Македонија

Анакиев е втор директор фатен со мито – изолирани случаи или најава за посериозна борба со корупцијата?

Раздвижување во борбата против корупцијата се чувствува, но останува предизвикот за отворање на случаи за висока корупција, вели поранешната прва антикорупционерка Билјана Ивановска.

По серијата скандали на корупција во македонското земјоделие и апсењето на двајца директори на институции за примање мито, Ивановска со став – добро е да почнат но важно е и како и дали ќе завршат.

-Секако дека се чувствува некакво раздвижување. Сепак, апсењата треба да си бидат резултат не некои претходни истраги. Но за граѓаните е многу поважно како ќе завршат, со каков исход. Резултатот од сето тоа, пресудите се важни.

За нецели пет месеци двајца функционери во земјоделството од актуелната власт се фатени со мито – последниот случај со директорот на Државниот инспекторат за земјоделство Васе Анакиев и скандалот кој во ноември беше откриен за злоупотреби на средства од ИПАРД по што беше покренато обвинение од ОЈО ГОКК и за директорот на Агенцијата за финансиска поддршка во земјоделството Илија Стоилев. Во двата случаи според информациите било побарано мито од 50.000 евра како дел од сумата. Судењето за Стоилев започнува во среда на 25-ти март, во скопскиот Кривичен суд.

Во меѓувреме, ОЈО поднесе обвинение против поранешниот државен правобранител Фехми Стафа за примање поткуп исто така од 50.000 евра кои требало да му ги даде на судијата на Апелација Ѓоко Ристов, кај кого пак беа во јануари пронајдени 350.000 евра во ѕид.

Ивановска смета дека клучната улога во борбата со корупцијата и кирминалот сега ќе ја има новиот обвинител Савески, но вели дека и Владата треба да одвојува повеќе пари за да се зголемат капацитетите на Обвинителството..

- Од новиот обвинител очекувам исто така придонес во однос на зголемување на ефикасноста во работењето на обвинителствата. Но исто така и од државата треба да се обезбеди финансиска поддршка согласно законот за ЈО и да се обезбеди независност во работењето. Значи да се ослободи од влијанијата за да може да си функционира стручно и професионално, но и јавните обвинители треба пред се да се изборат за својот интегритет и доколку имаат влијанија да не подлегнуваат на тие влијанија, изјави Ивановска.

Правосудството и корупцијата се нотираат како системски слабости во речиси сите извештаи на Европската Комисија за Македонија.. Во последниот извештај беше нотирано дека не е направен никаков напредок на ова поле, констатиции што се повторуваат и во Извештајот што го предложи европратнеикот Вајц. Дека земјава стагнира и нема промена во индексот на перцепција на корупцијата во последните две години бележи и извештајот на „Транспаренси Интернешнал“.

Тагови: обвинителство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР со засилени сообраќајни контроли во рамки на ROADPOL: Фокус на брзината и безбедноста на патиштата

Акциските контроли се насочени кон откривање и санкционирање на возачи кои ја пречекоруваат дозволената брзина на движење.

Министерството за внатрешни работи на Република Македонија, во периодот од 3 до 9 август 2026 година, како членка на Асоцијацијата на европски сообраќајни полиции – ROADPOL, заедно со уште 34 европски земји, учествува во спроведувањето на засилени сообраќајни контроли во рамки на Европската недела на контроли.

Акциските контроли се насочени кон откривање и санкционирање на возачи кои ја пречекоруваат дозволената брзина на движење, со цел унапредување на безбедноста во сообраќајот и намалување на бројот на сообраќајни незгоди и нивните последици.

Имајќи предвид дека се наоѓаме во период на летни одмори, кога е зголемена фреквенцијата на возила на патиштата, сообраќајната полиција ќе спроведува засилени контроли и превентивно-репресивни мерки на патните правци низ целата држава.

Министерството за внатрешни работи апелира до сите учесници во сообраќајот да ги почитуваат сообраќајните правила и прописи, да ја приспособат брзината на условите на патот и со одговорно однесување да придонесат за зачувување на сопствената безбедност и безбедноста на останатите учесници во сообраќајот.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Гостиварската болница среде епидемија со еден инфектолог, дерматолози на дежурство, а Мицкоски и Клековски на екскурзија

Пациентите од Гостивар се префрлаат во Тетово - затоа што и болницата им е отруена.

Во болницата во Гостивар, среде епидемија предизвикана од загадена вода, дежура:• еден специјалист инфектолог

• четворица специјализанти

• и дерматолози.

Ова е состојбата на здравствениот систем што треба да се справи со масовно труење на граѓаните.

Пациентите од Гостивар се префрлаат во Тетово - затоа што и болницата им е отруена.

Додека ова се случува:

• Мицкоски и Клековски се на екскурзија.

• Тошковски, откако го спроведе хиперхлорирањето, сега како „искусен експерт“ им предлага на граѓаните да ги испуштаат цевките - да го испуштат проблемот со бактеријата.

• Сѐ уште нема официјален документ кој потврдува дека водата е технички исправна. Напротив - беше потврдено присуство на бактерија (вклучително и од директорот Стојанче Ангелов).

• Тошковски сега најавува нови анализи на водата - затоа што досега очигледно не биле правено како што треба.

Граѓаните се трујат.

Болницата е преоптоварена.

Пациентите се возат во друг град. А Мицкоски и неговата екипа на екскурзија.

Ова не е кризна состојба, ова е целосен колапс на одговорноста.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Чаир доби 20 нови клупи за граѓаните

Општина Чаир продолжува со уредувањето на јавните простори, поставувајќи 20 нови клупи на повеќе локации низ општината, со цел да обезбеди подобри услови за одмор и престој на граѓаните.

Клупите се поставени во Топаана, Гази Баба, на улицата „Емин Дураку“, зад Чаирската џамија, како и во близина на маркетот „Сарај“ во Чаир, со што се збогатува урбаната опрема и се подобрува функционалноста на јавните простори.

Поставувањето на урбаната опрема ќе продолжи и на други локации, согласно потребите на населбите и барањата на граѓаните, како дел од заложбите на Општина Чаир за создавање поуредена, пофункционална и поквалитетна урбана средина.

Општина Чаир

Тагови: Општина Чаир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.