Македонија

Андов за „Канал 5“: Заев и Бучковски сега да не одат во Бугарија, „умилкувања“ не помагаат

Како понатаму по второто вето од Бугарија за старт на преговорите со ЕУ? Поранашниот претседател на собранието Стојан Андов за Канал 5 вели дека македонската влада нема што да бара во Софија додека не се формира Влада со јасен политички мандат.

Во овој период никој од македонската Влада не треба да оди на разговори во Софија, прво треба да причекаме да поминат изборите во Бугарија на 11 јули, вели во разговор за Канал 5 поранешниот претседател на Собранието и искусен политичар, Стојан Андов. Според него бугарските политичари сега се преокупирани со добивање гласови, а не со искрени средби.

„ Прво треба да причекаме да пројдат изборите во Бугарија. Сите заедно било кој од нив, сигурно се убедени дека ако седнат да разговараат искрено и отворено како што личи, тогаш ќе изгубат на изборите. Тоа им е основа како да дојдат до власта. Како што гледате освен ова прашање, нема некое друго, за кое тие можат да се надеваат оти ќе им помогне за изборите. Затоа што во сите тамошни политичари граѓаните се сомневаат за криминал и криминални намери. Затоа мислам дека во такви услови не требаше да се оди таму, ниту да се разговара, вели поранешниот собраниски спикер за Канал 5.

Андов не полага многу надежи во словенечкото претседателство за решавање на спорот со Бугарија. Вина гледа и во самата ЕУ што не успева да ги спречи Бугарите да не блокираат со ирационални барања.

„ На еден народ да му се одрекува право на свој јазик да има и тој јазик задолжително да бил напишан како варијанта на бугарскиот тоа се невозможни работи во светот. Безнадежна е оваа позиција и на ЕУ. Таква толеранција кон Бугарите, да не се во состојба да им објаснат дека тоа е невозможно и е против основата на посетоење на ЕУ. И затоа сега секој претседавач со ЕУ му треба активност, па и на португалскиот, и се обидоа нешто да направат. Сигурно имале добра намера, но што можат да направат со Бугарите..., вели Андов.

На прашањето што доколку спорот со источниот сосед потрае, а во ЕУ нема расположение за проширување, Андов дециден дека не треба да ги прифаќаме бугарските барања по ниедна цена, туку да се фокусираме на работа на домашните задачи.

„ Енергично треба да одбиеме се во врска со бугарските барања. Се да се одбие, ништо да не се прифати. А да се бориме ние за принципите, деловното работење и унапредување на човековите права да ги средиме како што се во ЕУ. Тоа е патот наш, смета тој.

Друга алтернатива освен ЕУ нема, одговара поранешниот собраниски спикер, но ја поддржува идејата за продлабочување на стратешкиот договор со САД, додека сме во европската чекална.

„ Ние имаме многу добар договор стратешки со Америка, да видиме дали тоа може да се доработи. Инаку не гледам алтернатива. Ние сме во ЕУ. Преку нас поминуваат сите членки на ЕУ. Во Грција сите што одат поминуваат преку нашата земјаи гледаат што се случува овде. Така да не треба многу да се загрижуваме, можеме да си живееме многу добро.

Сега најважно е да покажеме дека сме подготвени да работиме на тоа што го сакаме, но со јасни црвени линии, заклучува Андов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Полицијата се уште работи на расчистување на нападот на гинекологот Огненовиќ

И по една недела од физичкиот напад вра гинекологот Дејан Огненовиќ нема никаква реакција до јавното обвинителство кон човекот кој го нападнал и му нанаел тешки телесни повреди на Огненовиќ.

Од обвинителството објаснуваат дека МВР се уште не поднело пријава. Од СВР Скопје објаснуваат дека превземаат мерки и активности за целосно расчистување и документирање на случајот ќе биде поднесена соодветна кривична пријава. Гинекологот Огненовиќ објаснува дека неколку пати реагирал до полиција и дал изјави за нападат но досега нема се уште ништо.

Инцидентот се случил на 16 септември, најпрво напаѓачот го нападнал вербално дека Огненовиќ крадел пациенти, а потоа бил удиран по вратот. Исто така имало реакција дека во ходникот има камери, а за тоа била известена и управата на поликлиниката Букурешт.

Засега од МВР не соопштуваат колку лица биле повикани на разговор во полиција и кога ќе биде поднесена пријавата против напаѓачот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Божиновска ќе го тужи СДСМ за поврзувањето со Руднап и набавката на броила на ЕВН

Од политички обвинувања – до најава за судска пресметка.

Министерката за енергетика Сања Божиновска најави дека ќе поднесе тужба против СДСМ, откако партијата го одби нејзиното барање за извинување за тврдењата околу нејзината наводна поврзаност со компанијата Руднап, кои ги објавија на прес конференција пред 2 дена.

Тврди дека повеќе од 12 години нема никаква деловна ниту приватна релација со фирмата, ниту пак има поврзаност со набавката на ЕВН со која ја поврзува опозициската партија.

-„СДСМ свесно пласира невистини и измислени конструкции за наводна моја вмешаност во деловни зделки, без да понуди ниту еден факт што би ги поткрепил таквите тврдења. Ова не е аргумент, туку обид за политичка дискредитација. Политичката борба не е и не може да биде алиби за клеветење, манипулирање со јавноста и нарушување на личниот и професионалниот углед.“ – стои во демантот на Божиновска.

Од СДСМ, пак, велат – нема ниту повлекување, ниту извинување. Лидерот на партијата, Филипче, уверува дека зад нивните обвинувања стојат документи и податоци од јавни регистри.

,,Нема извинување ние факти и податоци кажуваме. Ги има во централните регистри на сите земји во сите фирми, така да нема бегање од овие работи,извинување нема, ќе има одговорност“ – СДСМ

На прес конференцијата пред 2 дена, СДСМ објави дека ЕВН на 11 август склучила договор за набавка на броила за струја, вредни 13,2 милиони евра со српска фирма поврзана со Руднап, каде, како објавија Божиновска во периодот 2011–2014 била извршен директор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сулејмани и Ерсој во Анкара: Нови можности за соработка во културата и туризмот

Во рамките на официјалната посета на Анкара, денеска министерот за култура и туризам Седат Сулејмани оствари средба со својот турски колега, министерот за култура и туризам на Република Турција, Мехмет Нури Ерсој.

Средбата помина во исклучително срдечна и пријателска атмосфера. Двајцата соговорници разговараа за билатералните односи меѓу Македонија и Турција, како и за потенцијалите за нивно понатамошно продлабочување, особено во областите на културата и туризмот.

Министрите ги разменија своите согледувања и планови во врска со делувањето на Културно-информативните центри во Скопје и Истанбул, актуелните проекти, меѓу кои и изградбата на Турскиот театар во нашата држава, како и активностите насочени кон интензивирање на туристичката промоција. Разгледани беа иницијативите што во иднина се очекува да претставуваат силен поттик за развој на врските меѓу двете земји.

На средбата беше истакната и успешната соработка со Турската агенција за соработка и координација (ТИКА), преку која во изминатите години се реализирани бројни проекти за непосредна заштита на објекти од културното наследство од османлискиот период. Потврдено е дека во наредниот период ќе се обезбеди поддршка од ТИКА за заштита на уште неколку објекти.

Двете држави имаат одлична соработка и во рамките на УНЕСКО, што беше подвлечено со мултинационалните апликации за впишување на две добра на Репрезентативната листа на УНЕСКО за заштита на нематеријалното културно наследство.

Во рамките на официјалната посета министерот Сулејмани го посети Анатолискиот музеј на цивилизациите и оствари средби со личности од јавниот и политичкиот живот во Република Турција, соопштуваат опд Министерството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.