Македонија

Андоновска: Градоначалниците на ВМРО-ДПМНЕ ја оправдаа довербата од граѓаните

Градоначалниците на ВМРО-ДПМНЕ ја оправдаа довербата од граѓаните, ги трансформираме општините и создаваме иднина дома.

ВМРО-ДПМНЕ во изминатите 4 години со јасна визија и цел, со знаење и со трудољубивост постави цврсти темели за развој на општините со кои управуваше. Чесната, одговорна и посветена работа на градоначалниците на ВМРО-ДПМНЕ резултираа со реализација на ветените проекти. Нашите градоначалници беа исправени пред многубројни предизвици, општините беа затекнати во дебели минуси, со блокирани сметки и проблеми. Но, со задоволство можеме да кажеме дека успешно се справија со истите и ги вратија општините на вистинскиот пат, патот на промените и иднината.

ВМРО-ДПМНЕ ја оправда довербата од граѓаните бидејќи нашите градоначалниците станаа симбол за позитивни промени, реализатори на реформи и двигатели на општините на кои припаѓаат.

Од 2021-та година, откако имаме локална власт, изградивме и реконструиравме над 770 километри патна инфраструктура во вкупна вредност од околу 100 милиони евра.

Водоводна и канализациона мрежа во должина од околу 138.000 метри.

Изградени и во завршна фаза на градење се и 12 пречистителни станици.

Повеќе од 400 училишта беа реконструирани и модернизирани, со што се создадоа услови за воведување едносменска настава. Во поголем дел од општините, учениците од прво до петто одделение добија бесплатна храна како и бесплатно летување за децата од социјално загрозените семејства.

Исто така, на поголем дел од училиштата беа поставени и фотоволтаици.

Во делот на социјалната заштита пак, 70 детски градинки беа реконструирани и модернизирани, а изградени десетици. За оваа цел се инвестирани повеќе од една милијарда денари.

Почитувани граѓани,

Во последните 15 месеци централната власт предводена од ВМРО-ДПМНЕ докажа дека е најголеми сојузник на општините. Вложивме 500 милиони евра за капитални проекти за локален развој, обезбедени преку два јавни повици, од кои на вториот повик имаше 887 проекти од 80 општини.

ВМРО-ДПМНЕ со неселективниот пристап уште еднаш покажа дека работи во интерес на граѓаните. Македонија со ВМРО-ДПМНЕ чекори по патот на промените. Заедно ги трансформираме општините и создаваме иднина дома. Изборот за ВМРО-ДПМНЕ е вистинската одлука, вистинската избор за твојата општина, просперитетна, перспективна, развојна.

Направете го вистинскиот избор за твојот човек, за твоето место, за твојата иднина!

ВИКТОРИЈА АНДОНОВСКА

Центар за комуникации на ВМРО-ДПМНЕ

Тагови: ВМРО - ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Српскиот тренер Александар Саша Ѓорѓевиќ се враќа во Турција

По двегодишна пауза, српскиот тренер Александар Саша Ѓорѓевиќ се враќа на тренерската работа и го презема турскиот Бахчешехир.

Како што објави Eurohoops, поранешниот селектор на Србија и Кина веќе ги договорил сите детали за соработката со клубот од Истанбул.

Ѓорѓевиќ ќе го наследи српскиот стручњак Марко Бараќ на клупата, а главна цел на клубот во следната сезона ќе биде пласман во Евролигата. Иако во изминатите недели се шпекулираше дека би можел да го преземе амбициозниот проект во Рим, кој го поддржува Лука Дончиќ, Ѓорѓевиќ на крајот реши да ја прифати понудата од Турција.

Неговиот последен ангажман беше на клупата на кинеската репрезентација, која ја напушти во 2024 година.

Во меѓувреме, тој беше поврзуван со неколку европски клубови и проектот Дубаи, но чекаше соодветно враќање на тренерската сцена. Ова ќе биде негово враќање во Истанбул, каде што веќе го водеше Фенербахче и ја освои титулата турски шампион во текот на сезоната 2021/22.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: ЗНАМ повторно ја брани изолацијата на Македонија, Мицкоски и неговата криминална група

ЗНАМ денеска излезе со соопштение во кое вели дека ЕУ интеграцијата мора да се темели на реформи, а не на „нови условувања“.

Ова е класична манипулација.

Нема нови условувања.

Уставните измени се дел од европската преговарачка рамка уште од самиот почеток. Тоа не е „уцена“, туку основен услов за отворање на преговорите - што вчера јасно го потврди и претседателот на Европскиот совет, Антонио Кошта.

Реформи оваа власт не спроведува.

Нека го прочитаат извештајот на Вајц и Комитетот на Европскиот парламент.

Таму јасно се вели дека нема напредок, нема владеење на правото и дека постои странско мешање.

ЗНАМ, партијата создадена и финансирана од Мицкоски за да ја разбие опозицијата, повторно ја брани политиката на изолација.

Наместо да им кажат на граѓаните дека без уставни измени нема напредок, тие повторно играат на картата на лаги - „национално достоинство“ и „уцени“.

Ова е истата приказна што ја турка и ВМРО-ОКГ со месеци.

Целта е јасна: да се спречи Македонија да влезе во ЕУ, за да може криминалната група на Мицкоски и Максим Димитриевски да продолжат да работат без контрола и без одговорност.

СДСМ уште одамна рече: поддржуваме само една работа - внесување на малцинствата во Уставот. За сè друго - не сме и нема да бидеме дел од оваа криминална структура.

Доста е со лаги и манипулации.

Реформи сега. Малцинства во Уставот сега. Европа сега.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби околу тендер за чистење на граничните премини и терминалите, во периодот од јули 2023 до март 2024 година.

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.