Анкета на независниот центар „Левада“ : Мнозинството Руси имаат чувство дека се опкружени со непријатели - Канал 5

Живот

Анкета на независниот центар „Левада“ : Мнозинството Руси имаат чувство дека се опкружени со непријатели

Мнозинството Руси сметаат дека се опкружени со непријателски странски сили, додека сопствената земја ја доживуваат како жртва, покажува неодамнешната анкета на независниот центар „Левада“ од Москва, јавува ДПА.

Анкета на независниот центар „Левада“ : Мнозинството Руси имаат чувство дека се опкружени со непријатели

Ваквата перцепција е резултат на немилосрдна антизападна пропаганда, смета рускиот социолог Лев Гудков, презентирајќи ги вчера наодите во Берлин.

Во име на германската фондација „Сахаров“, центарот ги испита ставовите на Русите по речиси четири години војна во Украина.

Овој центар во Русија е класифициран како „странски агент“, појаснува германската агенција.

Во изминатите повеќе од 30 години од распадот на Советскиот Сојуз, Русија имаше само шест години без војна, рече Гудков, зборувајќи за „милитаризацијата на свеста“.

Меѓу повеќе од 1.600 испитаници, 62 отсто ги опишаа Полска и Литванија како непријателски земји, по што следат Обединетото Кралство (57 отсто), Германија (50 отсто) и Шведска (40 отсто). Во меѓувреме, Русите САД претежно ги сметаат за конкурент, а не за непријател (53 отсто).

Замолени да набројат пет пријателски земји, испитаниците најчесто ги наведуваат Белорусија, Кина, Казахстан, Индија и Северна Кореја. Со исклучок на Индија, остантите четири земји се сметаат за репресивни или авторитарни држави, појаснува ДПА.

Сликата за САД меѓу Русите во текот на децениите се менуваше во зависност од тоа кој е на чело на администрацијата во Вашингтон. Имено, таа слика беше драстично влошена под лидерстовото на поранешниот американски претседател Џо Бајден поради поддршката на САД за Украина, рече Гудков, но се подобри кога Доналд Трамп ја презеде функцијата, зголемувајќи ги надежите за брз крај на војната, пренесе ДПА.

Тагови: русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Лишен од слобода Александар Лазаров- Цуната кој избега од Полициска станица во Кочани

На 14.07.2026 по добиени оперативни информации за лице за кое од страна на МВР е распишана централна и меѓународна потерница, од страна на полициски службеници од СВР Скопје-Потраги од слобода е лишен Александар Лазаров (41) од Кочани.

МВР: Лишен од слобода Александар Лазаров- Цуната кој избега од Полициска станица во Кочани

За Александар Лазаров беше распишана потерница по барање на Основен суд Кочани осомничен за сторено кривично дело по член 215 став 1 од Кривичниот законик. Лицето е спроведено во Полициска станица Кисела Вода за понатамошна постапка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Потврден е идентитетот на жртвите од пожарот во Шпанија; повеќето се странци.

Шпанските власти по обдукциите потврдија дека дванаесет од тринаесетте жртви на смртоносниот шумски пожар што ја зафати Андалузија биле странски државјани.

Потврден е идентитетот на жртвите од пожарот во Шпанија; повеќето се странци.

Пожарот избувна минатиот четврток војугоисточна покраина Алмерија, област популарна кај странските жители по должината на медитеранскиот брег, објави „Еуроњуз“.

Официјалното соопштение укажува дека седум жртви биле од Обединетото Кралство, три од Белгија и по една од Франција и САД. Последната, тринаесетта жртва била шпански државјанин. „Тринаесетте починати вклучуваат осум жени и пет мажи, сите возрасни“, додаде телото одговорно за идентификација.

Во меѓувреме, Интегрираниот центар за податоци (CID) објави дека бројот на случаи на исчезнати лица се зголемил на десет по новиот извештај за две лица. Пожар уништи седум квадратни километри Пожарот, разгорен од силни ветрови, се запалил кога далновод паднал на патот.

Пламените јазици проголтале шуми и вегетација - кои се претвориле во суво гориво поради екстремно високите температури - оставајќи ги живописните рурални населби опустошени. Површина од приближно седум квадратни километри изгоре во пожарот, еден од најсмртоносните во Шпанија во последните години.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седница за опозициски прашања во Собранието

Собранието денеска ќе ја одржи 111. седница, на чиј дневен ред се вкупно 22 точки, меѓу кои и Законот за изменување на Законот за аудио и аудиовизуелни медиумски услуги во трето читање.

Седница за опозициски прашања во Собранието

На денешната собраниска седница, на дневен ред се и опозициските пратенички прашања.

Пред пратениците се и Законот за изменување на Законот за Царинската тарифа, во трето читање, Предлог на законот за соодветна и правична застапеност во второ читање, Предлог на законот за високото образование, Предлог на законот за изменување и дополнување на Законот за државните награди, Предлог на законот за обезбедување на квалитет во високото образование и науката, Предлог на законот за научноистражувачката дејност, сите во прво читање, Предлог на законот за изменување и дополнување на Законот за студентскиот стандард и Националната стратегија за спречување на корупцијата и судирот на интереси 2026-2030 година, Предлог на закон за изменување на Законот за супервизија на осигурување, и двата по скратена постапка, Предлогот на завршна сметка на Буџетот на Република Македонија за 2025 година.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер