Ана Дурловски ја прими титулата Национален уметник на Република Македонија - Канал 5

Култура

Ана Дурловски ја прими титулата Национален уметник на Република Македонија

Сопранот со интернационална кариера Ана Дурловски, добитничка на европскиот оперски оскар „Фауст“ и прв македонски оперски солист кој настапил на сцената на операта „Метрополитен“ во Њујорк, од денеска ја има и титулата Национален уметник на Република Македонија.

Ана Дурловски ја прими титулата Национален уметник на Република Македонија
Највисокото државно признание во областа на културата на Дурловски и го врачи претседателот Ѓорге Иванов кој во своето обраќање истакна дека таа преку своите арии не потсетува на она што не прави луѓе - нашите чувства, судири, дилеми, соништа и стремежи, особено во денешно време на социјални мрежи кога, како што рече, се повеќе се отуѓуваме едни од други, но и од самите себе.

- На репертоарот на госпоѓа Дурловски отсекогаш биле улоги со особена музичка но и драмска тежина кои бараат голем напор и беспрекорни гласовни и актерски капацитети. На публиката Ана Дурловски и подари многу карактери со доблести и мани, многу приказни во кои ја препознаваме нашата несовршеност, но и нашата длабока потрага за трите нешта заеднички за сите луѓе. А тоа се потребата за љубов, правда и мир. И тоа го постигна во една од најтешките музички и уметнички форми - операта. Исклучителните музички квалитети што ги поседува Ана Дурловски ја прават еден од најреспектираните и најбарани музички уметници како во Македонија, така и во светот, истакна претседателот Иванов.

Министерката за култура Елизабета Канческа-Милевска рече дека со доделувањето на титулата се вреднува влогот на уште еден македонски уметник кој придонесува за меѓународна афирмација на државата и нејзината музичка култура.

- Таа ги освои европските и светските оперски сцени, промовирајќи ја нашата држава како земја на врвни уметници и таленти кои со своето дело го слават името на својата држава низ сите светски меридијани. Ана Дурловски е уметник со импозантна кариера, првиот македонски оперски пејач кој воопшто има настапено на сцената на најголемата оперска куќа во светот - Метрополитен операта во Њујорк каде минатата година ја толкуваше Кралицата на ноќта во „Волшебната флејта“ на Моцарт, улога со која во 2006 година дебитираше на сцената на Државната опера во Виена... Нејзините извонредни креации ја одушевуваат критиката и публиката низ целиот свет и затоа е одликувана со неколку значајни признанија, меѓу кои е и наградата „Фауст’ која се смета за пандан на филмскиот „Оскар“, рече Канческа-Милевска.

Ана се заблагодари за честа што и ја укажала стручната комисија со донесување решение за титулатата. Се заблагодари на својот сопруг, басот Игор Дурловски, со кого заедно ја градеа меѓународната кариера и често имаат настапувано заедно на сцената.

- Кој овие години ме водеше кон патот на успехот, кој ми беше столб, со кој имам три прекрасни дечиња - Максим, Лука и Софија, на кои им ја посветувам оваа награда. Мојот пат не беше лесен, но јас ќе продолжам да го градам и понатаму, со сета искреност, од срце, за себе и за мојата земја Македонија, истакна македонската сопранистка.

Ана Дурловски (Штип, 1978) музичкото образование го почнала во МБУЦ „Илија Николовски-Луј“, продолжила на вокално-инструменталниот оддел на Факултетот за музичка уметност-Скопје во класата на проф. Билјана Јовановска-Јакимовска, каде што ги завршила и магистерските студии. На сцената на Македонската опера и балет дебитираше во 2000 година како Лучија ди Ламермур, а од наредната 2001 година почна да ја развива својата вокална техника во Виена и да соработува со оперски куќи низ светот. Во својата досегашна кариера има голем број водечки солистички улоги на престижните сцени во Москва, Виена, Берлин, Мадрид, Штутгарт, Минхен, Франкфурт, Лозана... и во сите држави во регионот.

Ана Дурловски е петти носител на титулата Национален уметник на Република Македонија, која во изминатите години ја добија: пијанистот Симон Трпчески, режисерот Милчо Манчески, естрадниот уменик Есма Реџепова-Теодосиевска и оперскиот пејач Борис Трајанов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сталоне откри како се степал со Ричард Гир за време на снимање (ВИДЕО)

Силвестер Сталоне во своите нови мемоари опиша физичка конфронтација со Ричард Гир што се случила на снимањето на филмот во 1974 година. 

Сталоне откри како се степал со Ричард Гир за време на снимање (ВИДЕО)

Во книгата „Скалите“, објавена кон крајот на септември, 80-годишниот Сталоне пишува за тензиите за време на снимањето на „Господарите од Флатбуш“ што кулминирале со тепачка.

Почнува од аудицијата

Сталоне наведува дека проблемите со Гир (77) започнале уште на аудициите, на кои учествувал и Роберт Де Ниро. Иако импровизацијата со Де Ниро била продуктивна, со Гир тргнала во лоша насока. „Се сеќавам дека на почетокот со Де Ниро, сè одеше прилично добро. Се обидувавме да се надгласаме еден со друг и уживав во процесот“, пишува Сталоне.

Работата со Гир беше поинаква. „Импровизациите со Ричард Гир тргнаа наопаку. Тој ме зграпчи за кошулата и ноктите ми се забија во кожата. Му реков да се повлече, но тој го направи тоа повторно од вториот обид. Не можеше да знае, но почна да беснее во мене“, се вели во мемоарите.

Потоа Сталоне го праша режисерот Стивен Верона дали може да реагира на начинот на кој би реагирал во реалниот живот. „'Што би направил?' ме праша тој. 'Што? Ќе му ги скршев забите.' Тој одговори: 'Те молам немој.'“

Тепачка поради пилешко

Физичката пресметка се случила за време на паузата за ручек. Сталоне тврди дека го предупредил Гир да не прави неред со храната, по што Гир намерно го полил со пилешка маст. „Млад пилешка маст течеше од алуминиумската фолија врз мојата нога“, се присети Сталоне.

„Го удрив со лактот во градите, излегов од автомобилот, отидов до него и го извлеков од задното седиште“, опишува Сталоне. „„Еј човече, не сакам да се навредувам“, рече Гир. Јас реков: „Премногу доцна е...“ Стивен Верона застана пред Гир. На сите им беше јасно дека ова не функционира. Еден од нас мораше да си оди.“

Отказ и ново пријателство

По инцидентот, Гир беше отпуштен, а Де Ниро го напушти и проектот. Тие беа заменети со актерите Пери Кинг и Хенри Винклер. Промената во глумечката екипа доведе до доживотно пријателство меѓу Сталоне и Винклер, за кого Сталоне вели дека многу го поддржувал на почетокот на неговата кариера. Портпаролот на Гир не одговори на барањето за коментар за обвинувањата на Сталоне.

Тоа не беше единствениот забележан конфликт меѓу двајцата актери. Елтон Џон напиша во своите мемоари од 2019 година дека Сталоне и Гир речиси се скарале поради принцезата Дајана во деведесеттите години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Норвешка ги забранува паметните очила на плажи, во паркови и теретани

Норвешка подготвува привремена забрана за паметни очила на одредени јавни места. Забраната би се однесувала на паркови, плажи, музеи, трговски центри, училишта, градинки, здравствени установи, теретани и јавни настани. 

Норвешка ги забранува паметните очила на плажи, во паркови и теретани

Приватната употреба останува дозволена.

Торгеир Микаелсен, норвешки министер за дигитални работи, вели дека е загрижен што се воведува нова и моќна технологија каде што луѓето можат да бидат фотографирани, снимани со камера или микрофон без тие да знаат за тоа. Тој додаде дека не сака општество во кое луѓето се плашат дека некој ги снима без нивно знаење на места каде што се навикнати да не бидат следени.

Каде уште се ограничени паметните очила

Норвешка не е прва. Ограничувањата се множат низ целиот свет, а паметните очила веќе се забранети од судниците во Велика Британија и САД, како и од некои пабови, кина и ресторани чии сопственици се плашат за приватноста на своите гости.

Во Велика Британија, угостителот Џереми Кинг и синџирот пабови Wetherspoons веќе го кажаа тоа. Кино салите почнаа да го забрануваат или ограничуваат носењето очила во август, наведувајќи ги загриженоста за приватноста и пиратството на филмови.

Гувернерот на Калифорнија, Гевин Њусом, минатата недела стави вето на закон со кој би се забранувало снимањето на луѓе што носат очила без дозвола во соблекувални, лекарски ординации и други простории што се сметаат за приватни. Државата веќе има закони против нелегално снимање.

Француската група за заштита на децата E-enfance соопшти дека годинава добила околу 20 пријави за жени кои биле снимани без нивно знаење, од кои повеќето се однесуваат на очила Мета. Моделот е ист: млада девојка или жена на јавно место се снима, а снимката се објавува на социјалните медиуми како шега или улична анкета.

Мета, водена од Марк Закерберг, продава паметни верзии на очила за сонце Ray-Ban и Oakley. Продала најмалку девет милиони пара модели на Ray-Ban од почетокот на 2023 година. Компанијата вели дека секој пар со камера има LED светло што трепка бело додека снима, дека не може да се исклучи и дека камерата е оневозможена ако е покриена или оштетена.

Тагови: паметни очила

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хутите со предупредување до светските авио компании

Јеменското поморско координативно тело, контролирано од Хутите, ги предупреди авиокомпаниите што летаат низ саудискиот воздушен простор дека областа нема да биде безбедна сè додека е под, како што ја нарекоа, „саудиска агресија“. 

Хутите со предупредување до светските авио компании

Предупредувањето го пренесоа медиуми блиски до движењето Хути, додека владините сили, поддржани од Саудиска Арабија, започнаа голема офанзива против групата поврзана со Иран, објави Ројтерс. Канцеларијата за медиуми на саудиската влада не одговори на барањето за коментар.

Меѓународно признатата влада на Јемен соопшти дека започнува „стратешка офанзива“ за повторно преземање на контролата врз Сана од бунтовниците Хути.

„Нашите вооружени сили започнаа стратешка офанзивна операција врз Сана“, изјави бригадниот генерал Маџиф ал-Нузаили за мрежата X. Тој додаде дека јеменската армија користи модерни капацитети во операцијата, објави Ал Џезира.

Тагови: Хутите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер