Забава

Ана и Бастијан имале предбрачен договор од 64 страници

Во јавноста се појавија детали од предбрачниот договор на тениската шампионка Ана Ивановиќ и легедраниот германски фудбалер Бастијан Швајнштајгер.

Во светските медиуми и понатаму топ тема е крајот на деветгодишниот брак меѓу екс тенисерката Ана Ивановиќ и поранешниот фуабалер Бастијан Швајнштајгер.

-Веста за разводот ја потврди и адвокатот на поранешната тениска шампионка, со кратка изјава во која се наведува дека раскинувањето се должи на „непомирливи разлики“.

Судејќи според фотографиите и видеата, на познатиот германски фудбалер не му било тешко да продолжи понатаму, по Ана и тие „непомирливи разлики“.

Сега јавноста дозна дека Ана Ивановиќ и Бастијан Швајнштајгер, кои се венчаа во Венеција во јули 2016 година, претходно составиле предбрачен договор од 64 страници.

Дури и во моментите на најголемата љубов, германскиот фудбалер и српската тенисерка размислувале што ќе се случи ако еден ден се разделат.

За жал, тие денови дојдоа, а деталите од нивниот предбрачен договор ќе им олеснат да решат некои работи без многу подеми и падови.

Договорот составен од адвокатите на Швајнштајгер бил испратен до адвокатска канцеларија од Белград која со години ја застапува Ивановиќ.

Ана и нејзината мајка Драгана го погледнале договорот и се согласиле да го потпишат без никакви забелешки.

Интересно е што Ана и Бастијан откако се венчаале си ги задржали личните банкарски сметки.

Инаку, Бастијан и Ана се светски познати спортисти кои се уште одлично заработуваат.

Ана само од тениски турнири заработила околу 15,5 милиони долари, но голема добивка има (и сè уште заработува) многу и од спонзори, од кои најголем е спортскиот бренд Адидас.

Од друга страна, Швајнштајгер заработил повеќе од 50 милиони евра за три сезони откако се преселил од Баерн Минхен во Манчестер Јунајтед.

Тој поседува и многу недвижнини, како што се стан во Минхен што го купил за Ана, дрвена колиба во планините во Австрија, како и вила на Мајорка што двојката ја купила за време на бракот, која сега е на продажба.

Познатиот спортски пар го крунисал својот брак со три сина, а нивното раѓање променило одредени точки од договорот, што веќе било предвидено во подготвените анекси.

Затоа, распределбата на финансиите е променета во однос на оригиналната верзија на договорот. Подароците не се предмет на предбрачниот договор. Сè што си даваат еден на друг по евентуален развод, останува кај оној на кого му е дадено.

Сега започнува вториот чин, а тоа е поделбата на имотот, старателството над децата и стресот што го носи овој дел.

Ана Ивановиќ не чекала ниту момент, туку веќе ги направила првите чекори.

Еднаш засекогаш го избриша својот поранешен сопруг од својот живот, како и од социјалните мрежи. Имено, од денес, српската тенисерка има само свои фотографии на својот Инстаграм профил, Твитер и Фејсбук, а оние каде што позираше насмеана со Бастијан - повеќе нема!

Тагови: Ана Ивановиќ Бастијан Швајнштајгер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Кривичнииот суд почна судењето за поранешниот вицепремиер Артан Груби

По пола година од враќањето во земјава, денеска во Кривичниот суд почна судењето за поранешниот вицепремиер Артан Груби денеска ќе седне на обвинителна клупа за злоупотреба на службената положба за Државна лотарија.

Освен правните перипетии што го следат случајот, судењето го привлекува вниманието на јавноста и поради политичките импликации што може да произлезат од процесот..

Во кривичниот суд е Михајло Видимлиски..

Во видеото погледнете го целиот извештај.

Тагови: Груби кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НУ Драмски театар Скопје со „Гидионовиот јазол“ гостува на фестивалот РУТА на Бриони

НУ Драмски театар Скопје со претставата „Гидионовиот јазол“ вечерва (24 август) ќе гостува на Бриони во Хрватска каде што театарот „Улисис“ е домаќин на фестивалот на Регионалната унија на театри (РУТА).

Претставата ќе биде изведена во Летното кино во 21 часот.

„Гидионовиот јазол“ на режисерката Драгана Милошевски-Попова е претстава работена по текст на авторката Џона Адамс. Драматург на претставата е Викторија Рангелова-Петровска, а улогите ги играат актерките Биљана Драгиќевиќ-Пројковска и Ања Митиќ.

Гостувањето на Бриони ќе биде дваесетта изведба на претставата, која досега гостувала на неколку фестивали низ Македонија, како и во регионот на сцените на театрите членки на РУТА. На минатогодишниот 33. Меѓународен фестивал на камерен театар „Ристо Шишков“ актерката Биљана Драгиќевиќ-Пројковска за улогата на Корин Фел ја доби наградата за високо актерско достигнување.

Режисерка Драгана Милошевски-Попова во програмската белешка истакнува дека: „Претставата ‘Гидионовиот јазол’ е моќна и вознемирувачка приказна за вината, одговорноста, тагата и сложениот однос во комуникацијата, како и состојбите во образовниот систем, проблемите со кои се соочува детето низ периодот на детството. На училишна средба меѓу мајката Корин и наставничката Хедер, кој се случува по еден трагичен настан, преку деликатен, емотивно исполнет/напнат дијалог, се отвораат прашањата за детската креативност, слободата на изразување, за уметноста, за одговорноста на наставниците и за родителите, за социјалните мрежи, за врсничкото насилство, за осаменоста, преку кои постепено се разоткрива длабоката болка и се бара, па и се посочува можниот виновник“.

Авторката Џона Адамс е претставничка на новата генерација американски драмски автори. Таа е авторка на 20 драмски текстови во кои драмската структура ја гради преку исклучително јаки и богато нијансирани карактери и ги поставува во сложени меѓусебни психолошки ситуации. Друштвото на американските театарски критичари ѝ ја доделува наградата „Стинберг“ (Steinberg Award) за делото „Гидионовиот јазол“.

Претставата „Гидионовиот јазол“ е на редовниот репертоар на Драмски театар од премиерата која се одржа во мај минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.