаат нашите сопствени телесни клетки, појасни авторот на трудот, Мајкл Левин, професор по Биологија на „Тафтс“.

Наместо тоа, за новите „биолошки роботи“ се зема ткиво од дишниот систем, од неименуван човек-дарител, и секој антробот расте од една клетка. Но, научникот вели дека, додека се „живи“, антроботите не се целосни организми, бидејќи немаат целосен животен циклус.

- Тоа нѐ потсетува на оние „сурово двострани“ категории со коишто се служиме - дали е тоа робот, дали е животно, дали е машина? Ваквите работи веќе не ни служат многу добро. Треба да го надминеме тоа, рече Левин.

Тој смета дека антроботите не преставуваат и не предизвикуваат никакви етички, морални или безбедносни грижи.

- Тие имаат многу ограничена средина во којашто живеат, така што не постои можност некако да излезат или да живеат вон лабораторијата. Не можат да живеат надвор од таа многу специфична средина. Тие (антроботи) имаат природен животен век, па по неколку седмици, едноставно, непречено се биоразградуваат, објаснува научникот.

Величината (ширина и должина) на еден антробот може да биде од 30 до 500 микрометри.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје: Финализирани координациите за реализација на проектот Брз автобуски превоз (БРТ)

БРТ ќе обезбеди побрз, побезбеден, посигурен и поеколошки јавен превоз.

Градоначалникот Орце Ѓорѓиевски денеска оствари работна средба со тимот на Европската банка за обнова и развој (ЕБОР) во Македонија, предводен од директорот Фатих Туркменоглу, на која беа направени финалните координации за следните чекори во реализацијата и оптимализацијата на проектот Брз автобуски превоз (БРТ).

На средбата беше потврдена заедничката определба за успешно спроведување на проектот, кој претставува една од најзначајните инвестиции во модернизацијата на јавниот превоз во Скопје. По преземањето на мандатот, преку интензивна координација со Владата на Република Македонија, Министерството за транспорт, Министерството за финансии, ЕБОР и останатите надлежни институции, беа надминати долгогодишните пречки што го блокираа проектот и беа создадени услови за негова реализација.

БРТ ќе обезбеди побрз, побезбеден, посигурен и поеколошки јавен превоз, ќе придонесе за намалување на сообраќајниот метеж, подобрување на квалитетот на воздухот и поквалитетно секојдневие за граѓаните.

Воедно, беше нагласено дека проектот нема да се реализира на сметка на постојното булеварско зеленило. Напротив, предвидени се нови зелени површини и дополнително хортикултурно уредување, со што ќе се обезбеди помодерен, позелен и похуман урбан простор.

Проектот БРТ е дел од пошироката стратегија за модернизација на јавниот транспорт во Скопје. Паралелно се работи на воведување градски воз во соработка со Министерството за транспорт, набавка на 100 нови автобуси преку Владата и оптимализација на автобуската мрежа, со цел создавање интегриран, функционален и современ систем на урбана мобилност.

Со финализирањето на овие координации, проектот Брз автобуски превоз влегува во фаза на реализација, претставувајќи значаен чекор кон поефикасен, поодржлив и поквалитетен јавен транспорт за Скопје.

Со почит,

Град Скопје

Тагови: Град Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Три лица лишени од слобода за семејно насилство во изминатото деноноќие

Три лица лишени од слобода, вкупно четири пријави за семејно насилство во изминатото деноноќие

Ноќеска (11.07.2026) во 01:20 часот во струмичко село полициски службеници од СВР Струмица лишија од слобода 49-годишен жител од тоа село. Според пријавеното тој на 10.07.2026 околу 22:30 часот во семејниот дом физички го нападнал неговиот 68-годишен татко и му нанел повреди. Лицето е задржано во Полициската станица Струмица, а за настанот е известен јавен обвинител од Основното јавно обвинителство Струмица. По документирање на случајот против него ќе биде поднесена соодветна пријава.

На 10.07.2026 во 20:40 часот полициски службеници од СВР Куманово го лишија од слобода Ч.С.(49) од кумановско затоа што физички ја нападнал неговата 33-годишна сопруга. Тој бил приведен во полициска станица и по целосно документирање на случајот против него ќе следува соодветна пријава.

На 11.07.2026 во 00:10 часот во Полициската станица Тетово, 54-годишна жена од Тетово пријави дека на 10.07.2026 околу 21:00 часот во нивниот семеен дом, по претходна расправија за пари, нејзиниот син К.В. физички ја нападнал, нанесувајќи ѝ повреди. На оштетената ѝ била укажана лекарска помош во Клиничката болница Тетово. Се преземаат мерки за пронаоѓање на сторителот и расчистување на случајот.

На 11.07.2026 во 00:20 часот, во СВР Охрид лишена од слобода е Е.В.(36) од охридско која претходно, во семејниот дом, физички ја нападнала својата мајка. По целосно документирање на настанот, против неа ќе биде поднесена соодветна пријава.

Тагови: семејно насилство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шпанските спасувачи трагаат по 23 исчезнати во пожарот кој однесе 12 жртви

Шпанските спасувачи трагаат по најмалку 23 исчезнати во големиот шумски пожар во шпанскиот регион Андалузија, во кој досега загинаа 12 лица.

Пожарот сè уште се шири поради неповолните временски услови и тешките временски услови, а досега зафати околу 4.000 хектари вегетација. Во битката со огнот, учествуваат повеќе од 500 служби за итни случаи, со поддршка на 32 авиона. Илјадници жители се евакуирани од погодените области, а повеќе од 1.400 луѓе моментално се наоѓаат во привремени засолништа првичните истраги покажуваат дека паднат далновод бил причина за пожарот. Властите стравуваат дека пожарот би можел да стане еден од најсмртоносните во Андалузија и еден од најкатастрофалните во Шпанија во последните децении.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.