Американските десничари со алтернативно шоу за полувремето на Супер боул - Канал 5

Забава

Американските десничари со алтернативно шоу за полувремето на Супер боул

„Настанот, со наслов „Д ол‑Американ халфтајм шоу“ („The All-American Halftime Show“), има цел да ги промовира американската вера, семејството и слободата“, соопшти организацијата основана од покојниот конзервативен активист Чарли Кирк.

Американските десничари со алтернативно шоу за полувремето на Супер боул

„Конзервативната организација „Трнинг поинт САД“ (Turning Point USA) најави организирање алтернативно музичко шоу за време на полувремето на Супер боул, кое ќе се пренесува во живо оваа недела за време на финалето на НФЛ-сезоната“, објави „Д хил“ (The Hill).

„Настанот, со наслов „Д ол‑Американ халфтајм шоу“ („The All-American Halftime Show“), има цел да ги промовира американската вера, семејството и слободата“, соопшти организацијата основана од покојниот конзервативен активист Чарли Кирк, а денес предводена од неговата вдовица Ерика Кирк. На настанот ќе учествуваат Кид Рок, кантри-ѕвездата Брантли Гилберт, пејачот Ли Брајс и младата кантри-пејачка Габи Барет.

Настанот ќе се пренесува во живо в недела од 20 часот на јутјуб-каналот на „Трнинг поинт САД“, како и на нивните профили на платформите „Икс“ и „Рамбл“.

- На овој настан гледаме како на Давид против Голијат. Да се натпреваруваме со професионалниот фудбал и светска поп-суперѕвезда е речиси невозможно, а можеби и не - изјави Кид Рок. Тој додаде дека нивната цел е да изведуваат музика „за луѓето што ја сакаат Америка“.

Музичкиот настан доаѓа како реакција на изборот на порториканската поп-ѕвезда Бед Бани за официјалниот настап на полувремето на Супер боул ЛX (LX), организиран од НФЛ во соработка со „Епл мјузик“ и „Рок нејшн“. Неговиот избор предизвика критики во конзервативните кругови поради неговите политички ставови и јавни изјави поврзани со имиграцијата, како и поради неговиот уметнички пристап кон прашањата за родот и културната различност. Настапот се очекува да го следи телевизиска публика од над 120 милиони гледачи во светот. Финалниот натпревар ќе се одржи во Сан Франциско, каде што ќе се сретнат екипите на Сијетл Сихокс и Њу Ингланд Петриотс (Seattle Seahawks и New England Patriots).

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ги избра новите 8 министри

Во Собранието беа избрани 8-те новите министри во Владата предложени со владината реконструкција. 

Собранието ги избра новите 8 министри

За изборот на нови министри гласаа само пратениците од владеачкото мнозинство односно 69 пратеници. Опозицијата ја напушти седницата поради навредите кои кон нив ги упатил поранешниот министер за односи со заедниците и нов министер за локална самоуправа Иван Стоилковиќ.

Попладнево, ситуацијата ексалираше, откако опозијата го обвини Стоилковиќ дека упатил навреди и пцовки на адреса на пратениците на СДСМ Фатмир Битиќи и Митко Трајчулевски надвор од салата, за време на попладнвената пауза.

За нов министер за правда е избран Јетон Шасивари член на Вреди, министер за земјоделство Борче Серафимовски од ЗНАМ, нов министер за односи меѓу заедниците Агон Ферати од Вреди, министер за здравство Сашо Клековски од ВМРО-ДПМНЕ, министер за туризам и култура Седат Сулејмани од Вреди, министер за социјална политика, демографија и млади Ѓоко Велковски од ВМРО-ДПМНЕ, министер за локална самоуправа Иван Стоилковиќ од ДПСМ, а нов министер без ресор е Ерџан Демир од ВМРО-ДПМНЕ.

Новите министри беа избрани со 69 гласа „ЗА“, без ниту еден воздржан и против.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

„Треба да се работи на рационализација, на ваков начин не одиме никаде“

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

Имате ситуација во Парламент, Артан Груби го нарекува криминалец Сашо Мијалов, од друга страна излегува дека тој го ослободува од затвор. Тоа што политичарите го прават нечесно, нема врска со патриотизам, туку имаат за цел да ги лажат граѓаните за да добијат гласови. Треба само малку да ги гледаш работите пологично и да бидеш порационален за да сфатиш. Не знам што е лошо некој да каже дека ја почитува државата во која што живее за да добие негативнии коментари.

Треба ли да пишувам дека ја сакам Албанија, а не ја сакам Македонија, за да добивам позитивни коментари? Треба да се работи на рационализација, на ваков начин не одиме никаде. Замисли каков притисок ќе биде направен на властите ако целиот народ и Македонците и Албанците и сите други останати се обединат за некои прашања, како што се на пример загадувањето, за неправди, каков ли притисок ќе имаат властите ако народот се обедини за таков вид на прашања. И кога притисокот кон властите е поголем, тогаш и можноста тие државата да ја гледаат како извор на лично финансирање, е помала. Тогаш тие ќе чувствуаат притисок и повеќе ќе работат за граѓаните, помалку за себе, вели Умејр Мухамеди во Само Вистина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Марта е новата Мис Болоња: Некои слават, други незадоволни

Изборот на Марта Бунд за Мис Болоња 2026 предизвика жестока дебата на социјалните мрежи.

Марта е новата Мис Болоња: Некои слават, други незадоволни

Откако беше прогласена за победничка на регионалниот натпревар, следеа илјадници коментари, а мислењата на корисниците беа целосно поделени. Дел од дебатата беше за нејзиното африканско потекло.

Додека дел од јавноста ја гледа победата на Марта како знак на отвореност и инклузивност, други изразија незадоволство од исходот од натпреварот.

Во коментарите, некои корисници тврдеа дека изборите за убавина треба да го претставуваат „традиционалниот изглед“ и културното наследство на регионот. Други, пак, нагласија дека потеклото не треба да игра никаква улога во евалуацијата и дека единственото нешто што е важно е како кандидатките се претставиле и ги исполниле критериумите за натпреварување.

Што всушност освои таа?

Дебатата беше дополнително поттикната од објави што содржеа неточни или нецелосни информации, па затоа вреди да се разјасни што е во прашање.

Марта Бунда не беше крунисана за Мис Италија, туку ја освои титулата Мис Болоња 2026. Тоа беше регионално натпреварување кое ѝ обезбеди место во овогодинешното финале на Мис Италија.

Организаторите стојат зад својата одлука

Ваквите дискусии не се ништо ново во Италија. Во претходните години, учеството или победите на кандидатки од странско потекло, исто така, предизвикаа бројни реакции на социјалните мрежи и кај дел од јавноста.

Организаторите на натпреварот сè уште не дадоа коментар за контроверзноста, а резултатот од регионалниот натпревар останува на сила. Во меѓувреме, дебатата за современите идеали за убавина, идентитет и претставување на различни заедници продолжува на социјалните мрежи.

Извор: Индекс.хр

Тагови: Мис Болоња Марта Бунд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер