Анкета на ИДУЕП: 46,5% од младите не веруваат дека Македонија ќе стане членка на ЕУ - Канал 5

Македонија

Анкета на ИДУЕП: 46,5% од младите не веруваат дека Македонија ќе стане членка на ЕУ

Над 40 проценти од младите гледаат позитивно на Европската Унија, но немаат верба во брза интеграција на земјава – покажува анкетата на Институтот за добро управивање и евроатлантски перспективи. 

Анкета на ИДУЕП: 46,5% од младите не веруваат дека Македонија ќе стане членка на ЕУ

Според податоците, речиси 36 проценти од испитаниците сметаат дека македонската евроинтеграција ќе се случи, но дека тоа ќе биде во подалечна иднина. Интересно е тоа што младите како најголема пречка на евроинтегративниот пат на земјава ја посочиле корупцијата, дури 85 проценти наспроти 61 процент кои најголема кочница гледаат во билатералните спорови. Речиси ист е процентот на испитаници кои сметаат дека ниската доверба во институциите е еден од најголемите проблеми за членство на Македонија во унијата. Според комуникологот Бојан Кордалов, за младите најголем проблем во државава е политизацијата.

-Најслаба е довербата во сопствената земја и тоа е навистина проблем и јас го гледам во политизацијата. Неопходно е обединување на сите сили на овој пат во земјата.Потрагата по ЕУ значи потрага по квалитетно здравство, потрага по квалитетно образование, значи немање корупцисики скандали. И секој наш граѓанин тоа го бара и токму тоа го очекува. Затоа ако престанеме со политизација и се фокусираме на стандарди, на подобрување на квалитет на живот, навистина ќе можеме да ја подобриме ситуацијата,- комуниколог Бојан Кордалов.

Младите кои биле дел од анкетата на прашањето за тоа која земја од Западен Балкан може да стане членка на ЕУ во следните пет години, над половина одговорите дека тоа ќе биде Албанија, речиси 35 проценти се изјасниле за Црна Гора, а 8 проценти мислат дека тоа ќе биде Македонија. Ова според Кордалов е показател дека младите се запознаени со европските процеси и состојбите, но и со она што го нуди унијата.

-Прво мислам дека младите покажуваат преку оваа анализа за состојбите и дека имаат многу позитивен став кон евроинтеграцијата и програмите коишто ЕУ ги нуди и тоа недвосмислено преку повеќе прашања се поставува.Довербата дека токму Албанија и ЦГ ќе бидат најскорешните членки на унијата според перцепцијата на младите е доказ колку се тие информирани и колку ги следат медиумските, информациите на соц. Медиуми и другите канали,- ,- комуниколог Бојан Кордалов.

Според податоците од анкетата, најголем процент, над половина од испитаниците се доволно запознаени со вредностите и политиките на ЕУ, додека пак речиси ист е процентот на оние кои се многу или малку запознаени за истото прашање. Незначително низок процент од 3.5 проценти од испитаниците рекле дека се тотално незапознаени со вредностите на унијата.

Анкетата е спроведена со 1000 млади лица во земјава на крајот на јуни годинава, спроведено од страна на Институтот за добро управивање и евроатлантски перспективи Скопје, Европскиот Центар за Изворендност Брисел и германската Фондација за Слобода „Фридрих Науман“ во соработка со младинската платформа „Студентарија“ во земјава.

YouTube video

Тагови: млади луѓе ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер