3Франција и Германија со предлог за проширување : Наша цел е да ја комплетираме Унијата да стане вистински Европска
МакедонијаАМСМ: Сообраќајот се одвива непречено, на граничните премини нема подолги задржувања за влез и излез од државатаСообраќајот на државните патишта се одвива непречено, по суви коловози.Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. ВРЕМЕНА ИЗМЕНА НА СООБРАЌАЈ: · На ден 12.09.2025 од 13:00ч на експресниот пат А2, Крива Паланка - Страцин на km 14+200 (близу с.Петралица) ќе отпочне регулација на времен режим на сообраќај поради изведување на градежни активности. На тој дел делницата во текот на денот од 07:00 до 17:00 сообраќајот ќе се одвива со рачна регулација со помош на знаменца, а во остатоткот од денот со светлосна сигнализација - семафори. · Виадукт Трејд – Дооел од 01.09.2025 г. започна со нова фаза на градежни активности , односно воспоставена е времена измена на режимот на сообраќај - времена семафоризација со наизменично пропуштање на возилата при санација на мост Здуње (мост на река Вардар), државен пат А2, делница Гостивар - Стража во временски период од 6 (шест) месеци. · Од 12.09.2025 (петок) се започнучува со градежната активноста - санација на свлечиште на регионален пат Р1202 делница Косоврасти - Мелнички Мост, односно ќе се воспостави времена измена на режимот на сообраќај до завршување на активностите. · Од 03.09.2025 г. во период од 2 седмици, на патниот правец Гостивар - Тетово и обратно од патарина Тетово до патарина Гостивар, ќе се изведуваат градежни истражувачки работи, поради што сообраќајот ќе се одвива под времен режим на сообраќај СЕЗОНСКИ РЕЖИМ НА СООБРАЌАЈ: Патниот правец Охрид – Ресен преку националниот парк Галичица од 17.04.2025 г. е пуштен за сообраќај за возила до 3.5 тона. РАБОТИ НА ПАТ: Поради изведба на проектот „Изградба на патна делница Градско – клучка Дреново“, дел од Коридор 10д, ќе има временa изменa на режимот на сообраќај на Експресниот пат А1, делница Градско – Дреново. Измените ќе важат од 04.08.2025 до 16.09.2025 година, при што сообраќајот ќе биде пренасочуван и регулиран со поставена соодветна сообраќајна сигнализација. Од ден 26.05.2025 започнaa со градежни активности - санација на мост на река Драгор на ул. “Довеџик” општина Битола, со што има затворање на сообраќајот кај мостот на ул. “Довеџик" при што сообраќајот се пренасочува по времен премин - девијација. Патниот правец Р2337 Кичево – крак со с. Цер од ден 12.05.2025 е целосно затворен за сообраќај од 10.00ч. – 16.00ч. поради изведување на градежни работи на пат – (асфалтирање). На ден 13.05.2025 започнa со градежни активности - санација на мост на река Вардар на државен пат А2, делница Гостивар-Стража, односно ќе се воспостави времена измена на режимот на сообраќај. Од 24.04.2025 г. има привремена промена во сообраќајот на делот од државнот пат А2 – делница Желино - Тетово, помеѓу бензинската станица Макпетрол и северниот влез на Тетово. На овој дел од патот се врши геодетско снимање и една сообраќајна лента ќе биде затворена во неколку фази. Работите ќе траат до нивно завршување. Синтек Инженеринг известува дека отпочнува времена измена на сообраќајот на автопат А1, делница Демир Капија – Смоквица од 17.4.2025 г. до 31.5.2025 г., поради изведба на реконструкција на десната тунелска цевка на Тунел Т2. Десната тунелска цевка на тунел Т2 е целосно затворена за сообраќај, а сообраќајот е пренасочен во левата тунелска цевка. Според известување од Виадукт Треј Дооел – Гостивар од 09.04.2025 година(Среда), ќе се врши реконструкција на дилатациони спојки на дел од автопатот Неготино-Велес (клучка Неготино), каде сообраќајот ќе се одвива во една сообраќајна лента во правец од Неготино кон Велес во времетраење од 15 дена. Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани. Овој времен режим е започнат од 03.04.2025 година и ќе трае до завршувањето на градежните активности На експресниот пат А1, делница Градско – Дреново, од 17.03.2025 г. до 04.04.2025 г., поради монтажа на дилатација на еластичната одбојна ограда на вијадукти и мостови, сообраќајот ќе биде пренасочен и регулиран на одредени делови од оваа делница. На автопат А1, делница Демир Капија – Смоквица од 20.02.2025 г. до 31.05.2025 г., поради изведба на реконструкција на левата тунелска цевка на Тунел Т2 ќе има времена измена на сообраќајот. Левата тунелска цевка на тунел Т2 е целосно затворена за сообраќај, а сообраќајот е целосно пренасочен во десната тунелска цевка со двонасочно одвивање на сообраќајот. “Доо Стентон Градба – Битола” известува дека согласно Одобрение за времена измена на режим на сообраќај, на магистрален пат А1 делница Фариш – Прилеп ќе врши санација на ударни дупки од 19.12.2024 г. до завршување на градежните работи. Времена измена на режим на сообраќај на регионален пат Р1306 делница Прилеп-Крушево -Сладуево, заради започнување со градежни активности во врска со проект Санација на оштетувања на регионален пат Р 1306 делница Прилеп-Крушево-Сладуево, во вид на слегнувања на трупот на патот на стационажа од км 15+100 до км 15+600. Заради тоа од 16.12.2024 год. па се до завршување со градежни активности ќе се изврши целосно затворање на делницата во потег од Мало Коњари до Кривогаштани. При тоа сообраќајот ќе се одвива по друга делница во склоп на поставената сообраќајна сигнализација, согласно Одобрение за времена измена на режим сообраќај и Сообраќаен проект. На 08.10.2024 година поради изградба на патен коридор 10Д, делница Прилеп - Битола, извршено е пренасочување за секаков вид на сообраќај и тоа од клучка Тополчани по Р1101 до депонија Алинци. Временскиот режим ќе трае во временски период од една година. СТРАБАГ АГ Подружница СТРАБАГ Скопје известува за времена измена на сообраќајот од 08.10.2024 до 31.12.2024 година на автопат А1 делница Велес – Неготино поради изградба на делница Градско - клучка Дреново. Сообраќајот ќе се одвива под времен режим со соодветно поставена сообраќајна сигнализација. Од 09.07.2024 г., на десна коловозна лента на автопат Скопје - Куманово извршена била времена измена на режим на сообраќај, при што во должина од 1000 метри (пред НС Миладиновци до НС Миладиновци), сообраќајната лента за принудно запирање и сообраќајната лента за возење ќе бидат затворени, додека сообраќајот ќе се одвива по левата сообраќајна лента за претекнување. Жикол Дооел Струмица известува дека поради вршење на градежни активности на објект: Реконструкција со проширување на регионален пат Р1109 делница Понов мост - влез во Богданци, сметано од 24.06.2024 година ќе биде поставен времен режим на сообраќај. Времена измена на режим на сообраќај на автопат А1, делница Петровец - Катланово, заради извршување на градежни активности. Измената на режим на сообраќај ќе започне да се применува од петок, 31.05.2024, а во врска со проектот за завршување на работите на рехабилитација со проширување на наведената делница од автопатот. Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај мост на река Шемница на Државен пат Р1101 км 85+903, делница Прилеп - Битола", и тоа од 27.03.2024 ќе има целосно затворање на делницата. На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај. Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница. Започнувајќи од 11.12.2023 год. ќе биде изменет режимот на сообраќај на магистралниот пат A3, делница Прилеп - Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи. Започнувајќи од 05.12.2023 год. е изменет режимот на сообраќај на државен пат A2, делница Тетово - Гостивар во двата правци на движење поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните. Oд 24.11.2023 година, режимот на сообраќајот на делницата од автопатот А-1, Куманово – ГП „Табановце “поточно кл. Куманово-кл. Кр. Паланка, десната сообраќајна лента за присилно запирање и застанување е затворена за сообраќај во должина од 500м, додека сообраќајот се одвива по сообраќајната лента за возење и претекнување. ГД Гранит АД Скопје известува дека согласно ново издаденото одобрение за времен режим на сообраќај поради изведување на градежни работи на Автопат А4, делница ГП "Блаце" - Скопје (клучка "Стенковец") Подделница 1 – од 08.11.2023 г. постоечкиот локален пат до с. Блаце од магистраниот пат А4 пред граничниот премин ќе биде затворен, а пристапот до с.Блаце ќе биде обезбеден по привремен пат пред граничниот премин, согласно поставената сообраќајна сигнализација. Останува и претходно воспоставениот времен режим на сообраќај согласно кој на 2 км пред граничниот премин "Блаце" на местото на изведување на градежните работи сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација. На 07.11.2023 г извршена е времена измена на режимот на сообраќајот на делницата од Автопат А1, Пeтровец – Катланово - рехабилитација со проширување на автопатот А1 (лево и десно коловозот во двата правца) во должина од 6000 м, сообраќајот ќе се одвива по новоизградената коловозна лента (Катланово - Петровец) двонасочно, со вертикално поставена сигнализација, додека коловозната лента Петровец - Катланово ќе биде затворена за сообраќај. Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација. ГД Гранит АД Скопје известува дека согласно издаденото одобрение за времен режим на сообраќај на Автопат А4, делница ГП "Блаце" - Скопје (клучка "Стенковец") Подделница 1 - проширување на постоен пат А4 од ГП "Блаце" до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин "Блаце" од 06.10.2022 г. на местото на изведување на градежните работи се одвива нов времен двонасочен режим на сообраќај (со два нови кружни тека) со поставена соодветна соорбаќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација. Oд 11.9.2023 г. воспоставен е времен режим на сообраќај во тунелот на патниот правец Блаце – Скопје, поради изведување на градежни работи – санација на тунелот. Поставена е светлосна сигнализација со наизменично пропуштање на возилата. БИОН ДОО Тетово известува дека од 20.05.2023 година на патниот правец "Државен пат А3, делница: Буково - Охрид, подделница Буково - влез во Охрид" ќе има измена на времениот режим на сообраќај поради изведување работи што се предвидени на објектот "Поставување на сообраќајна сигнализација и опрема на државен пат А3, делница Буково - Охрид, подделница Буково - влез во Охрид". Режимот ќе биде според сообраќајниот проект. Работите на објектот се предвидени да завршат на 29.02.2024. Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос. Сообраќајот на овој патен правец ќе се одвива непречено со ограничување на максимална брзина до 30 км/час. Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023,на местото ќе биде поставена соодветна сообраќајна сигнализација. Почнувајќи од 06.03.2023 г., на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување. Поради изведување на работи на експресниот пат од Градско до Дреново на државен пат А1, делница Велес-Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско. На патниот правец Градско - Прилеп се изведуваат градежни активности и затоа препорачуваме внимателно возење и прилагодена брзина на движење. На патниот правец Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење. АМСМ - ИНФОРМАТИВЕН ЦЕНТАР Тел. (02)15-555Тагови: АМСМ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаМакедонија избрана за членка на Економскиот и социјалниот совет на Обединетите нации – ЕКОСОКМакедонија денеска беше избрана за членка на Економскиот и социјалниот совет на Обединетите нации (ЕКОСОК) за мандатниот период 2027–2029 година.На гласањето што се одржа во седиштето на Обединетите нации во Њујорк, кандидатурата на Македонија доби поддршка од 174 држави членки. Станува збор за историски успех на македонската дипломатија, бидејќи за првпат од независноста државата ќе биде членка на едно од главните тела на системот на Обединетите нации. По повод изборот, министерот за надворешни работи и надворешна трговија Тимчо Муцунски истакна дека ова е уште една потврда за кредибилитетот и активната улога на државата во мултилатералната дипломатија. „Ова е успех на македонската дипломатија. Успех на посветеност, на доверба и на работа која често се одвива далеку од очите на јавноста, но носи конкретни резултати. Ова е дипломатски успех кој не се мери само со изборот, туку и со довербата што стои зад него“, истакна Муцунски. Тој посочи дека изборот во ЕКОСОК претставува уште еден значаен чекор во зајакнувањето на присуството на државата во мултилатералните процеси, по членството во Советот за човекови права на Обединетите нации и Извршниот совет на Организацијата за забрана на хемиското оружје. Членството во ЕКОСОК ќе овозможи поактивно учество на државата во глобалните дебати и процеси поврзани со економскиот и социјалниот развој, одржливиот развој, хуманитарните прашања и човековите права, како и дополнително зајакнување на нејзината меѓународна видливост и кредибилитет. Економскиот и социјалниот совет е еден од шесте главни органи на Обединетите нации и има централна улога во координацијата на економските, социјалните и развојните политики во рамките на системот на ОН, се наведува во соопштението. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
Други спортовиСтрикленд тврди дека му е забрането учество на УФЦ настанот во Белата куќаШампионот на UFC во средна категорија, Шон Стрикленд, тврди дека му е забрането да учествува на претстојниот настан UFC Freedom 250 во Белата куќа. Стрикленд наведува дека причината за забраната е неговата критика кон американскиот претседател Доналд Трамп и Израел, пишува MMA Weekly. Влезниците за настанот, закажан за 14 јуни на тревникот на Белата куќа, не се во продажба. Околу 5.000 гледачи кои ќе ги гледаат борбите пред октагонот се поканети од UFC, администрацијата на Трамп или се активни членови на војската. Еден од оние кои нема да бидат во публиката е шампионот Стрикленд. Според неговите сопствени зборови, на борецот, познат по своите директни акции, му било забрането да дојде. „Се шегував за Израел и Епштајн“ Кога еден обожавател го прашал на Инстаграм зошто му е забрането да учествува на историскиот настан, Стрикленд одговорил: „Се шегував за Израел и Епштајн“. Потоа додал: „Единствениот американски шампион кој доби забрана за влез во Белата куќа затоа што реков дека Трамп го поседува [Бенџамин Нетанјаху]. Тоа не е мислење, тоа е факт“. Со прекар „Тарзан“, Стрикленд ја врати титулата во категоријата до 175 фунти минатиот месец со победа со поделена одлука над Хамзат Чимаев на UFC 328. Иако некогаш беше гласен поддржувач на претседателот Трамп, Стрикленд редовно ги критикува политиките на неговата администрација на социјалните медиуми. Саркастичен пост и извинување „До уништените семејства кои плаќаат 5-15.000 долари повеќе во војната меѓу Израел и Трамп, вие сте неблагодарни... Недостатокот на благодарност што им ја покажувате на Трамп и Израел е одвратен. На дванаесетте војници и жени кои загинаа, сакам да им се заблагодарам за нивната жртва во име на Израел и Трамп. #MIGA Да се помисли дека пред 20 години Иран беше еден месец подалеку од нуклеарно оружје :/ страшно...“ напиша Стрикленд на Инстаграм во среда попладне, со објавеното видео. Во самото видео, Стрикленд ја објасни ситуацијата. „Не сум изненаден, но добив повик. Ме повикаа. Високи функционери на UFC, знаете, големи имиња, и ми рекоа: „Шон, морам да се извинам, но не си доволно Израелец за да одиш на UFC 250 Israel Edition“, рече тој. „Еј Трамп, твојот рејтинг на доверба е на најниско ниво досега кај сите демографски групи“ „Не сум навистина изненаден. Во иднина, би сакал да му се извинам на Израел. Сакам да кажам дека ми е жал. Би сакал да му се извинам на Трамп и само сакам да докажам дека сум доволно Израелец за тебе. На пример, кога таа листа на Епштајн ќе исчезне и Трамп ќе излезе и ќе каже дека не може да навлезе во тоа бидејќи луѓето би биле гонети, а нивните имиња би биле оцрнувани поради врската, сакам да се извинам бидејќи не сакам да им се суди.“ „Кога Трамп ќе оди и ќе го срамни со земја Иран, со што ниту еден Американец не се согласува, а тоа ги чини Американците од 5.000 до 15.000 долари за да учествуваат во војната против Израел, сакам да се извинам. Жал ми е што го критикував тоа. Или кога Трамп ќе излезе и ќе речат: „Еј Трамп, твојот рејтинг на доверба е најнизок досега кај која било демографска група“, а Трамп ќе каже: „Па, знаеш што? Имам 99% поддршка во Израел“. Сакам да се извинам“, саркастично заклучи Стрикланд.Тагови: Белата куќа Стрикленд Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиФранција и Германија со предлог за проширување : Наша цел е да ја комплетираме Унијата да стане вистински Европска19:55Кривичниот суд одреди 30 дена притвор за Стефан Богоев и други три лица10:2730 дена притвор за четворицата обвинети за тендерот во Царина, меѓу кои Стефан Богоев22:53Обвинителството бара притвор за четворицата, меѓу кои и Стефан Богоев- можна е вмешаност и на други лица 20:22Екс директорот на Царина, Стефан Богоев во Кривичен суд поради злоупотреби на јавни набавки 18:20
Франција и Германија со предлог за проширување : Наша цел е да ја комплетираме Унијата да стане вистински Европска19:55
Обвинителството бара притвор за четворицата, меѓу кои и Стефан Богоев- можна е вмешаност и на други лица 20:22
ЕвропаГермански политичар од АфД во Русија се сретна со првиот човек на Гаспром- бара руски гас Висок функционер на германската крајно десничарска партија Алтернатива за Германија (AfD), Маркус Фронмаер, се сретна со еден од главните советници на рускиот претседател Владимир Путин и шефот на Газпром, Алексеј Милер.Висок функционер на германската крајно десничарска партија Алтернатива за Германија (AfD), Маркус Фронмаер, се сретна со еден од главните советници на рускиот претседател Владимир Путин и шефот на Гаспром, Алексеј Милер, и повика на рестартирање на гасоводот „Северен тек“. Фронмаер, парламентарниот портпарол на AфД за надворешна политика, присуствува на големиот економски форум на Путин во Санкт Петербург, и покрај предупредувањето од германското Министерство за надворешни работи, кое соопшти дека „експлицитно ѝ советувало на AfD да не ги прави овие патувања“. Тој се сретнал со луѓе под санкции Фронмаер објави на X дека се сретнал со Милер и Кирил Дмитриев, специјалниот претставник на Путин за инвестиции и економска соработка. Дмитриев, Милер и Газпром се под западни санкции воведени поради војната на Русија во Украина. Фронмаер, кој долго време повикува Германија да ја обнови соработката со Русија за да продолжи со снабдувањето со енергија, рече дека разговарал со Милер за гасоводот и целосното враќање на снабдувањето со руски гас за Германија. „Германија е заглавена во сериозна економска спирала на опаѓање, а една од клучните причини за ова се високите трошоци за енергија“, рече Фронмаер. „Затоа сите опции мора да се вратат на маса, вклучително и рестартирање на Северниот тек и обновување на трговските односи со Русија“. Газпром ја потврди средбата со Фронмаер. „Се радувам на градењето одлична ИДНИНА заедно со AfD, најпопуларната германска партија“, напиша Дмитриев на X. Германија се бори да се опорави од прекинот на рускиот гас Со децении, германскиот економски модел во голема мера се потпираше на пристап до евтина руска енергија. Пред руската инвазија на Украина, Русија ја снабдуваше Германија со повеќе од една третина од увезената сурова нафта и повеќе од половина од својот природен гас. Германија се бори да се опорави од шокот предизвикан од прекинот на подводниот гасовод Северниот тек, кој беше оштетен од експлозиите во септември 2022 година. Берлин оттогаш мораше итно да бара алтернативни извори на снабдување. Двата крака на гасоводот Северниот тек 1 беа оштетени во експлозиите. Северен тек 2, завршен во 2021 година, има една неповредена гранка, но Германија го запре проектот и гасоводот никогаш не почна да работи. Русија ја обвини Украина за нападот, обвинение што Киев постојано го негира. АфД добива предност на анкетите Според анкетите, АфД, моментално најголемата опозициска партија во Бундестагот, гради предност пред конзервативците на канцеларот Фридрих Мерц, кои владеат во коалиција со централнолевичарските социјалдемократи. Пред двата клучни покраински избори во источна Германија во септември, АфД се надева дека ќе ја освои власта во Саксонија-Анхалт за прв пат. Анкетите покажуваат дека би можела да освои најмногу гласови и во Мекленбург-Западна Померанија. Партијата, која исто така оствари силен напредок во западна Германија во последните години, ја критикува силната поддршка на Мерц за Украина и вели дека ќе се обиде да ги обнови односите со Москва. „Во време кога многумина се чувствуваат поудобно во конфронтацијата отколку во разговорот, вистинскиот дијалог е поважен од кога било“, напиша Фронмаер на X по средбата со Дмитриев.Тагови: АфД Гаспром Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter