Регион

Анкета: Поскапувањето на цените најголем проблем за Грците

Високите цени, заедно со економијата, невработеноста, надворешната политика/војната и политичкиот систем се меѓу главните проблеми за граѓаните во Грција.

Поскапувањето на цените е најголемиот проблем за Грците, односно 44 од анкетираните во истражувањето на јавното мислење спроведено од агенцијата „Metron Analysis“ за грчката телевизија „Мега“, го избрале како главен проблем во земјата, јави дописничката на МИА од Атина.

Високите цени, заедно со економијата, невработеноста, надворешната политика/војната и политичкиот систем се меѓу главните проблеми за граѓаните во Грција, а над половина од анкетираните, односно 57 отсто сметаат дека земјата оди во погрешна насока.

На политичката сцена, Нова демократија и во убедливо водство со 30,5 отсто, ПАСОК и на оваа анкета е втора политичка сила во Грција, со 12,2 проценти, СИРИЗА паѓа на третата позиција со 10,2 отсто, а со само еден процент помалку, зад неа е Комунистичката партија.

Во однос на тоа кој е најсоодветен за премиер, актуелниот претседател на Владата на Грција, Кирјакос Мицотакис добива 41 отсто, а 31 процент од анкетираните одговориле „никој“ од понудените лидери на политичките партии.

Истражувањето на јавното мислење на агенцијата „Metron Analysis“ за грчката телевизија „Мега“ било спроведено од 22 до 28 ноември со анкетирани 1.303 лица со право на глас.

Македонија

Дизелот и Еуросупер БС 98 поевтинуваат за 0,5 денари

Новата цена на ЕУРОСУПЕР БС 98 ќе биде 89,50 денари за литар, ЕУРОДИЗЕЛ БС (Д-Е V) ќе се продава за 75,50, а Екстра лесното масло 1 (ЕЛ-1) за 75,50 денари.

Малопродажните цени на бензинот ЕУРОСУПЕР БС-98, на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1), од полноќ се намалуваат за 0,50 денaри по литар, а цената на бензинот ЕУРОСУПЕР БС-95 останува иста, соопшти денеска Регулаторната комисија за енергетика.

Новата цена на ЕУРОСУПЕР БС 98 ќе биде 89,50 денари за литар, ЕУРОДИЗЕЛ БС (Д-Е V) ќе се продава за 75,50, а Екстра лесното масло 1 (ЕЛ-1) за 75,50 денари.

За 2,107 денари поскапува Мазутот М-1 НС и еден килограм ќе лини 46,661 денари.

Свет

Си Џинпинг ќе ја посети Србија на 7 и 8 мај, претходно ќе престојува во Франција

Кинескиот претседател Си Џинпинг ќе престојува во официјална посета на Србија на 7 и 8 мај, а домаќин ќе биде српскиот претседател Александар Вучиќ.

„Вучиќ ќе биде домаќин на претседателот на Кина, кој ќе престојува во дводневна официјална посета на Србија“, соопшти прес-службата на претседателот на Србија.

Програмата и распоредот на посетата ќе бидат објавени подоцна.

Си Џинпинг во Србија ќе пристигне од Франција, каде ќе биде во државна посета.

„Посетата е по повод 60-годишнината од воспоставувањето дипломатски односи меѓу двете земји и по посетата на претседателот Макрон на Пекинг и Гуангжу во април 2023 година“, се вели во соопштението на француското претседателство.

„Разговорите ќе се фокусираат на меѓународните кризи, пред сè на војната во Украина и ситуацијата на Блискиот Исток, но и на трговските прашања, научната, културната и спортската соработка, како и на нашите заеднички активности за справување со глобалните предизвици - климатската вонредна состојба, заштитата на биолошката разновидност и финансиската состојба на најранливите земји“, додава претседателството.

Ова е почеток на првата европска турнеја на кинескиот претседател по пандемијата на Ковид-19. /МИА

Свет

Најмалку 22 лица загинаа во израелските напади врз Рафа

Најмалку 22 лица загинаа во израелските напади во текот на ноќта врз градот Рафа во јужниот дел на Газа, соопштија палестинските здравствени власти. Меѓу убиените има шест жени и пет деца.

Од почетокот на војната, Израел редовно ја изложува Рафа на воздушни напади и се заканува дека ќе испрати копнени трупи, тврдејќи дека тоа е последното упориште на Хамас во крајбрежната енклава.

Над еден милион Палестинци избегаа во Рафа, барајќи засолниште во градот, кој се протега на границата со Египет. САД и другите земји го повикаа Израел да не врши инвазија за да избегне хуманитарна катастрофа.

Американскиот државен секретар Ентони Блинкен денеска ја започна својата седма дипломатска мисија на Блискиот Исток од почетокот на војната меѓу Израел и Хамас, пред повеќе од шест месеци. /МИА

притисни ентер