Анкета: Речиси половина од Европејците го сметаат Трамп за непријател, има висок ризик од војна со Русија - Канал 5

Европа

Анкета: Речиси половина од Европејците го сметаат Трамп за непријател, има висок ризик од војна со Русија

Анкетата покажа дека во просек 48 отсто од испитаниците го гледаат Трамп како директен непријател. 

Анкета: Речиси половина од Европејците го сметаат Трамп за непријател, има висок ризик од војна со Русија

Речиси половина од Европејците го сметаат Доналд Трамп за „непријател на Европа“, малку поголем процент од нив, пак, сметаат дека има висок ризик од војна со Русија, додека над две третини од Европејците веруваат дека нивните земји нема да можат да се одбранат во таков конфликт. Ова го покажуваат резултатите од анкетата спроведена во девет земји за париската платформа Le Grand Continent, која, исто така, откри дека огромното мнозинство граѓани сакаат да останат во Европската Унија, пишува Гардијан.

Жан-Ив Дормаген, професор по политички науки и основач на агенцијата за истражување на јавното мислење Cluster17, ги коментираше резултатите: „Европа не само што се соочува со растечки ризици, туку и минува низ трансформација на својата историска, геополитичка и политичка средина. Целокупната слика од анкетата покажува Европа која е загрижена, длабоко свесна за своите ранливости и се бори позитивно да се проектира во иднината“.

Анкетата покажа дека во просек 48 отсто од испитаниците во деветте земји го гледаат Трамп како директен непријател. Најмногу со ваквите ставои ги има во Белгија- 62 отсто, по која следата Франција- 57 отсто, додека на крајот се Хрватска- 37 отсто и Полска – 19 отсто.

„Низ целиот континент, трампизмот јасно се смета за непријателска сила“, рече Дормаген.

И покрај ова, Европејците сè уште го сметаат односот со САД за стратешки важен - компромис со американската Ввлада е најпопуларната опција за 48 отсто од испитаниците.

Релативно мнозинство од 51 отсто од Европејците веруваат дека ризикот од отворена војна со Русија во наредните години е висок, додека 18 отсто го сметаат за многу висок. Дормаген истакнува дека таков резултат „би бил незамислив пред само неколку години и сигнализира промена во европското мислење кон новиот геополитички режим во кој можноста за директен конфликт на континентот сега е широко прифатена“.

Ставовите варираат во зависност од близината до Русија. Па така, 77 отсто од Полјаците го сметаат ризикот за висок, а во Франција и Германија тој е 54 и 51 отсто, соодветно. На спротивната страна, пак, дека нема голем ризик од војна со Русија сметаат 39 отсто Португалци и 34 отсто Италијанци

Довербата во националните воени капацитети е исклучително ниска. Дури 69 отсто од испитаниците во деветте земји веруваат дека нивната земја „навистина не е“ или „воопшто не е“ способна да се одбрани од руската агресија. Најсамоуверени се Французите, но дури и таму тоа е малцинско мислење од 44 отсто.

Во Полска, која граничи со Русија, 58 отсто од граѓаните не веруваат во одбранбените капацитети на нивната земја.

„Влегуваме во ера на опасност бидејќи чувствуваме трајно чувство на национална слабост“, заклучи Дормаген.

И покрај чувството на ранливост, огромното мнозинство од испитаниците го поддржуваат членството во ЕУ. Дури 74% сакаат нивната земја да остане во блокот. Највисока поддршка за ова прашање имаше во Португалија- 90 отсто и во Шпанија -89 отсто, а најниска во Полска и68 отсто,

Франција- 61 отсто

Пет години по излегувањето на Обединетото Кралство од ЕУ, сега Брегзит во голема мера се смета за неуспех. Дури 63 отсто од Европејците веруваат дека тој имал негативно влијание врз Велика Британија, додека само 19 отсто веруваат дека одлуката била позитивна.

Тагови: Анкета Доналд Трамп русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

„Многу те сакам“: Лука Модриќ им ги разнежни срцата на фановите со нова објава

Лука Модриќ преку социјалните мрежи ѝ го честиташе деветтиот роденден на својата најмлада ќерка, Софија.

„Многу те сакам“: Лука Модриќ им ги разнежни срцата на фановите со нова објава

По тој повод, хрватскиот фудбалер сподели неколку фотографии на кои се заедно, придружени со кратка и емотивна порака.

На една од фотографиите, таткото и ќерката се насмеани додека позираат заедно, додека другите прикажуваат опуштени моменти од семејниот живот. На пример, на една фотографија се гледа како Софија седи на рамениците на татко ѝ, а на друга Модриќ ѝ помага да си ја исуши косата.

„Среќен роденден на мојата прекрасна и многу посебна мала принцеза! Многу те сакам!“, напиша Модриќ.

Најмладото од трите деца

Софија е најмладото дете на Лука и неговата сопруга, Вања Модриќ. Покрај неа, тие имаат син, Иван, и ќерка, Ема. Лука и Вања стапија во брак во 2010 година, а една година подоцна ја прославија и црковната венчавка во Загреб.

Модриќ честопати преку социјалните мрежи ги одбележува важните моменти од животот на своите деца, особено нивните родендени. Неговото семејство често го придружува на фудбалски настани. Сопругата и децата честопати го бодреле од трибините за време на клучни натпревари и му се придружувале во прославите по големите победи.

Извор: Индекс.хр

Тагови: Лука Модриќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нов потег на Путин: Русите вежбаат со Кинезите, пристигна нуклеарно предупредување

Рускиот претседател Владимир Путин вчера присуствуваше на воена вежба на планините Урал, во која учествуваа војници од Кина и од неколку други земји.

Нов потег на Путин: Русите вежбаат со Кинезите, пристигна нуклеарно предупредување

Путин го посети воениот полигон во регионот Чељабинск за да ја следи завршната фаза од вежбата „Центар-2026“. Вежбата се одржа во склоп на вежбата „Интеракција-2026“, спроведена од членките на Организацијата на Договорот за колективна безбедност – безбедносен сојуз предводен од Москва, составен од неколку поранешни советски републики.

Путин изјави дека 47.000 војници учествуваат во вежбата „Центар-2026“, вежбајќи одбивање напади на 11 полигони и во Каспиското Море. Вежбата започна во понеделникот, а завршува денес.

Путин предупреди дека нема да се двоуми да употреби нуклеарно оружје за одбрана на Калининград.

„Околу 6.000 војници од Русија и од други земји учествуваа во завршната фаза на полигонот Чебаркул“, рече Путин.

YouTube video

Тој додаде дека делегации од 55 земји учествувале како набљудувачи.

Според извештаите на руските медиуми, во вежбата учествуваат воени единици од Белорусија, Киргистан и Таџикистан, заедно со војници од Кина, Монголија и Пакистан. За време на посетата, Путин изврши увид во различни видови вооружување, вклучително и новите беспилотни летала „Геран“ на млазен погон, кои руската војска ги користи во нападите врз Украина.

Посетата на Путин уследи еден ден откако Русија го предупреди НАТО дека нема да се двоуми да употреби нуклеарно оружје за одбрана на Калининград, доколку некоја членка на воениот сојуз се обиде да ја отсече таа руска ексклава на западот на земјата од остатокот на Русија.

Извор: Б92

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер