Американската управа за храна и лекови (ФДА) посочува дека не постои вистински ризик од инфекција со коронавирус преку овој начин, пренесува Си-Ен-Ен.

„Сакаме да ве увериме дека нема докази дека хуманата или животинската храна и пакетите со храна се поврзани со пренесување на Ковид-19“, напиша Агенцијата на Твитер.

Ејми Лојд-Смит е еден од научниците вклучени во анализата колку вирусот САРС-КоВ-2 останува на различни површини.

И покрај тоа што со истражувањето е откриено дека вирусот останува на картонски површини до 24 часа и на метал и пластика до два до три дена, Лојд-Смит не ги мие продуктите од продавници или испораките.

„Јас лично не го правам тоа“, вели Лојд-Смит. „Кон своите раце се однесувам како да се потенцијално загадени додека ракувам со храната и го отстранувам пакувањето , а потоа секогаш ги мијам кога ќе завршам“.

Вирологот др.Џон Вилијамс, исто така не е загрижен.

„Готвиме малку храна во куќата, нарачуваме малку од надвор за домот полн со студенти кои се вратија од колеџ“, вели Вилијамс. „И не ја отстрануваме амбалажата од ресторанот“.

„Шансите некој да остави доволно вирус на храната или пакувањето е многу низок, и јас го гледам како хипотетички ризик“, вели Лојд-Смит.

"Затоа, сум внимателна. Секогаш ги мијам рацете, но не гледам на нив како закана од вирус".

Нејзиниот совет за третман би се сменил, вели Лојд-Смит, ако станува збор за постара личност или некој со нарушен имунитет.

„Едноставна и разумна претпазливост за храната која не треба да се лади е да ги оставиме на еден или повеќе дена непроменети пред да се отпакуваат“, додава таа. „Ваквата постапка значително ќе го намали количеството на можна контаминација“.

Загриженоста за можното пренесување на вирусот преку разни површини се појави во март кога беше објавена студијата во списанието за медицина New England Journal of Medicine.

„Студијата откри дека под одредени услови во лабораторија, кои се на некој начин вештачки, САРС-CoV-2 трае до три часа во аеросоли, до четири часа на бакар и до 24 часа на картон, и до два до три дена на пластика и нерѓосувачки челик “, вели Лојд-Смит.

Експериментот не разгледувал други фактори кои можат да го убијат вирусот како сонцето или дезинфекциското средство, ниту пак ја утврдува промената на количината на вирусот со текот на времето, вели Лојд-Смит.

Експертот за безбедност на храна на Државниот универзитет во Северна Каролина, Бенџамин Чепмен, предупредува дека температурата, влажноста и колку вируси имало на почетокот, играат голема улога.

Количината на вирусот САРС-КоВ-2 се намалува релативно брзо во споредба со, на пример, норовирус кој опстојува со денови во доволна концентрација да зарази друго лице, тврди вирологот во универзитетската болница Вилијамс во Питсбург.

„Студијата откри дека бројот на коронавирус се намалил сто пати на картонот за осум часа“, додава Вилијамс. „Ова значи дека 99,9 проценти од вирусот исчезнал по осум часа, а истото важи и за челик или пластика“.

Ако сакате да се фокусирате на нешто што ќе направи клучна разлика, експертите советуваат дека поважно е фанатично да ги измиете или дезинфицирате рацете по секој можен контакт со коронавирусот.

Меѓутоа, ако се плашите од ризикот од загадување на храна - тогаш дезинфицирајте ја амбалажата однадвор, додава Вилијамс.

„Шансите да се добие вирус на тој начин се уште се многу, многу мали“, повторува Вилијамс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.