Андрулакис: Победа на ПАСОК и пораз на Нова демократија значи промена за Грција - Канал 5

Балкан

Андрулакис: Победа на ПАСОК и пораз на Нова демократија значи промена за Грција

Политичката промена за Грција поминува преку пораз на денешната Влада, преку пораз на Нова демократија. Победа на ПАСОК и пораз на Нова демократија значи промена за земјата.

Андрулакис: Победа на ПАСОК и пораз на Нова демократија значи промена за Грција

Политичката промена за Грција поминува преку пораз на денешната Влада, преку пораз на Нова демократија. Победа на ПАСОК и пораз на Нова демократија значи промена за земјата, нагласи лидерот на грчката опозициска партија ПАСОК Никос Андрулакис за време на прес-конференцијата на Меѓународниот саем во Солун.

Андрулакис го повтори она што го порача синоќа за време на говорот на саемот дека на земјата ѝ е потребна политичка промена, истакнувајќи дека оваа промена повинува преку ПАСОК затоа што „партијата има конкретна програма, за јавното образование, за јавното здравство“, но и нагласи дека е време „Нова демократија да биде поразена и да замине во опозиција“.

- Победа на ПАСОК на изборите значи политичка промена. Победа на ПАСОК, дури и еден глас повеќе да имаме од Нова демократија, значи дека ќе можеме да направиме нешто поинаку. Победа на ПАСОК значи победа за вас. Не можеме да продолжиме по истиот пат. Размислете што ќе значи за земјата еден трет четиригодишен мандат на Мицотакис со нивната досегашна политика. Да дејствуваме пред да биде доцна. Нема време за губење, следните избори се критични за земјата. Ова го велам за оние кои се разочарани и одбираат да не гласаат. Верувајте му нашиот план, порача Андрулакис.

Објасни дека потребна е промена на начинот на кој функционира државата, да се зајакнат институциите, бидејќи „јадрото на промените започнува од самата држава“.

Нагласи дека програмата на ПАСОК е подготвена од членовите на партијата, а тој лично, како што истакна „нема спонзори и не претставува ничии интереси“.

За мигрантското прашање објасни дека грчкиот народ има две искуства, едно од претходната Влада на СИРИЗА, другото од сегашната.

Едното, рече дека е по логиката „кој сака да дојде, нека дојде“, другата е на актуелниот министер за миграција и азил кој воведе строги мерки.

- Ние не треба да избереме меѓу „морето нема граници“ или Плеврис. Има и трета опција. Легални мигранти и легална миграција да може да има интеграција на овие луѓе. Грчкиот народ сака нормална миграција, ниту она што се случи во 2015, ниту сега. Ние велиме златна средина, да се реши проблемот со севкупна мигрантска политика. За ова потребна е инвестиција во билатерални договори, посочи Андрулакис.

Во надворешната политика нагласи дека Грција треба да биде протагонист и на Балканот и на Блискиот Исток, додека пак за грчко-израелските односи рече дека „стратешкиот однос со Израел не значи и соучество“, објаснувајќи дека израелскиот премиер Нетанјаху треба да одговара пред Меѓународниот суд во Хаг и рече дека со формирање Палестинска држава ќе се ограничи национализмот.

Одговарајќи на новинарско прашање за ЕУ перспективата на Западен Балкан и на Албанија, како што објави МИА Андрулакис посочи дека на Европа ѝ е потребно проширувањето, особено во моменталната геополитичка средина но земјите кандидатки треба да ги исполнат поставените услови.

Прес-конференцијата на лидерот на ПАСОК траеше нешто помалку од три часа, а Андрулакис одговори на околу 40 прашања поврзани со актуелни теми.

Тагови: грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Запросување на врвот на Емпаер Стејт Билдинг (ВИДЕО)

Една смела двојка се искачи на врвот на зградата „Емпаер стејт билдинг“ и развиори транспарент на врвот од нејзината кула во среда попладне.

Запросување на врвот на Емпаер Стејт Билдинг (ВИДЕО)

Анџела Николау и Иван Беркус, кои стекнаа онлајн следбеници поради нивните искачувања на облакодери низ целиот свет што, останаа на врвот на облакодерот неколку минути додека камерите го снимаа настанот пред да се спуштат, изјавија полициски извори за „ABC News“.

Потоа, како што изгледа, Биркус ѝ предложил брак на својата долгогодишна девојка пред да бидат приведени.

Црниот транспарент се повикува на цитат од Џими Хендрикс и со бели букви пишувало: „Кога моќта на љубовта ја победува љубовта кон моќта, светот го познава мирот“.

Испратен е хеликоптер од њујоршката полиција, а платформата за набљудување на зградата била испразнета од посетители кога пристигнала полицијата.

Извор: ABCnews

Тагови: Емпаер Стејт Билдинг запросување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

Лимонада како од старите слаткарници: Тајната е во еден чекор што го прави вкусот побогат

Овој рецепт е брз за подготовка, лесен за прилагодување на вашиот вкус и идеален за летните денови кога бараме природно освежување без газирани пијалоци.

Лимонада како од старите слаткарници: Тајната е во еден чекор што го прави вкусот побогат

Малку пијалоци потсетуваат на лето како добра ладена лимонада. Сепак, многу луѓе забележуваат дека лимонадата што ја пијат во слаткарница или кафуле има пополн вкус од онаа што ја подготвуваат дома, иако е направена само со неколку состојки.

Причината не е во скапите состојки или посебен вид лимон, туку во начинот на подготовка. Класичните слаткарници го користат истиот трик со децении - прво подготвуваат шеќерен сируп, кој потоа се комбинира со свежо исцеден сок од лимон.

На овој начин, шеќерот се раствора целосно, а вкусот станува освежителен и пријатно избалансиран, без кристали што остануваат на дното на чашата.

Зошто е важен шеќерниот сируп?

Многу луѓе едноставно ставаат шеќер во ладна вода дома, но тој често не се раствора целосно. Затоа професионалните слаткари прво готват едноставен шеќерен сируп.

Сирупот рамномерно го засладува пијалокот, ја нагласува аромата на лимон и ѝ дава на лимонадата карактеристичен, полн вкус што го паметиме од детството.

По желба, количината на шеќер може да се намали или зголеми, во зависност од тоа колку слатка сакате лимонада да биде.

Состојки:

• 1 чаша свежо исцеден сок од лимон (околу 4-6 лимони)

• 1 чаша шеќер

• 6 чаши ладна вода

• 1/2 чаша вода за подготовка на сирупот

• мраз по желба

• парчиња лимон за сервирање

• свежи листови од нане по желба

Подготовка:

Во мало тенџере, измешајте го шеќерот и половина чаша вода. Загрејте на средна температура, мешајќи додека шеќерот целосно не се раствори и не добиете бистар сируп. Оставете целосно да се олади.

Во меѓувреме, исцедете го лимонот и процедете го сокот за да ги отстраните семките и вишокот пулпа.

Истурете ладна вода во голем бокал, додадете сок од лимон и изладен шеќерен сируп. Добро промешајте за да се соединат сите состојки.

По желба, оставете ја лимонадата дополнително да се олади во фрижидер.

Како да ја сервирате?

Наполнете ги чашите со мраз, сипете ја лимонадата, а потоа додадете парче лимон и неколку свежи листови од нане.

Доколку сакате уште поинтензивен вкус, можете да додадете неколку тенки парчиња лимон директно во бокалот и да го оставите да отстои околу десет минути пред сервирање.

Лимонадата подготвена на овој начин е идеална за летни денови, семејни собири, скари или едноставно како природно освежување за време на жешкото време.

Извор: Б92

Тагови: Лимонада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лампард останува во Ковентри

Менаџерот на Англија, Френк Лампард, го продолжи договорот со Ковентри до 2029 година, соопшти клубот.

Лампард останува во Ковентри

Лампард е на чело на Ковентри од ноември 2024 година, а минатата сезона го водеше клубот во Премиер лигата за прв пат по 25 години.

„Воодушевен сум што потпишав нов договор, вистинска чест е да го претставувам овој клуб. Уживавме по неверојатниот напор и освојувањето на Чемпионшипот. Сега треба да се одмориме, а потоа добро да се подготвиме за следната сезона каде што ги знаеме целите. Има многу работа на и надвор од теренот. Едвај чекам повторно да ги видам играчите и да работам со нив“, рече Лампард.

Ковентри ќе биде домаќин на Арсенал во првото коло од Премиер лигата на 21 август.

Извор: Б92

Тагови: ЛАМПАРД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер