Американскиот Сенат усвои буџетски план со даночни олеснувања и намалувања на владините трошоци - Канал 5

Свет

Американскиот Сенат усвои буџетски план со даночни олеснувања и намалувања на владините трошоци

Американскиот Сенат го усвои републиканскиот буџетски план кој има за цел да ги продолжи даночните намалувања воведени во 2017 година за време на претседателот Доналд Трамп и значително да ги намали владините трошоци.

Американскиот Сенат усвои буџетски план со даночни олеснувања и намалувања на владините трошоци

Гласањето, кое уследи по целоноќната сесија, им овозможува на републиканците да избегнат „филибастер“ во Сенатот, што значи дека можат да донесат даночни олеснувања подоцна оваа година дури и без гласовите на демократите.

Независни аналитичари тврдат дека доколку законот биде усвоен, американскиот долг може да се зголеми за околу пет трилиони долари во следната деценија.

Претседателот на сенатската комисија за буџет од Јужна Каролина, Линдзи Грем, предупреди дека укинувањето на даночните намалувања во 2017 година ќе има негативно влијание врз Американците.

-Просечниот даночен обврзник би доживеал зголемување на данокот од 22 отсто. Четиричлено семејство со 80.610 долари, што е просечниот приход во САД, би се соочило со зголемување на данокот од 1.695 долари, рече Греам.

Демократите предложија голем број амандмани, вклучително и оние за заштита на пензиите и здравствената заштита на ветераните, но републиканците со големо мнозинство ги отфрлија.

По разгледувањето на предлогот во Претставничкиот дом, планот би можел да претрпи измени, додека се очекува намалување на издвојувањата согласно финализирањето на буџетскиот план.

Најконтроверзната ставка ќе биде можното намалување на Medicaid од 880 милијарди долари, на што независниот сенатор Берни Сандерс од Вермонт, кој работи со демократите, одговори велејќи дека тоа „ќе ја влоши лошата ситуација со тоа што милиони деца ќе останат без здравствена заштита“. /МИА

Тагови: Сенат трошоци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Фото: Во скоро пресушениот Дунав се појавија бродови од Втората светска војна

Нивото на водата во најдолгата европска река Дунав е  на историски минимум поради сушата на Балканот, што резултираше со појава на бродови на германската морнарица од Втората светска војна. 

Фото: Во скоро пресушениот Дунав се појавија бродови од Втората светска војна

Како што објави Ројтерс, бродовите се појавиле на делот од Дунав што минува низ Прахово, град во Србија, додека непотврдени информации укажуваат дека е многу веројатно дека во нив има неискористена муниција.

Бродовите според извештајот на Ројтерс наводно ги потопиле самите нацисти за да спречат да паднат во рацете на тогашната советска армија, за време на нејзиниот контранапад, објавува Прототема.

Според проценките на експертите, на дното на Дунав во близина на Прахово има десетици германски бродови, вклучувајќи патролни чамци, реморкери и транспортни бродови. Се верува дека дел од остатоците сè уште се закопани од речните наноси, додека други станале видливи поради рекордно ниските нивоа на водата.

Остатоци од бродови со децении се еден од најголемите проблеми за пловидба на овој дел од меѓународниот воден пат.

Ниското ниво на водата на Дунав во последните денови предизвикува проблеми низ целиот регион.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Јаник Синер и понатаму водечки на АТП листата на најдобрите тенисери на светот

Победникот на Вимблдон, Италијанецот Јаник Синер и понтаму е лидер на АТП листата на најдобрите тенисери на светот со 13.450 бода.

Јаник Синер и понатаму водечки на АТП листата на најдобрите тенисери на светот

Неговиот противник од финалето Саша Зверев загуби 360 бода – кои ги освои во Канада минатата сезона – и сега повторно е трет со 8.120 бода, со само 40 бода помалку од Карлос Алкараз, кој се подготвува за враќање на теренот по неколкумесечна пауза.

Феликс Оже-Алијасим е четврти со 4.740 бода, Новак Ѓоковиќ е петти, Данил Медведев напредуваше за едно место и сега е шести со 3.620 бода. Алекс де Минор падна за едно место на 3.560, Флавио Коболи се искачи за едно место на осмото со 3.330, додека Тејлор Фриц е деветти со 3.230. Бен Шелтон ја заокружува листата на најдобрите десет со 2.680 бода.

Тагови: Јаник Синер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Што се случува со Аријана Гранде?

Нејзиното видно слабо тело поттикна дискусија на социјалните мрежи, сите се загрижени 

Што се случува со Аријана Гранде?

Младата музичка ѕвезда Аријана Гранде предизвика бројни реакции на социјалните мрежи откако го објави спотот за песната „Petal“. Таа го привлече вниманието на јавноста со својот изглед.

Аријана Гранде неодамна објави спот за песната „Petal“, а бројни реакции во јавноста предизвика не со својот уметнички израз во самата песна, туку со својот физички изглед.

За снимањето на спотот, Аријана носеше црни хеланки, црна блуза што ги открива рамената и марама околу вратот.

Сепак, повеќето корисници на интернет останаа вџашени кога ја видоа нејзината видно слаба фигура.

YouTube video

„Таа е многу слаба и тоа е загрижувачки“, напиша еден, додека друг додаде: „Мислам дека луѓето имаат право да се грижат за нејзиното здравје“.

Тагови: Аријана Гранде

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер