Антивладини протести на Филипини - Канал 5

Свет

Антивладини протести на Филипини

Стотици илјади Филипинци денеска протестираа во главниот град Манила, барајќи одговорност за корупцискиот скандал во областа за контрола на поплавите, во кој се вмешани претставници на Парламентот и високи владини претставници.

Антивладини протести на Филипини

Изминатите месеци, откако беше обелоденета корупциската афера, разни групи организираа повеќе протести.

Владини инженери, службеници и раководители на градежни компании сведочеа под заклетва на сослушувањата во Сенатот и пред Комисијата за утврдување факти дека членовите на Конгресот и службениците во Одделот за јавни работи и автопатишта примале мито од градежни компании за да им помогнат да добијат профитабилни договори и да избегнат одговорност. Повеќето ги негираа обвинувањата.

Околу 650.000 членови на „Црквата Христова“ денеска се придружија на почетокот на тридневниот митинг во паркот Ризал во Манила, и покрај дождот. Многумина носеа бели кошули и транспаренти против корупцијата.

Околу 2.000 луѓе, вклучувајќи пензионирани генерали, одржаа посебен протест против корупцијата и денес кај споменикот „Народна моќ“ во предградието на Кезон Сити.

„Црквата Христова“ е влијателна религиозна група која гласа како блок и која политичките кандидати често се обидуваат да ја придобијат за време на изборите.

Полицијата, поддржана од војската, беше во целосна готовност и распореди илјадници војници за да ги обезбеди протестите во текот на викендот, кои поминаа мирно, рече министерот за внатрешни работи Џонвик Ремуља.

За време на антикорупцискиот протест одржан на 21 септември неколку стотина демонстранти се судрија со полицијата пред претседателската палата во Манила, при што беа повредени над 100 полицајци, а против 97 демонстранти поднесени се кривични пријави.

Контролата на поплавите е особено чувствително прашање за Филипини, една од најизложените азиски држави на смртоносни тајфуни, поплави и екстремни временски услови. Во текот на месецот, Филипини беа погодени од два тајфуна, при што загинаа 259 луѓе. главно во ненадејни поплави и лизгање на земјиштето.

Претседателот на Филипини, Фердинанд Маркос Помладиот се обидува да го стиши јавниот гнев и уличните протести и најави дека сенаторите, конгресмените и бизнисмените вмешани во скандалот „ќе бидат во затвор до Божиќ“.

Тој наведе и дека веќе се поднесени кривични пријави против 37 осомничени за поткуп, корупција и грабеж на државни средства. Кривични пријави се поднесени и против 86 директори на градежни компании и девет државни службеници за наводно даночно затајување во висина од 152 милиони долари.

YouTube video

Тагови: „Дурмо турс“ протести Филипините

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Почна хаосот во Париз: Маскирани демонстранти кршат и ограбуваат (ВИДЕО)

На крајот од денешниот протест, јавниот ред и мир повторно беа нарушени.

Почна хаосот во Париз: Маскирани демонстранти кршат и ограбуваат (ВИДЕО)

Во Париз, полицијата за немири користи палки за да ги растера групите маскирани млади луѓе кои ги кршеа прозорците на автосалоните на авенијата Кур де Венсен, јавува Би-Би-Си. Воздухот беше исполнет со густи облаци солзавец, а полицијата исто така интензивно користеше водни топови.

Претходно, протестот беше целосно мирен, а повеќе од 100.000 луѓе маршираа по рута што минуваше далеку од центарот на градот.

Полиција: 410.000 луѓе протестираа денеска во Франција

Вкупно 410.000 луѓе учествуваа во протестите низ Франција во саботата, вклучувајќи 110.000 во Париз, изјави за АФП француското Министерство за внатрешни работи. Излезноста беше малку помала од минатата недела, кога 550.000 луѓе излегоа на улиците.

Од друга страна, според податоците на синдикатот што ги организираше пријавените собири, 800.000 луѓе учествуваа во протестите во саботата низ целата земја, од кои 250.000 беа во главниот град. Судири избувнаа во неколку градови, вклучувајќи ги Париз, Лион, Рен, Нант, Бордо, Ница и Марсеј.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре променливо облачно и врнежливо време со температура до 20 степени

Времето утре ќе биде променливо облачно со повремени локални врнежи од дожд, информираат од УХМР. 

Утре променливо облачно и врнежливо време со температура до 20 степени

МАКСИМАЛНА ТЕМПЕРАТУРА (во оС)

10 Попова Шапка, 14 Крушево, 16 Лазарополе, 18 Крива Паланка, Тетово, Охрид, Претор, Берово, Маврови Анови, 19 Скопје-Зајчев Рид, Прилеп, Виница, 20 Битола, Велес, Штип, 21 Скопје-Петровец, Кавадарци, Струмица, 22 Демир Капија, 23 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денеска беше променливо облачно со сончеви периоди. Претпладне по одделни котлини имаше појава на магла. Дуваше слаб до умерен ветер од јужен правец.

Попладнево ќе се задржи променливо облачно, а до крајот на денот облачноста ќе се зголеми и во текот на ноќта ќе преовладува облачно време. Ќе дува слаб ветер од јужен правец.

ВРЕМЕТО УТРЕ

Променливо облачно со повремени локални врнежи од дожд. Претпладне по одделни котлини ќе има услови за појава на магла. Ќе дува слаб до умерен ветер од југоисточен правец. Минималната температура ќе биде во интервал од 6 до 13, а максималната ќе достигне од 16 до 20 степени.

Во Скопје, променливо облачно, претпладне ќе има услови за појава на слаба магла. Попладне во делови од котлината ќе има повремен дожд. Ќе дува слаб ветер од југоисточен правец. Минималната температура ќе се спушти до 10, а максималната ќе достигне до 17 степени.

ВРЕМЕТО ВО НАРЕДНИТЕ ДЕНОВИ

Во текот на новата работна седмица ќе преовладува променливо облачно и претежно стабилно време. Ќе дува слаб до умерен, а во понеделник и во вторник наместа долж Повардарието повремено засилен северен ветер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Рама намерно го отстрани Курти од фотографијата од Самитот во Црна Гора (ФОТО)

Албанскиот премиер Еди Рама објави фотографија од самитот во Црна Гора каде намерно не се гледа премиерот на Косово, Албин Курти!

Рама намерно го отстрани Курти од фотографијата од Самитот во Црна Гора (ФОТО)

Рама на својот официјален Фејсбук профил објави две фотографии од Самитот на лидерите од Берлинскиот процес што се одржа во Милочер кај Будва, пренесе Телеграф. Официјалната фотографија од самитот, кој го отворија црногорскиот премиер Милојко Спајиќ и германскиот канцелар Фридрих Мерц, ги прикажува лидерите од регионот како стојат еден до друг. Курти може да се види и како стои во првиот ред недалеку од Рама, но албанскиот премиер објави уште една фотографија, зголемена, но Курти веќе го нема.

Фотографијата е отсечена токму таму каде што се наоѓал.

Албанските медиуми, меѓу кои и Бота Сот, наведуваат дека тоа не е случајно и дека се знае дека односите меѓу Рама и Курти се лоши со години, а таквиот гест на албанскиот премиер, како што велат, е едноставно продолжение на нивните несогласувања. Голема бура, сепак, се крена и во коментарите под фотографиите, каде едни го критикуваа Рама за спорната фотографија, а други го оправдаа неговиот потег.

Тагови: Еди Рама Албин Курти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер