Антиваксер од Австралија протестирал како логораш од Аушвиц, го нападна Еврејка (ВИДЕО)

Австралиски антиваксер бил вербално нападнат од револтирана жена откако се облекол како затвореник во нацистички концентрационен логор за време на бизарен протест.

Шокираните сведоци снимиле маж како стои на аголот на две улици во центарот на Мелбурн и како држи знак кој ја споредува обврската за вакцинација против Ковид-19 со Холокаустот.

„Историјата се повторува“, пишувало на транспарентот што го носи демонстрантот додека оди напред-назад и извикува слогани, објави Дејли мејл.

Човекот носи пижами со сини риги, што потсетува на облеката што ја носеле милиони Евреи во концентрационите логори низ Европа за време на Втората светска војна. Две жени му пришле на мажот за да му кажат дека е апсолутно непријатно да се споредуваат со преживеаните од Холокаустот. Група млади луѓе потоа го прекорија дека неговата ситуација ја споредил со истребувањето на милиони луѓе.

„Разговарав со сведокот кој го сними ова, Еврејка на 50-тите години, која во своето семејство има преживеани од Холокаустот. Таа и нејзиниот пријател му пријдоа на човекот и му рекоа дека е срамота тоа што го прави“, рече Двир Абрамович, претседател на Австралиските организации за граѓански права.

Абрамович рече дека сведоците тврдат дека полицијата ја следела ситуацијата додека не ескалирала , кога 40-годишник го нападнал мажот: „Потоа полицијата интервенирала и ја отстранила жената од местото. Таа е Еврејка и нејзината пријателка ја прашала полицијата зошто ја носи неа во притвор , а не мажот. Полицајците одговориле дека тој има право на слобода на говор.

На крајот, полицискиот командант му наредил на човекот да се оддалечи, што и го направил. Полицијата во австралиската држава Викторија за Дејли Мејл изјавила дека не можеле да утврдат кои полицајци биле на местото на настанот, па затоа не можат да ја коментираат ситуацијата. Абрамович подоцна издал соопштение во кое ги повикал демонстрантите да престанат да користат несоодветни тактики за промовирање на нивните цели.

„Не, Викторија не станува нацистичка Германија и оние кои се противат на задолжителната вакцинација и предложените закони за пандемијата мора да престанат со нивните ужасни тактики. Ништо во Австралија не е ни блиску до неописливите злосторства извршени од нацистите во ужасни размери и не сугерира дека сме на нашиот пат до Аушвиц .Тоа е незамисливо и далеку од реалноста. Се разбира, луѓето можат да го изразат своето несогласување со владината политика, но не треба да го користат холокаустот за да ги промовираат своите цели“, напишал Абрамович.

10- годишно дете од САД си пресудило по малтретирањето на училиште-родителите 20 пати се жалеле

Десетгодишно момче од Индијана извршило самоубиство откако наводно било ужасно малтретирано на училиште, додека неговите родители тврдат дека 20 пати се пожалиле во училиштето.

Семи Теус се самоубил на 5 мај, а според неговото семејство бил малтретиран до ноќта пред смртта.

Неговите родители Сем и Никол тврдат дека момчето било физички и психички малтретирано на училиште, а наводно неодамна го претепале во училишниот автобус.

Малтретирањето започнало минатата година кога тој се префрлил во училиштето, пишува Дејли Мејл.

Според семејството, Сем 20 пати им кажал на наставниците и на другите вработени во училиштето за злоупотребата.

„Најпрвин го исмејуваа поради очилата, потоа поради забите. Тоа траеше долго. “, рече таткото на Семи.

Злоставувањето потоа станало физичко.

„Го претепаа во автобус, децата му ги скршија очилата. Се јавив во училиштето, ги прашав што ќе прават во врска со тоа, стануваше сѐ полошо и полошо“, рекол таткото.

Според него, училиштето знаело што се случува, а злоупотребата низ училиштето и во автобусот се проширила на социјалните мрежи.

Училиштето соопштило дека неговите родители ја пријавиле смртта како самоубиство и ги истражуваат тврдењата за злоупотреба.

Истрагата продолжува.

Скандалозен исказ на таткото, кој ги држел своите деца како заложници и пукал со калашников

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција.

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција и тврди дека направил сѐ за „да ги заштити децата од љубовник на жената“, објави Политико.

Марку рекол дека имал проблеми со сопругата и дека, како што тврди, таа нашла друг маж.

Таткото, кој испукал најмалку 18 истрели во станот и од балконот во Драч, тврдел дека ги зел децата „за да ги држи подалеку од момчето на жената“. Потоа, како што тврди таткото, „новиот дечко на неговата сопруга дошол да го нападне“.

Потоа, како што рече, со калашников излегол на терасата.

„Четири дена бев во стан на плажа со моите деца и сѐ беше супер. Жена ми побегна во Италија и малку се каравме. Последен пат кога се скаравме, таа отпатува за Италија и јас ги зедов децата и дојдовме во Драч.“

Марку рекол дека сѐ ескалирало кога „љубовникот дошол кај него“.

„И тогаш нејзиниот љубовник доаѓа да ме нападне во куќата и затоа пукав. Не сакав да има врска со децата. Го однесов детето на тераса кога пукав, па можеше да види дека никогаш не сум бил насилен кон децата“, тврди таткото, кој беше уапсен вчераутро по неколкучасовни преговори.

Медиумите јавуваат дека децата, кои биле извлечени неповредени од станот, сега се со својата мајка и го напуштиле Драч.

Не се знае со каква казна се соочува таткото.

Аеродромски работник падна од авион- му се лизнаа скалилата кога сакал да излезе (ВИДЕО)

Еден од работниците на аеродромот во Џакарта паднал од паркиран авион.

Скалите со помош на кои требало да го напушти леталото се лизнале непосредно пред да излезе, а бидејќи не забележал – паднал на земја.

Инцидентот, наводно, се случил на аеродромот во главниот град на Индонезија, Џакарта (CGK), кога еден од аеродромските работници излегувал од Airbus A320 (PK-TLB) на TransNus (8B), објави Aviation24. Видео кое кружи на социјалните мрежи јасно покажува како работниците на аеродромот ги отстрануваат скалите за качување/симнување додека човекот го напушта авионот.

Без поддршка на левата нога, работникот испаднал од авионот и завршил на земја.

Иако не се знае многу за здравствената состојба на работникот, голем број на специјализирани воздухопловни портали и профили на социјалните мрежи пишуваат дека тој скршил неколку коски и дека неговиот живот не е во опасност.Aviation24 јавува дека индонезиските власти започнале истрага за инцидентот.

Прагот на вратата на Ербас А320 е повеќе од три метри над земјата.

притисни ентер