Македонија

Анализа на Бранко Геровски на ТВ дуелот на Канал 5, Заев -Мицкоски

-Ни Заев ни Мицкоски не се подготвени да преземат лична политичка одговорност за евентуалниот неуспех на претседателските избори, вели во својата анализа за„Плусинфо.мк“ новинарот Бранко Геровски.

Според Ѓеровски во вчерашната дебата на Канал 5 телевизија во „Само вистина“ на премиерот Зоран Заев и Претседателот на ВМРО-ДПМНЕ Христијан Мицкоски слушнавме декларативни заложби за поголема излезност и за фер трка, но не слушнавме јасен став дека двајцата ќе поднесат оставки ако нивните фаворити изгубат. Наместо тоа, лидерите излезот го гледаат во предвремени парламентарни избори, што би било само продолжение на политичката агонија, која сепак ќе им овозможи цврсто да ги задржат кормилата во своите партии.

Наспроти општиот впечаток дека телевизискиот дуел на Канал 5, меѓу Зоран Заев и Христијан Мицкоски, лидерите на двете најголеми македонски политички партии, се сведе на жестока меѓусебна лична пресметка, јас мислам дека политичката јавност доби неколку важни информации, врз основа на кои може релативно прецизно да се процени што ќе се случува со Македонија на политички план во следните неколку месеци, мели меѓудругото Геровски во својата анализа на телевизискиот дуел на Канал 5, меѓу Зоран Заев и Христијан Мицкоски.

Целата анализа може да ја видите на следниот линк.

Свет

Најмалку десет загинати во несреќа во Перу, автобус излетал од патот и се превртел

Најмалку 10 лица загинаа кога патнички автобус излетал од патот и се превртел во областа Пуно во јужниот дел на Перу, јавија локалните медиуми.

Меѓуградскиот автобус сообраќал на релација Пуно-Куско кога се случила несреќата, јави државната новинска агенција Андина.

Во автобусот имало 24 патници, а меѓу жртвите има и шестмесечно бебе, соопшти полицијата.

Државната телевизија објави дека повредените, од кои некои со сериозни повреди, биле пренесени во блиските болници.

Причината за несреќата ќе биде позната по истрагата.

Свет

Најмалку 10 загинати или повредени во напад во болница во Кина

Неколку лица се убиени или повредени во напад во болница во југозападна Кина, јави ДПА, повикувајќи се на кинеската агенција Ксинхуа.

ДПА пренесе дека во нападот имало најмалку 10 жртви, но првично не било јасно колку се повредени, а колку загинале.

Во првичните извештаи од настанот немало информации за осомничениот сторител.

Според Ксинхуа, нападот се случил во раните попладневни часови во болница лоцирана во провинцијата Џенксионг во јужната кинеска провинција Сечуан.

На кинеската социјална мрежа Веибо, слична на X, корисниците споделуваа видеа на кои се гледа апсењето на осомничениот сторител.

Македонија

Најстудено утрово во Лазарополе

Најниска температура утрово е измерена во Лазарополе од 3 степени Целзиусови.

Следат Берово и Попова Шапка со 5 степени, 6 во Претор, 7 во Крива Паланка и Охрид, 8 Тетово, Маврови Анови, Битола, Демир Капија, 9 Скопје-Петровец, Прилеп, Гевгелија, Велес, 10 во Скопје-Зајчев Рид, Штип, Куманово, Крушево, Дојран, Кавадарци и 11 степени во Виница.

Времето денеска сончево и топло со мала до умерена облачност. Попладне и во текот на ноќта ќе има локална појава на пороен дожд и грмежи. Ќе дува слаб до умерен ветер претежно од југозападен правец. Максималната температура ќе биде во интервал од 20 до 27 степени.

Во Скопје сончево со мала до умерена облачност и со слаб ветер од јужен правец. Кон крајот на денот и во текот на ноќта во делови од котлината ќе има краткотраен пороен дожд и грмежи. Максималната температура ќе достигне до 27 степени.