АМС смета дека Блажевски треба да патува за Рио - Канал 5

АМС смета дека Блажевски треба да патува за Рио

Агенцијата за млади и спорт (АМС) со став контра Македонскиот олимписки комитет што се однесува до настапот на пливачот Марко Блажевски кој според АМС треба да ја претставува Македонија на Олимписките игри во Рио.

АМС смета дека Блажевски треба да патува за Рио


Својот став АМС го изрази преку писмено соопштение во кое се вели:

- Во врска со случувањата во спортската јавност поврзани со прашањето за настап на најдобриот македонски пливач Марко Блажевски во рамки на ЛОИ Рио де Жанеиро 2016, Агенцијата за млади и спорт укажува дека Република Македонија, на најголемиот планетарен спортски настан треба да се претстави со своите најдобри спортисти следејќи ги сите аспекти на духот на олимпизмот. Во случајот на Марко Блажевски, констатираме дека тој, во изминатите неколку години, со успех настапува во рамки на меѓународните спортски натпревари, притоа поправајќи ги своите резултати и достојно претставувајќи ја својата земја. За своите остварени резултати, Марко Блажевски, согласно македонското законодавство, е категоризиран спортист на Република Македонија од меѓународна категорија и за истото повеќе години прима паричен надомест од државата како поддршка за неговото остварување и напорите и понатаму да се развива како спортист. Истовремено, Пливачката федерација на Македонија во повеќе наврати го потенцира Марко Блажевски како свој најуспешен пливач во одредени дисциплини во изминативе неколку години и, секако, преку остварувањето на Б нормата, што согласно правилата на ФИНА го чини перфектно подобен за учество на ЛОИ Рио де Жанеиро 2016 ЛОИ, истата ги има завршено сите формални претпоставки кон ФИНА, ИОК и МОК тој непречено да настапува на Игрите.
Конечно, анализирајќи ги резултатте на потврдените учесници од Република Македонија од останите спортови во рамки на односниот спортски настан, чие учество е потврдено по која било основа, евидентно е дека Марко Блажевски, согласно својот остварен спортски резултат, е помеѓу најдобрите.
Затоа, челосно почитувајќи ја самостојноста и автономијата на сите национални спортски федерации, вклучително и Македонискиот олимписки комитет, како највисока спорска невладина организација во Република Македонија, препорачуваме и апелираме МОК да ги почитува остварените резултати на Марко Блажевски и недвосмислената поддршка што Пливачката федерација на Македонија ја дава овој пливач да ја претставува Република Македонија на пливачкиот турнир на ЛОИ Рио де Жанеиро 2016.“

Останува да се види дали МОК ќе го смени ставот и дали Блажевски кој деновиве потврди дека е во одлична форма поправајќи го државниот рекорд, ќе биде дел од македонската делегација на Олимпијадата во Рио.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тејлор Свифт блесна во неверојатна креација, сите останаа без зборови кога таа ги покажа своите витки нозе

Светската музичка ѕвезда, Тејлор Свифт блесна во неверојатна креација на еден настан, а љубителите на модата останаа без зборови.

Тејлор Свифт блесна во неверојатна креација, сите останаа без зборови кога таа ги покажа своите витки нозе

Каков фустан! Сите останаа без зборови кога таа ги покажа своите витки нозе .

Светската музичка ѕвезда, Тејлор Свифт блесна во неверојатна креација на еден настан, а љубителите на модата останаа без зборови. Навистина, ова беше глетка за паметење.

Тејлор Свифт се врати на голема врата кога станува збор за кантри-музиката. Неодамна, по пауза од 10 години, таа учествуваше на доделувањето на наградите на Здружението за кантри-музика (CMA Awards) во Нешвил. Последен пат таа присуствуваше на оваа церемонија во 2016 година.

Овој пат, таа одлучи да блесне во жолта креација на дизајнерот Оскар де ла Рента, оставајќи го модниот свет воодушевен. Станува збор за едноставна, речиси ненаметлива тоалета, одликувана со минимализам.

И додека горниот, корсетен дел се одликува со едноставен крој, долниот дел се карактеризира со асиметричен крој, долга опашка и џебови, кои на целиот стајлинг му даваат нота на модерен гламур.

Не смееме да ја изоставиме ниту впечатливата жолта боја на фустанот, која беше главниот акцент во нејзиниот изглед. Ретко која дама би одбрала облека во оваа нијанса на жолта боја за некој голем настан, но Тејлор покажа дека за неа не важат овие стереотипи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Новак го зема микрофонот и направи „хаос“! Ѓоковиќ го запеа хитот на легендарниот Џеј

Ново шоу надовор од теренот на најтрофејниот тенисер во историјата, Новак Ѓоковиќ го испеа хитот на легендарниот Џеј и предизвика „хаос“ во еден  белградски клуб!

Видео: Новак го зема микрофонот и направи „хаос“! Ѓоковиќ го запеа хитот на легендарниот Џеј

Најдобриот тенисер на сите времиња, Новак Ѓоковиќ, го искористи престојот во Србија за да се опушти во друштво на пријатели, а потоа приреди вистинско шоу во еден познат белградски клуб, што ги воодушеви сите присутни.

Ноле уживаше во ноќното излегување, пушејќи и пеејќи, а кулминацијата на вечерта се случи кога пејачката Маријана Злопаша го забележа во публиката и го покани да ѝ се придружи на сцената.

Ѓоковиќ не се двоумеше многу! Ја прифати поканата, го зеде микрофонот и ја запеа песната „Ниедни усни не бакнуваат сами“ голем хит на легендарниот Џеј Рамадановски.

Атмосферата во тој момент го достигна својот врв, а присутните имаа можност да го видат Новак во сосема поинакво издание – наместо рекет, во рацете држеше микрофон и уживаше во музиката.

https://www.instagram.com/reel/Df_Qk2Ts0g5/?utm_source=ig_embed

Ѓоковиќ моментално е во Белград, бидејќи тениската сезона за него е завршена. Тој ќе помине уште неколку дена во својот роден град, а оваа сабота ќе ја искористи за да го прослави Свети Архангел со своето семејство. Потоа, планира да замине на одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Пентагон објави нови снимки од НЛО?

Владата на САД објави нови снимки од неидентификувани воздушни појави, забележани од американските воени сили на Блискиот Исток. 

Видео: Пентагон објави нови снимки од НЛО?

Ова претставува осма серија документи поврзани со НЛО што Пентагон ги објави оваа година.

Најновата објава содржи 43 документи и снимки, вклучувајќи три видеа забележани во 2020, 2023 и 2026 година. Сите три снимки се направени од американски воени летала или други воени платформи на Блискиот Исток.

Снимките се направени со помош на воени камери и сензори способни да детектираат објекти врз основа на топлинско зрачење. Пентагон ги класифицира овие случаи како нерешени примери на неидентификувани аномални појави, познати под акронимот UAP.

Видеото од 2020 година трае 20 секунди, снимката од 2023 година трае 13 секунди, а онаа од 2026 година трае 54 секунди. Материјалите ѝ биле доставени на американската канцеларија за истражување на неидентификувани феномени од страна на Централната команда на САД.

Американските власти сè уште немаат утврдено што точно се гледа на објавените снимки. Нивното објавување не значи дека Пентагон го потврдил постоењето на вонземски летала или каков било вид вонземска технологија.

Американската војска го користи терминот „UAP“ за појави што не можат веднаш да се идентификуваат врз основа на достапните податоци.

Ова не значи дека станува збор за вонземски летала; туку, тоа значи дека нивното потекло сè уште не е утврдено. Некои од овие појави подоцна можат да се објаснат како летала, беспилотни летала, балони, атмосферски појави или грешки во сензорите. Во други случаи, нема доволно податоци за сигурно да се утврди причината.

Американските власти продолжуваат со постепено отворање на своите архиви кои се однесуваат на неидентификувани појави. Според Пентагон, се подготвуваат нови групи документи за јавно објавување, кои чекаат процес на проверка и отстранување на нивниот доверлив статус.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер