Анкета: Мишел Обама има поголеми шанси од Бајден да го победи Трамп на изборите - Канал 5

Анкета: Мишел Обама има поголеми шанси од Бајден да го победи Трамп на изборите

Во случај Џо Бајден да се откаже од претседателската кандидатура по лошиот настап на минатонеделната дебата со Доналд Трамп, поранешната прва дама Мишел Обама е единствената можност за демократите која според анкетите би го победила Трамп.

Анкета: Мишел Обама има поголеми шанси од Бајден да го победи Трамп на изборите

Во случај Џо Бајден да се откаже од претседателската кандидатура по лошиот настап на минатонеделната дебата со Доналд Трамп, поранешната прва дама Мишел Обама е единствената можност за демократите која според анкетите би го победила Трамп, покажува истражувањето на „Ипсос“.

Мишел Обама, исто така, се наоѓа на врвот на листата на популарност меѓу регистрираните гласачи, додека Трамп и Бајден заостануваат зад неа за повеќе од 10 процентни поени. На прашањето дали Трамп или Бајден треба да се повлечат од кандидатурата по дебатата, речиси тројца од петмина испитаници се согласуваат дека Бајден треба да се повлече, а нешто помалку од половина го кажале истото за Трамп.

Трамп и Бајден остануваат изедначени меѓу регистрираните гласачи за претседателските избори во ноември. Во други хипотетички дуели меѓу демократите и Трамп, само Мишел Обама има предност пред Трамп меѓу регистрираните гласачи.

На прашањето за кого би гласале на претседателските избори во ноември, 40 отсто од регистрираните гласачи би гласале за Бајден, а 40 отсто за Трамп. Овој однос е постојан од крајот на мај 2024 година, кога 41 процент биле за Бајден, а 39 отсто за Трамп.

На прашањето за можни кандидати на демократите против Трамп, 50 проценти од регистрираните гласачи велат дека би гласале за Мишел Обама.

Сите други можни демократски кандидати имаат слични или полоши резултати од Бајден против Трамп. Потпретседателката Камала Харис би освоила 42 проценти од регистрираните гласачи наспроти 43 отсто за Трамп. Гувернерот на Калифорнија, Гавин Њусом, би освоил 39 проценти од регистрираните гласачи наспроти 42 отсто за Трамп. Сите останати демократски кандидати имаат помеѓу 34 отсто и 39 отсто потенцијални гласови меѓу регистрираните гласачи.

Мишел Обама е единствената од сите понудени кандидати во анкетата која ужива позитивно мислење од повеќе од половината испитаници. За 55 отсто од испитаниците Обама е позитивна политичарка.

Сепак, треба да се напомене дека поранешната прва дама неколкупати јасно изјавила дека нема намера да се кандидира на изборите, а претходно ја нарече работата на претседателот стресна и исцрпувачка, нешто што „не би сакала да си го дозволи“. Во меѓувреме, Белата куќа исклучи каква и да е можност за Бајден да се повлече од изборната трка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мајка пријавила дека две малолетнички ја нападнале и ја гореле со цигара нејзината ќерка во Кавадарци

Мајка од Кавадарци пријавила во полиција дека две малолетнички ја нападнале нејзината малолетна ќерка на улицата „Сремски фронт“.

Мајка пријавила дека две малолетнички ја нападнале и ја гореле со цигара нејзината ќерка во Кавадарци

Според пријавата, едната ја држела, а другата ја горела со цигара, соопшти СВР Велес.

Според полицијата, нападот бил пријавен на 18 ноември во 22:30 часот во одделението за внатрешни работи во кавадарци, а се случил два дена претходно, на 16 ноември.

За случајот се известени јавен обвинител и центарот за социјални работи во Кавадарци. полицијата презема мерки за расчистување на случајот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Путин пред медиумите за средбата со Трамп и Си

Претседателот на Русија, Владимир Путин им се обрати на медиумите по трилатералната средба со американскиот претседател Доналд Трамп и кинескиот претседател Си Џинпинг.

Путин пред медиумите за средбата со Трамп и Си

Рускиот лидер истакна дека би сакал трилатералните средби со лидерите на Кина и на Соединетите Држави да продолжат, оценувајќи ја денешната средба како нова страница во историјата. Тој исто така рече дека трилатералната средба, одржана во Шенжен на маргините на самитот на АПЕК, била многу корисна, а дискусијата – слободна и искрена.

По протоколарниот дел од трилатералната средба започна слободна размена на мислења, изјави Путин, додавајќи дека со лидерите на САД и на Кина, Трамп и Си, разговарал и за можната реформа на Обединетите нации.

Путин се осврна и на внатрешнополитичката ситуација во Соединетите Држави, наведувајќи дека таа е сложена, со многубројни противтежи и механизми за одржување на рамнотежата на политичката моќ. На средбата, исто така, се разговараше за прашања поврзани со обезбедувањето слободна пловидба, рече Путин.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Компани се враќа на клупата на Баерн: Се чувствувам добро

Белгискиот тренер Винсент Компани се враќа на клупата на европскиот фудбалски гигант Баерн Минхен по едномесечно отсуство поради здравствени проблеми. 

Компани се враќа на клупата на Баерн: Се чувствувам добро

Белгиецот изјави дека се чувствува добро.

„Беше многу интензивно. Во тој момент, тоа беше ново искуство. Кога ќе погледнам наназад, сè помина совршено. Добив поддршка и од клубот и од лекарите. Многу сум благодарен. Се обидувате брзо да пронајдете внатрешен мир и да ги чекате резултатите. Тоа беше позитивен процес; сите тестови покажаа добри резултати. Морам да кажам дека сум во многу добра здравствена состојба – направивме многу прегледи и сè беше во ред. Сега повторно се чувствувам одлично и пресреќен сум што сум повторно со тимот“, изјави Компани за веб-страницата на клубот.

Во петок, Компани ќе го предводи Баерн на натпреварот од 10. коло во Бундеслигата против Келн. Минатиот месец, за време на еден тренинг, Компани имаше здравствен проблем поради кој пет дена помина во болница. Тој се лекуваше од иритација на мозочните обвивки – воспаление на ткивото што ги опкружува мозокот и 'рбетниот мозок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер