Ангелов - Арафат: Романија ќе ги сподели своите искуства од реформите на системот за управување со кризи - Канал 5

Македонија

Ангелов - Арафат: Романија ќе ги сподели своите искуства од реформите на системот за управување со кризи

Директорот на Дирекцијата за заштита и спасување (ДЗС), Стојанче Ангелов, во рамките на работната посета на Романија,  оствари билатерална средба со Рајед Арафат, државен секретар во Министерството за внатрешни работи на Романија.

Ангелов - Арафат: Романија ќе ги сподели своите искуства од реформите на системот за управување со кризи

Директорот на Дирекцијата за заштита и спасување (ДЗС), Стојанче Ангелов, во рамките на работната посета на Романија, оствари билатерална средба со Рајед Арафат, државен секретар во Министерството за внатрешни работи на Романија, кој раководи со Одделот за вонредни состојби, каде што се координираат сите итни служби, вклучувајќи противпожарна и цивилна заштита, итна медицинска помош, спасување од урнатини, од поплави и слично.

Како што соопштија од Дирекцијата за заштита и спасување, на средбата се разменија мислења за досегашната взаемна соработка, за актуелните состојби со заштитата и спасувањето, со акцент на пожарите, како и за реформите на системите за справување со итните ситуации.

-Стојанче Ангелов го запозна неговиот колега со најновите случувања во таа насока кај нас во системот за управување со кризи и изрази задоволство што Романија стои на располагање да помогне споделувајќи ги своите искуства од реформите на нивниот систем за управување со итни ситуации, што бележи значителен развој. Истовремено, Ангелов го покани Арафат на средба во Скопје, што со задоволство беше прифатено, стои во соопштението.

Средбата се додава, се заокружи со заеднички предлог за размена на нацрт содржина за Меморандум за соработка со чие потпишување ќе се доуреди и унапреди натамошната билатерална соработка во доменот на цивилната заштита меѓу двете институции. Романија останува наш докажан партнер кој секогаш помага, несебично ставајќи ги своите капацитети на располагање, се наведува во соопштението.

Тагови: стојанче ангелов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби  околу тендер за чистење на граничните премини и терминалите, во периодот од јули 2023 до март 2024 година.

Кривичниот суд одреди 30 дена притвор за Стефан Богоев и други три лица

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ: „Не ме исплашија ниту ме фасцинираат заканите“

Претседателот на Република Србија, Александар Вучиќ, изјави дека не се плаши од закани и дека е целосно посветен на напредокот на земјата и подобар живот за нејзините граѓани.

Вучиќ: „Не ме исплашија ниту ме фасцинираат заканите“

„Скинете му ја главата на Вучиќ - ниту се плашам ниту ме фасцинираат заканите. Единственото нешто што ме интересира е како нашите луѓе живеат подобро и како Србија може да биде уште поуспешна“, рече Вучиќ.

Вака реагира претседателот на Србија, Вучиќ на предупрадувањето да не патуват на самитот во Тиван во Црна Гора од српската безбедносна агенција БИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер.

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер, односно група преговарачки поглавја за пристапување на Украина во Европската унија.

Договорот претставува потенцијален пробив во долготрајниот спор околу правата на малцинствата, кој ги затегна односите меѓу Будимпешта и Киев и ја комплицира поддршката за пристапувањето на Украина во ЕУ.

„Постигнавме напредок во разговорите со Украина за јазичните, културните и образовните права на етничкото унгарско малцинство“, напиша Маѓар на фејсбук.

Во вторникот тој рече дека е подготвен да се сретне со украинскиот претседател Зеленски следната недела за да отвори ново поглавје во односите, доколку се постигне договор за правата на малцинствата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер