Антиќ: Давам се од себе да ја оправдам довербата - Канал 5

НБА

Антиќ: Давам се од себе да ја оправдам довербата

Да играм одбрана, да ширам напад, да погодувам шутови, тоа е мојата работа тука и задоволен сум како се одвива сега за сега, вели Перо Антиќ, првиот македонски играч во НБА лигата, кој во својата прва сезона за тимот на Атланта Хокс веднаш стана еден од најзабележителните играчи.

Антиќ: Давам се од себе да ја оправдам довербата
Бев изненаден кога ме поканија на Ол стар натпреварот. Играв супер тој месец и им благодарам на сите што гласаа за мене. Тренерот ми дава се повеќе минутажа и доверба и се обидувам да ја искористам максимално што можам секоја секунда на теренот, да играм несебично за тимот. Да играм одбрана, да ширам напад, да погодувам шутови, тоа е мојата работа тука и задоволен сум како се одвива сега за сега, вели Перо Антиќ, првиот македонски играч во НБА лигата, кој во својата прва сезона за тимот на Атланта Хокс веднаш стана еден од најзабележителните играчи.

Така беше и вчера, на натпреварот на гости против Вашингтон Визардс, каде Антиќ одигра 25 минути на теренот. Тренерот се обидуваше да го поштеди од преголем напор поради повредата на зглобот поради која пропушти еден натпревар, но забележително беше дека тимот на Атланта игра многу подобро кога македонскиот центар е на теренот. Антиќ имаше 13 поени и 12 скока, но тоа не беше доволно за Јастербите од Атланта, погодени од неколку повреди, да победат. И покрај водството на почетокот на натпреварот и неизвесната завршница, на крајот Визардс беа подобри со 101 – 97.

- При крај сме на сезоната и се обидуваме да победиме на што е можно повеќе натпревари и да обезбедиме учество во плејофот. Се обидуваме да играме малку порастеретено, бидејќи притисокот полека доаѓа. Јас како поискусен и уште двајца – тројца други, се обидуваме да ги смириме
помладите. Тоа е спортот, тоа е кошарката, затоа е интересна. Изгубивме денес, продолжуваме понатаму и го забораваме ова, изјави Антиќ.

Кошаркарската легенда на Хокс, Доминик Вилкинс, по натпреварот не ги штедеше зборовите на пофалба за Перо Антиќ.

- Каде и да одиме Перо има пријатели, убаво е тоа да се види. Тој е прв Македонец во НБА и тоа е нешто посебно. Тој е голем играч, добро шутира, ја развлекува одбраната, но најважно за мене е што е супер фин
човек, еден од моите омилени момци во тимот, изјави Вилкинс, додавајќи
дека многу му се допаднало македонското вино кое го пиел со нашиот центар. Антиќ најави дека е можно Вилкинс наскоро да ја посети и Македонија, во рамките на неговиот престој во Европа.

Македонската кошаркарска ѕвезда се осврна и на изборите во Македонија, односно на поддршката која ја даде за претседателот Ѓорге Иванов во претстојните избори, поради поддршката која ја добил од претседателот во изминатите години, како капитен на македонската кошаркарска репрезентација.

- Затоа ќе кажам, од се срце поддршка има Ѓорге Иванов, затоа што секогаш бил кон мене позитивно настроен, со позитивни критики кон играчите, што и да направиме. И во лошо и во добро бил со нас, изјави Антиќ.

За навивачите кои го следат на натпреварите, особено во американските градови каде има голема македонска заедница, Антиќ рече дека чувствува голема благодарност за се што прават за да го пречекаат на спортските арени низ САД.

- Легенди, легенди. Голема благодарност и голема чест ми е да ги видам. Издвојуваат средства и толку се среќни што нивен кошаркар е во НБА. Едноставно голема благодарност и ќе пробам максимално да го искористам времето колку што можам со нив. Такви се Македонците, затоа
сме единствени, изјави Антиќ. /Извор: МИА/

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во руски напад погоден еден од најголемите стадиони во Украина (ВИДЕО)

Руски напад врз Одеса на 7 август го оштети стадионот „Чорноморец“, еден од најголемите во Украина и дом на истоимениот фудбалски клуб.

Во руски напад погоден еден од најголемите стадиони во Украина (ВИДЕО)

Гувернерот Олех Кипер потврди дека едно лице е повредено во нападот. Нападот се случил околу 15:30 часот, кратко откако воздухопловните сили предупредија за приближување на млазни беспилотни летала, објави „The Kiev Independent“.

Последици за стадионот и клубот

29-годишна жена која била во стадионот е повредена и добила медицинска помош на местото на настанот. Стадионот, кој се наоѓа во центарот на Одеса, веднаш до градското пристаниште, претрпел сериозни оштетувања. Дел од покривот е уништен, прозорците се скршени, а трибините се оштетени.

Стадионот „Чорноморец“ има капацитет од 34.164 гледачи. Пред руската инвазија, тој беше домаќин на натпревари во натпреварувањата на УЕФА и на украинската репрезентација. Денес, тоа е дом на машкиот клуб Чорноморец и женскиот клуб СиСтерс, кои се натпреваруваат на највисокото ниво на украинскиот фудбал.

Поради штетата, натпреварот од машката украинска Премиер лига, кој требаше да се игра на 8 август, беше одложен. Организаторите го потврдија одложувањето, но новиот датум и локација сè уште не се објавени.

Зголемени напади врз регионот Одеса

Руската армија ги интензивираше нападите врз Одеса и нејзината околина во текот на летото, за време на врвот на туристичката сезона. Овие напади се дел од поширок модел на уништување на инфраструктурата. Според податоците од Министерството за млади и спорт, до 20 јули, руските сили во Украина оштетиле или уништиле вкупно 915 спортски објекти.

Капацитетите на пристаништата се особено цел. Министерството за заедница и територијален развој објави дека руските сили извршиле 124 напади врз поморската инфраструктура само во јули. Целите биле морски пристаништа, цивилни бродови и бродови што пловеле низ украинскиот поморски коридор.

Десетици цивилни бродови биле оштетени во овие напади, а имало и жртви меѓу членовите на екипажот. Градот е нападнат со дронови и ракети, вклучувајќи и ракети „Бандерол“ што се користат за гаѓање на пристанишната инфраструктура.

Извор: Индекс.хр

Тагови: напад стадион украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Италија ѝ одговори на Шпанија дека нема да ги укине граничните контроли сè додека постојат ризици

Италија денес објави дека нема да попушти пред „ултиматумите“ на Шпанија и ќе ги одржи граничните контроли за патниците што доаѓаат од таа земја најмалку до 15 август. 

Италија ѝ одговори на Шпанија дека нема да ги укине граничните контроли сè додека постојат ризици

Шпанија претходно денес се закани дека ќе воведе реципрочни мерки за патниците од Италија ако Рим не ги укине граничните контроли што ги воведе минатата недела до недела, по масовниот прилив на мигранти од Мароко во шпанската енклава Сеута.

Италијанската влада во соопштението изјави дека ќе ја преиспита својата одлука само откако ќе биде сигурна дека нема безбедносни или терористички ризици, нема нов бран на миграција и нема нелегални мигранти што се упатуваат кон европска територија.

Повеќето мигранти се вратија

Мадрид претходно изјави дека ги смета контролите за „неправедни, спротивни на интересите на ЕУ и дискриминаторски кон шпанското население“. Италија не дели копнена граница со Шпанија. Мерката што ја воведе Мелони се однесува на морскиот и воздушниот сообраќај, а контролите се првенствено насочени кон патниците кои не се од ЕУ.

Речиси 60.000 луѓе, претежно Мароканци, пристигнаа или се обидоа да стигнат до шпанската енклава Сеута минатата недела пеш или пливајќи од соседниот град Фнидек. Имигрантите брзо ја преплавија шпанската енклава, а повеќето од нив потоа беа вратени во Мароко. 82 загинаа обидувајќи се да влезат во Сеута, соопштија властите.

Шпанскиот град на северноафриканскиот брег постепено се враќа во нормалниот живот, но неговите улици се полни со малолетници без придружба кои не можат да бидат вратени во Мароко, но чија заштита и грижа мора да бидат одговорност на заедницата во која се наоѓаат. Владата на Сеута проценува дека околу 1.100 малолетници влегле во градот меѓу приближно 60.000 мигранти.

Извор: Индекс.хр

Тагови: Италија Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Наредена итна евакуација на населението во Јапонија, откажани летови

Тајфун се движи кон јапонија. се евакуираат 260 илјади луѓе а откажани се повеќе од 500 летови додека тајфунот „Долфин“, кој се движи бавно, се приближува кон регионот.

Наредена итна евакуација на населението во Јапонија, откажани летови

Тајфунот од прва категорија носи ветрови со максимална брзина од 144 километри на час, со удари што достигнуваат и до 198 километри на час, и се приближува кон низата острови меѓу регионот Кјушу и префектурата окинава, соопшти јапонската метеоролошка агенција

Властите издадоа наредби за евакуација на речиси 260.000 жители во префектурите кагошима и окинава, додека „Тојота“ денеска го прекина производството во девет фабрики.

Јапонската метеоролошка агенција предупреди дека може да се формира и линеарен појас на дожд – односно тесен појас на интензивни врнежи и грмотевици – што би можело да предизвика поплави.

Тагови: јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер