Андоновски: Македонија до декември ќе ги исполни условите за „роаминг како дома“ со ЕУ - Канал 5

Македонија

Андоновски: Македонија до декември ќе ги исполни условите за „роаминг како дома“ со ЕУ

Според него, Македонија е многу напред во однос на исполнувањето на условите.

Андоновски: Македонија до декември ќе ги исполни условите за „роаминг како дома“ со ЕУ

На претстојниот „Дигиталниот самит на Западен Балкан 2025 (WBDS25)“ што ќе се одржува на 1 и 2 октомври во Скопје е предвидено земјите од Западен Балкан да усвојат заедничка изјава со повик кон ЕУ да се забрза процесот „роаминг како дома“ и нула трошоци за интернет за нашите граѓани во ЕУ. Унијата пред еден месец излезе со патоказ што треба да го исполниме како држави за да пристапиме кон оваа зона, но потребна е активност и од нејзина страна. Ние нашите обврски ќе ги завршиме до декември 2025-та и очекувам наредната година први да го потпишеме договорот за роаминг со нула трошоци за македонските граѓани, рече денеска министерот за дигитална трансформација Стефан Андоновски.

Според него, Македонија е многу напред во однос на исполнувањето на условите.

[Министерството за внатрешни работи денеска ја промовираше надградената услуга за електронско издавање на уверение за државјанство која е достапна преку националниот портал за е-услуги uslugi.]

-Главна беше измената на Законот за електронски комуникации за исполнување на клучните регулативи и директиви на ЕУ што ние веќе го направивме летово. Остануваат уште неколу подзаконски акти што треба да ги завршиме до крајот на годинава и со тоа ќе ги исполниме условите. Во напредна фаза сме, го изработивме нашиот Акциски план и мислам дека ќе бидеме први од регионот, истакна Андоновски на прес-конференција, одговорајќи на новинарски прашања.

Како што објасни, во принцип, секоја држава од Западен Балкан одговара за себе.

-Минатиот пат, кога се потпишаа договорите за роаминг на Западен Балкан ги потпишаа сите држави во исто време. Овој пат, со оглед дека е во врска со ЕУ, би требало да биде секоја држава за себе. Планот на ЕУ е за сите држави од Западен Балкан. Тоа останува да го дискутираме на претстојниот „Дигиталниот самит на Западен Балкан 2025“ и се надевам дека ќе имам е конкретен одговор на ова прашање, но наша обврска е ние да бидеме подготвени до јануари, рече министерот.

Тагови: Стефан Андоновски роаминг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски повторно лаже - минималецот во Македонија е меѓу најслабите во регионот

Христијан Мицкоски повторно се обидува да ја претстави реалноста поинаку од она што е.

СДСМ: Мицкоски повторно лаже - минималецот во Македонија е меѓу најслабите во регионот

Цитира извештај на Еуростат за законска минимална плата и тврди дека кај нас е најевтино и нашите граѓани живеат најдобро.

Но бројките покажуваат сосема друго.

Според споредбата на минималната нето плата и цената на дизелот во регионот:

• Во Словенија со минималец се купуваат 629 литри дизел

• Во Хрватска 516 литри

• Во Црна Гора 400 литри

• Во БиХ 362 литри

• Во Србија 286 литри

• Во Косово 263 литри

• Во Македонија само 261 литар

• Во Албанија 214 литри

Работник со минималец во Македонија мора да работи 39 минути за еден литар дизел.

За резервоар од 50 литри му одат 19,15% од целата месечна плата.

Ова не е „куповна моќ“.

Ова е сиромаштија.

Мицкоски може да цитира што сака.

Граѓаните ја гледаат вистината на бензинска пумпа и во продавница.

Лагите за стандардот повеќе не поминуваат.

Не може статистика да го убеди граѓанинот на Македонија дека живее подобро од она што навистина го живее.

Граѓаните својата статистика ја имаат во паричникот и во фрижидерот.

И повеќе никој не може да го слуша Мицкоски и неговите бајки за трета економија во Европа, прва во туризмот, лидер во авио-сообраќајот и аеродромот.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода маж од Боговиње, пукал на семејна веселба, куршум оштетил покрив на куќа

По целосно расчистување и документирање на случајот, ќе следува соодветна пријава.

Лишен од слобода маж од Боговиње, пукал на семејна веселба, куршум оштетил покрив на куќа

На 06.08.2026 полициски службеници од СВР Тетово го лишија од слобода Т.С. (60) од с.Боговиње, тетовско, поради основи на сомнение дека на 05.08.2026 околу 23:00 часот пукал на семејна веселба, а еден од куршумите оштетил покрив на куќа на Б.Л.(66) од с.Синичане, тетовско. По добиена судска наредба, извршен е претрес во дом на Т.С., при што во дворот биле пронајдени три чаури калибар 9 мм и две чаури од гасен пиштол. Во врска со случајот, извршен е и претрес во дом на Ф.М. (50) во с.Боговиње, при што во дворот биле пронајдени чаури од гасен пиштол. По целосно расчистување и документирање на случајот, ќе следува соодветна пријава.

Тагови: Боговиње

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претреси во Охрид, пронајдена дрога, лишени од слобода две лица

На 05.08.2026 во Охрид, полициски службеници од криминалистичката полиција при СВР Охрид ги лишија од слобода Р.С.(50) и С.Б.(46), двајцата од Охрид.

Претреси во Охрид, пронајдена дрога, лишени од слобода две лица

При претрес во домот на Р.С., извршен по судска наредба, полициските службеници пронајдоа и одзедоа марихуана, две дробилки со остатоци од марихуана и други предмети за кои постои сомнение дека потекнуваат од кривично дело.

Додека, при претрес во домот на С.Б., извршен исто така со судска наредба, полициските службеници пронајдоа и одзедоа марихуана, шприц исполнет со кафеава материја, дробилка со остатоци од марихуана и други предмети за кои постои сомнение дека потекнуваат од кривично дело.

По целосно документирање на настаните, против двајцата ќе бидат поднесени соодветни пријави.

Тагови: охрид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер