Анкета: Прикривање, корупција и неефикасност ѝ припишуваат Грците на Владата - Канал 5

Балкан

Анкета: Прикривање, корупција и неефикасност ѝ припишуваат Грците на Владата

 Незадоволство од работата на Владата во низа области меѓу кои надворешната политика, миграцијата и ефикасноста, изразува мнозинството Грци вклучени во истражувањето на јавното мислење на агенцијата „Alco“ за грчката телевизија „Алфа“.

Анкета: Прикривање, корупција и неефикасност ѝ припишуваат Грците на Владата

Меѓу зборовите „ефикасност“ и „неефикасност“, 69 отсто од испитаниците, Владата ја карактеризираат со неефикасност, седум од десет Грци во Владата гледа „корупција“ наспроти само 14 проценти, кои одбрале „чесност“ за да ја опишат власта, а исто толку Владата ја карактеризирале со „транспарентност“, наспроти 74 отсто кои веруваат дека вистинскиот збор е „прикривање“.

За надворешната политика на Владата и дали ефикасно ги брани интересите на земјата, 62 проценти одговориле негативно, додека пак за миграциската политика, 71 отсто ја смета за неефикасна.

Повеќе од половина од анкетираните (57 отсто) одговориле дека на следните избори, ќе гласаат за да изразат протест, а 34 проценти гласот ќе го дадат за „стабилност“.

Во однос на тоа дали постои партија која во голема мера ги изразува нивните ставови 61 отсто одговориле негативно.

На политичката сцена Нова Демократија е прва со рејтинг од 24 проценти, втора е ПАСОК со 11,5 отсто, Грчко решение е трета со 9,3 проценти, а потоа следат Комунистичката партија, Курс на слобода и СИРИЗА, додека пак неопределените гласачи се 19 отсто.

Истражувањето на јавното мислење на агенцијата „Alco“ за телелвизијата „Алфа“ било спроведен од 23 до 27 септември со анкетирани 1.000 лица со право на глас. /МИА

Тагови: грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Белорусија ја предупреди Полска на можна терористичка закана

Белоруското Министерство за надворешни работи ја предупреди Полска за можна терористичка закана на полска територија, а полските безбедносни служби сега ги проверуваат наводите. 

Белорусија ја предупреди Полска на можна терористичка закана

Официјална Варшава вели дека сериозно ја сфаќа секоја потенцијална закана, пишува „Еуроњуз“.

Предупредување доставено до полски дипломат

Белоруското министерство во четврток објави дека го повикало на разговори полскиот вршител на должноста амбасадор во Белорусија, Кшиштоф Ожана. На таа средба, според официјалното соопштение, на полската страна ѝ биле дадени информации за наводно планираниот напад.

Целта на нападот наводно се деца на активистите

Во соопштението од Минск се наведува дека во случајот се работи за лице кое живее во Полска и има криминално досие. Ова лице неодамна ја изгуби дополнителната заштита и правото на престој во земјата.

Белоруските власти тврдат дека го планирале нападот врз децата на белоруски активист кој живее во Полска. Мотивот е одмазда бидејќи активистот наводно не му помогнал доволно на осомничениот да го задржи својот легален статус во Полска. Белоруското Министерство за надворешни работи соопшти дека е подготвено да ѝ достави на Варшава дополнителни информации доколку е потребно.

Полските служби ги проверуваат информациите

Полската новинска агенција побара коментар од Јацек Добжински, портпарол на координативниот министер за специјални служби. „Не коментирам медиумски извештаи на оваа тема. Сепак, можам да ве уверам дека полските служби не игнорираат никакви загрижувачки сигнали и дека пристапуваат кон сите информации за можни закани со должна сериозност и решителност“, рече Добжински.

Тој додаде дека специјалните служби генерално не зборуваат јавно за своите активности во раните фази од истрагата. „Вообичаено е разузнавачките служби насекаде во светот да не откриваат во оваа фаза дали презеле некакви чекори или какви точно се тие“, рече тој.

Полскиот министер за надворешни работи, Радослав Сикорски, исто така, се осврна на ситуацијата во Варшава во петокот. Тој рече дека секое предупредување за тероризам се сфаќа сериозно. „Ова се информации стари само неколку часа и ние сè уште ги проверуваме. Секако, ние сериозно го третираме секое предупредување за тероризам и го подложуваме на верификација“, рече Сикорски.

Тагови: белорусија Полска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Индонезија на нозе- спасени се 11 европски туристи од потонат брод, нема ни трага од капетанот

Индонезиски спасувачи денеска пронајдоа 11 преживеани европски туристи и еден член на екипажот откако нивниот глисер потона поради лоши временски услови во заливот Томини кај островот Сулавеси.

Индонезија на нозе- спасени се 11 европски туристи од потонат брод, нема ни трага од капетанот

Индонезиски спасувачи денеска пронајдоа 11 преживеани европски туристи и еден член на екипажот откако нивниот глисер потона поради лоши временски услови во заливот Томини кај островот Сулавеси, но потрагата по 29-годишниот капетан на бродот е во тек, соопштија официјални лица.

Глисерот испловил од нуркачкиот центар во регентството Тоџо Унаун кон пристаништето Мариса во соседната покраина Горонтало, но не пристигнал, што предизвикало потрага, објави АП.

Бродот превезувал пет холандски државјани, тројца Германци, по еден од Чешка, Белгија и Франција, како и двајца индонезиски членови на екипажот.

Според раководителот на канцеларијата за пребарување и спасување на покраината Горонтало, Херијанта, спасувачките екипи пребарувале површина од околу 300 квадратни наутички милји користејќи глисери, дрон со термичка камера и опрема за нуркање.

Преживеаните рекоа дека откако наишле на силна бура, глисерот се распаднал и потонал, а патниците се спасиле користејќи сплав за спасување, додека капетанот се изгубил во густата магла. Операцијата за пребарување на капетанот ќе продолжи во следните седум дена, соопштија индонезиските власти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Ужас на теренот: Фудбалерка со цела сила ја клоца противничката по глава (ВИДЕО)

Првиот натпревар од општинското првенство во футсал за жени во Еузебио, во бразилската држава Сеара, беше засенет од инцидент и голема толпа на теренот.

Ужас на теренот: Фудбалерка со цела сила ја клоца противничката по глава (ВИДЕО)

За време на натпреварот помеѓу екипите RDJ Sport и As Resenhas, според извештаите и снимките што кружат на социјалните мрежи, една фудбалерка направила сериозен прекршок што ја турнал противничката на теренот. После тоа, со силни удари со нога ја удира по главата.

Овој инцидент предизвикал жестоки реакции кај играчите и навивачите, а ситуацијата брзо ескалирала во општ конфликт меѓу двата тима. Судијата бил принуден привремено да го прекине натпреварот поради хаосот што настанал.

Сепак, натпреварот бил завршен, а тимот RDJ Sport победил со 1:0.

Организаторите на натпреварот, како и Секретаријатот за спорт на Еузебио, сè уште не коментирале за можни казни или дисциплински мерки по инцидентот, иако многу спортски фанови бараат најстроги санкции против оваа играчка.

Покрај тоа, се бара казна што оди подалеку од опсегот на спортот, имено истата фудбалерка да биде кривично одговорна за обид за нанесување сериозни телесни повреди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер