Антикорупционерите очекуваат Владата да им го даде на увид договорот со „Бехтел и Енка“ - Канал 5

Македонија

Антикорупционерите очекуваат Владата да им го даде на увид договорот со „Бехтел и Енка“

Антикорупциската комисија очекува Владата да им го даде на увид договорот со Бехтел и Енка за изградба на коридорите...

Антикорупционерите очекуваат Владата да им го даде на увид договорот со „Бехтел и Енка“

Антикорупционерите се уште немаат увид во целосните документи за изградба на автопатите, иако отворија предмет за надзорот ден по потпишувањето на договорот со Бехтел и Енка и пред две недели ги побараа од Владата сите материјали. Претседателката на комисијата Билјана Ивановска во интервју вели дека им се потребни сите детали за да можат темелно да проверат дали во нив има нешто спорно, а иако се работи за доверлив материјал, членовите на ДКСК имаат безбедносни сертификати и имаат право да го добијат. Клучен проблем според неа е нетранспарентноста кон јавноста за целиот проект.

Зошто Владата се уште не одговорила на барањето на антикорупциската комисија, информација нема. Сите прашања и сомнежи кои се пласираат во јавноста околу договорот, премиерот Ковачевски вели биле одговорени, и на медиумите рече дека им стои на располагање управувачкиот комитет задолжен за изградба на автопатите од коридорите 8 и 10д.

Договорот сега, освен за владата, достапен е единствено за Јавното обвинителството, кое по допрен глас формираше предмет за случајот, но засега нема никаква информација од таму до какви податоци дошле.. По барањето на деветмина опозициски пратеници, вицепремиерот и координатор на проектот Артан Груби изјави дека управувачкиот комитет е подготвен да реферира на затворена седница во Собранието за сите детали во кои опозицијата се сомнева. Засега на собранискиот календар таква седница нема закажано, а не знае ниту кога ќе продолжат комисиите за законските измени потребни за изградба на автопатите. Тоа ќе се случи откако ќе се најде начин за коректна дебата, вели за Канал 5 претседателот на комисијата за труд и социјала Елми Азири. Откри дека размислуваат да ги групираат поднесените 1118 амандмани за 60 часа работна недела, или пак законот од почеток да го поднесат со европско знаменце, а со тоа да се ограничи времето за расправа.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Владата продолжува со силна поддршка за развој на Скопје, следува набавка на нова комунална опрема и електрични автобуси

„Јас сакам само да упатам честитки на работата на градоначалникот бидејќи би рекол за овие неколку месеци се направија големи чекори во проекти коишто беа до никаде.“

Мицкоски: Владата продолжува со силна поддршка за развој на Скопје, следува набавка на нова комунална опрема и електрични автобуси

„Јас сакам само да упатам честитки на работата на градоначалникот бидејќи би рекол за овие неколку месеци се направија големи чекори во проекти коишто беа до никаде, односно беа заглавени и со посветена работа, можам да кажам дека за овие неколку месеци откако Орце е градоначалник се гледа огромен напредок, еве како што самите слушнавте до Нова година очекуваме не само овој проект туку уште други 2, па и би рекол 3 проекти ќе бидат завршени.

Тука би сакал уште еднаш да додадам дека Градот Скопје од Владата исто така треба да добие до Нова година камиони, цистерни и метларки за подобра хигиена. Тендерот тука е завршен, мислам и дека оние формални процеси со царина и слично се завршени.

Таму некаде до крајот на август месец денеска разговарав со потпретседателот на Влада и министер за транспорт ќе можеме да направиме промоција и на таа опрема се разбира бидејќи таа опрема нема да добие само Скопје туку и уште неколку други поголеми општини низ државата, исто така сега е процесот на жалби.

Очекувам и тој да заврши како процес и да се добијат новите автобуси електрични што исто така ќе ги добие Градот Скопје, но и другите општини низ државата, така што се интензивираат активностите, се работата проектите, се реализирано она коешто е ветено.

За жал, не можеме преку ноќ сето она коешто со децении е уништувано да го поправиме, но се разбира со фокусирана работа, со посветена работа гледате дека и тие работи што се невозможни стануваат реалност и стануваат возможни.

Благодарам на советниците коишто ја поддржуваат работата на градоначалникот, на администрацијата на Град Скопје, на колегите од Владата, на сите коишто се вклучени во реализирањето на овие проекти, тука пред сè мислам на градоначалниците во Градот Скопје.

Ние како Влада ќе продолжиме и понатаму да ги поддржуваме општините, а јас сум убеден дека Орце онаков каков што е карактер, уште попосветено, иако и сега е максимално посветен, уште попосветено ќе продолжи да ги реализира проектите коишто наумил да ги реализира, а се приоритет на Скопје.“, рече премиерот Христијан Мицкоски при увидот на градежните работи на клучката Момин поток во Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пожарот во Франција се приближува до Бордо- пожарникарите користат нова метода во гаснењето (ВИДЕО)

Илјадници луѓе беа евакуирани од периферијата на Бордо, бидејќи големите шумски пожари во југозападна Франција се приближуваа кон градот. 

Пожарот во Франција се приближува до Бордо- пожарникарите користат нова метода во гаснењето (ВИДЕО)

Француската војска, исто така, се приклучи во борбата против невидениот пожар, со воен транспортен авион Ербас А400М кој беше распореден за прв пат. Снимен е како испушта 20 тони хемиски ретардант за да го спречи ширењето на пожарот, објави Јутарњи.

Објавените снимки го покажуваат авионот како лета ниско над загрозената шумска област додека испушта црвена мешавина од ретардант за пожар, обидувајќи се да го пресече патот на пожарот што се заканува да се прошири во нови населби.

Црвениот ретардант - мешавина од вода, хемиски средства за ретардант за пламен и пигмент - не се користи за директно гаснење на пламенот, туку се прска врз вегетацијата пред фронтот на пожарот за да се намали запаливоста на растенијата и да се забави напредокот на пожарот. Пожарот моментално е на околу 30 километри од Бордо, познат центар за одгледување вино и клучен транспортен центар за туристи на атлантскиот брег.

Францускиот министер за внатрешни работи Лоран Нуњез изјави дека рекордни 98.000 хектари земја се изгорени во Франција досега оваа година во пожарите, предизвикани од интензивниот топлотен бран низ Европа.

„Очекуваме долга и тешка битка“, предупреди Нуњез, додека францускиот премиер Себастијан Лекорну рече дека пожарите достигнале невидени нивоа. Властите ги евакуираа жителите од општините Ле Агебланш, Ејсин и Мерињак, а вкупно 167.000 луѓе се евакуирани од поширокиот регион Жиронд досега.

На возачите и патниците на возот им е советувано да ја избегнуваат областа. Според климатскиот монитор на Ројтерс, просечната температура во поширокиот регион Аквитанија во јули била 32,2°C, 7,3°C над повеќегодишниот просек.

Тагови: пожар Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Карамбол во Германија: Кампер удри во колона возила на автопат - 34 повредени, меѓу кои и деца

Вкупно 34 лица, меѓу кои и неколку деца, се повредени во сообраќајна несреќа на повеќе возила на автопатот А9 во германската покраина Тирингија, откако кампер-комбе не застана во сообраќаен метеж, соопшти полицијата.

Карамбол во Германија: Кампер удри во колона возила на автопат - 34 повредени, меѓу кои и деца

Сите повредени имаат полесни до умерени повреди и ничиј живот не е во опасност, изјави портпаролот на полицијата.

Камперот се судри со неколку возила

Полицијата соопшти дека возачот на камперот, кој превезувал две деца, не го забележал запирањето на сообраќајот и се судрил со неколку возила. Девет возила беа оштетени, вклучувајќи два минибуса што превезуваа 11 деца со големи потреби за поддршка и осум старатели.

Автопатот беше затворен повеќе од пет часа

Автопатот кон Берлин беше затворен околу пет и пол часа додека службите за итни случаи пружија помош и ги отстранија возилата од местото на несреќата. Полицијата ја процени штетата на околу 350 илјади евра.

Сообраќајниот метеж беше предизвикан од претходна несреќа во која беше вклучена превртена приколка за коњи, соопшти полицијата. Автопатот беше затворен во двата правци по таа несреќа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер