Анкета: Над 60 отсто од Британците мислат дека Стармер не ги почитува - Канал 5

Свет

Анкета: Над 60 отсто од Британците мислат дека Стармер не ги почитува

Повеќе од три од петмина Британци сметаат дека премиерот Кир Стармер не ги почитува, покажува нова анкета.

Анкета: Над 60 отсто од Британците мислат дека Стармер не ги почитува

Иако додека беше во опозиција Стармер ја истакнуваше „почитта“ како клучен елемент во односот со граѓаните, новото истражување спроведено од групата More In Common и Policy Lab на Универзитетскиот колеџ во Лондон покажува дека 63 отсто од испитаниците сега сметаат дека тој не ги почитува, наспроти 32 отсто пред изборите во 2024 година, јави ДПА. Само 24 проценти сега мислат дека Стармер ги почитува, во споредба со 41 отсто пред изборите.

Анкетата укажува и дека чувството на непочитување од страна на политичките елити го поттикнува растот на поддршката за крајната десница, особено за партијата „Реформа на Велика Британија“ (Reform UK).

Дури 85 проценти од симпатизерите на Реформа рекле дека политичарите не го ценат нивниот придонес во општеството, а 86 отсто сметаат дека не ги почитуваат нивните вредности.

Иако лидерот на Реформа, Најџел Фараж, има подобар рејтинг во споредба со лидерите на Конзервативците и Лабуристите, 50 проценти од испитаниците сепак мислат дека и тој не ги почитува.

Стармер и лидерот на Конзервативната партија, Кеми Баденох, имаат најнизок рејтинг: само 24 отсто од анкетираните сметаат дека ги почитуваат граѓаните.

Истражувањето е објавено заедно со извештај кој анализира како се сменило јавното мислење по општите избори.

Иако Лабуристите се на власт, дури 77 отсто од испитаниците изјавиле дека сè уште мислат дека е време за промена, а најчест одговор на прашањето „што се смени откако Лабуристите дојдоа на власт“ бил: „ништо“.

Тагови: Анкета Стармер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тајфун ја погоди Кина: На повеќе од 870.000 им е наредено да се евакуираат (ВИДЕО)

Тајфунот Саудел двапати го погоди источниот брег на Кина во петок наутро. Властите евакуираа луѓе и ги запреа возовите и фериботите, објави Ројтерс.

Тајфун ја погоди Кина: На повеќе од 870.000 им е наредено да се евакуираат (ВИДЕО)

Тајфунот го погоди градот Таиџоу околу 8 часот наутро по локално време и градот Венџоу еден час подоцна. Ова е трет тајфун што ја погодува покраината Жеџијанг оваа година.

Саудел ќе донесе обилни дождови во Жеџијанг и Фуџијан, покраина на југоисточниот брег, со можност за локални поројни дождови, соопшти кинеската државна новинска агенција Ксинхуа. Додека тајфунот се движи кон внатрешноста, може да донесе обилни дождови во други региони на покраината, вклучувајќи ги Хубеи, Гуангси и Јунан.

Владата на Венџоу нареди евакуација на повеќе од 820.000 луѓе, додека властите во Таиџоу суспендираа осум линии за патнички фериботи и идентификуваа 52.000 луѓе кои треба да бидат евакуирани, објави државниот радиодифузер „CCTV“.

Железничкиот оператор „China Railway Shanghai Group“ привремено ги суспендираше некои услуги на неколку линии во Жеџијанг од четврток до петок, според „CCTV“.

Фуџијан во четврток започна итни мерки против тајфунот. Проектите по должината на брегот се суспендирани, а 57 патнички фериботски линии се затворени.

Извор: Б92

Тагови: Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Македонија вечерва осум активни пожари

Во Македонија до 18 часот се регистрани осум активни пожари, информираат од ЦУК. Во општина Сарај гори во селото Копаница, каде што е зафатена ниска вегетација.

Во Македонија вечерва осум активни пожари

Пожар е активен и на подрачјето меѓу селото Трново во општина Гостивар и селата Битово, Заград и Страјане во општина Македонски Брод, каде што гори нискостеблеста шума, ниска вегетација, пасишта и папрат. Во општина Чашка активен е пожарот над селото Нежилово, во месноста Сватови, каде што гори ниска вегетација и поединечни дрвја. Пожар има и во селото Копанце во општина Јегуновце, каде што е зафатена мешана шума. Во прилеп активни се три пожари – над касарната, кај старите гробишта, како и во селото Црнилиште.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ на сите верници им го честита христијанскиот празник Успение на Пресвета Богородица

ВМРО-ДПМНЕ им го честита големиот христијански празник Успение на Пресвета Богородица на сите православни верници.

ВМРО-ДПМНЕ на сите верници им го честита христијанскиот празник Успение на Пресвета Богородица

Успението на Пресвета Богородица е празник на верата, надежта, љубовта и семејството. Мајката Божја е вечен пример за скромност, трпеливост, пожртвуваност и човечност - вредности кои не потсетуваат дека силата на едно општество се темели на почитта, солидарноста и грижата за ближниот.

Семејството, традицијата, верата и солидарноста се темелите врз кои градиме силна, достоинствена и просперитетна Македонија. Токму овие вредности не обединуваат и ни даваат сила со заедништво и одговорност да чекориме кон подобра иднина.

Нека овој голем празник донесе мир во домовите, спокој во срцата, здравје и благосостојба, и нека нe обедини во заедништво, почит и љубов кон семејството и татковината.

Нека ни е честит и вековит празникот Успение на Пресвета Богородица!

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер